FÀKAN

SNJ ka 'kulu 7nan mɔgɔ 2400 ka bolodon kùn cɛra

‎Tàratadon, ɔkutɔburukalo tìle 13, 2026 sàn, jàmanakuntigi Asimi Gòyita ye SNJ bolodondenw ka bolodon kùncɛli kɛnɛ ɲɛmaaya kɛ, Genie militaire la Bàmakɔ. O bolodon in kùntaala kɛra kalo 6 ye. A kɛra Bàfo kàlanso la Segu kἑrɛ fɛ. 'Màaba caman tùn b'à kùncɛli in kɛnɛ kàn. Mùso 800 de tùn bɛ ‘mɔ̀gɔ 2400 ninnu 'tu la ani jàmana ka baarakɛla ‘mɔ̀gɔ 1827 kà fàra cakɛda baarakɛla ‘mɔ̀gɔ 573 kàn. Bolodon in tùn bɛ ‘dɔnniya caman kàn: Kἑlɛdɔn, dùgukolodɔn, kἑlɛ fἑɛrɛw tìgɛcogo, kἑlɛkɛminɛnw labaaracogo, muguci ani sàriyadɔn. U kàlanna jàmanadenɲumanya ni sàriyaw labatocogo fana na. Jàmanakuntigi y'i taama nìn jàmaba in ɲɛ ‘kɔrɔ k'u fò. Bolodonden ninnu tùn ye ‘kulu fìla ye: jàmana ka baarakɛlaw ka kulu ani cakɛda baarakɛlaw ka kulu. Jàmana ka baarakɛlaw ka kulu la, Sùlemani Màyiga de kɛra ŋàna ye ni 'kùru 17,70 sɔrɔli ye 20 na. Cakɛda baarakɛlaw ka kulu la, Sala Sìdibe de kɛra ŋàna ye ni 'kùru 19,41 sɔrɔli ye 20 na. Kἑlɛfangamasa, Asimi Gòyita bìsimilara ni Màli fàsa ye, à taamana kà nìn ‘màa 2400 ninnu fò. Bolodonden ninnu taamana kà dɔ̀nkiliw da, kà Màli ka kelenya jìra jàma la. Jàmanakuntigi Asimi Gòyita ka 'fɔ la, SNJ ka nìn kulu 7nan mɔgɔw labɛnna hakili ni fàrikolo ani k'u ye jàmana ka bìlankɔrɔw ye minnu bɛ se kà weele tùma bɛɛ ni fàso màgo jɔ̀ra u la. Bolodonden ninnu labὲnnen dòn jàmana ka 'baara caman ‘kan mà jàmana lakana siratigɛ la ani fàsodenɲumanya baaraw la, min b'a to u bɛ baara kɛ tilennenya 'kɔnɔ. Kἑlɛfangamasa Asimi Gòyita y'à ka nisɔndiya jìra. À tilara k'u fò, k'u ladi ani kà jàmanadenɲumanya sira jìra u la.

‘Hakilijigin na, SNJ sìgira 'sèn 'kan kabini 1983 sàn na, a ko tùn jɔ̀ra 1991 sàn nk'à tilara kà wuli 2016 sàn na. À kɛli kɛra diyagoya ye jàmana fòrobabaara sɔ̀rɔbaa bɛɛ kàn kà kɛɲɛ ni Màli kura kùntilenna ye.

Blàdon : 2026-11-07     Yɛlɛmako laban : 2026-11-07


I fɛla Fɔ fasiri kan :

Captcha

Jagomajira

Gamezop tlonsira

Fàkan bataki

Sìgidɔn

Jyɛn jamanaw

 

Mali duguw

 

Daɲɛsɛbɛn

Maralenw

2026

2025

2024

2024-12

2024-11

2024-10

2024-09

2024-08

2024-07

2024-06

2024-05

2024-04

2024-03

2024-02

2024-01

2023

2023-12

2023-11

2023-10

2023-09

2023-08

2023-07

2023-06

2023-05

2023-04

2023-03

2023-02

2023-01

2022

2021

2020

2019

2018

2017

2017-12

2017-10

2017-09

2017-08

2017-07

2017-06

2017-05

2017-04

2017-03

2017-02

2017-01

2016

2016-12

2016-11

2016-10

2016-08

2016-07

2016-06

2016-05

2016-04

2016-03

2016-02

2016-01

2015