2026 sàn in na, Mali sὲnɛkɛlaw Bɛ kule la fan bɛɛ fὲ k’a sababu Kɛ sanjikogɛlɛya ye, ko san ma labɔli Kɛ ɲinan hali ka sùrunya. U ko dùgukolo jalendon, jiko bɛ sùmanw na. Sὲnɛkɛla caman ma dànni Daminɛ ɲɔgɔn fὲ. sanji kunfɔlɔ minnu Nàna, mɔ̀gɔw ka dànni Fɔ-fɔra ɲɔgɔn 'kɔ olu nàli cun-cunni fὲ. Dɔw ye danni daminɛ k'a sɔ̀rɔ dɔw ye sun Sɔ̀rɔ kàban. Sani sanji nàko filananw 'cɛ, dugukolow Jàra. Mɔ̀gɔ minnu tùn ye dànni Kɛ dùgu Jàra olu ka siw da la. Minnu tùn ka sùmanw Falenna olu ka sunw Sàra. Kà sanga ni sanjiko kùnnafoni tɔ̀ ye, an Sera sὲnɛkɛla dɔ mà a y’a da Dòn a ko la kà ɲɛfɔli Kɛ an ye. An balikakɛ y’a Jira ko ɲinan ni sàn tɔw ma Kɛ kelen ye, bari ji tùn bɛ Sɔ̀rɔ cogo min na sàn tɔ̀w la o ma Kɛ ɲinan. A ko nin y’ale dɔgɔkun flà ye a ka dànnifɛnw bɛ dùgu la minnu bɛɛ kɔrɔla Jàra. A Ko sὲnɛ B’a tùma fὲ. Nìn waleya in Kɛra sababu ye sὲnɛkɛla caman Sàlayara ɲinan. Dɔw yὲrɛ ma 'baara wɛrɛ Kɛ tugun. A y’a da Dòn kɔ̀lɔɔlɔ la sanjikogɛlɛya bɛ kà min Lase sùman mà, kὲrɛnkɛrɛnneya la màlo. A Ko ni màlo kɔrɔla Jàra a mɔ bɛ Goya. A bɛ Fɔ̀sɔn-fɔsɔn. A Ko ni san ma Nà walasa sὲnɛkɛlaw ka baara Kɛ, sùmanko bɛ Gὲlɛya. O bɛ Dòn ɲinan baloko la Mali 'kɔnɔ.
Blàdon : 2026-10-07 Yɛlɛmako laban : 2026-10-07










