Mumɛ >
2015 Mali sungurun cὲ ɲi sugandili ʃu: an balimamuso Awa Jawara Kɛra Mali npogotigi bɛɛ la sarama ye
2015 sàn muso sarama tɔgɔlaʃu jansali laban Nàna Kɛ 2016 sàn daminɛ na. O ma Sɔrɔ fɛn wɛrɛ fɛ jamana kɔnɔkow gɛlɛya fɛ sàn kalo laban fla la. ORTM baarakɛlaw ka lapasalitɔn tùn Wajibiyara k'a Bɔ a dɔgɔ 'kɔrɔ kalo sàlen na.
Kabini 21nan waati CICB (S.I.S.B) Minɛna k'a Fa i ko dakɔnɔɲin. Sìgiyɔrɔ Dɔgɔyara mɔgɔ la fo mɔgɔ jɔlen tùn bɛ na Caya ni sìgilen ye. Jama nàlen bɛ i ɲɛ Daamu jamana muso cɛ ɲiw na. Nka baaraw yɛrɛ daminɛni Kɛra nɛgɛ ɲɛ 21 tɛmɛnen 'kɔ ni sanga 15 ye.
Npogotigi 12 tùn bɛ saramaya Лinina. Mali marabolo 8 bɛɛ ka mɔgɔ kelen-kelen ani Bamakɔ ta mɔgɔ fla ka Mali tunkarankew ka mɔgɔ dilen Fàra o bɛɛ kan. Ale Bɔra Faransi ka Nà.
Npogotigiw ye tɛmɛko 4 Kɛ. O tɛmɛkow ni ɲɔgɔn 'cɛ, ɲɛnajɛ wɛrɛw tùn bɛ ka Kɛ i n'a fɔ ɲɔgɔlɔnbɔlaw walima dɔnkilidalaw. Kɔtɛba dɔ Bɔra fɔlɔ ka dyalatigɛlaw jirali Da o kan. Alu Sam Tɛmɛna n'a ka fɔlisen 2 fɔli ye ka Amanar fɔlikulu fana Tɛmɛ n'u ka fɔlisen 1 ye. Astu Лaamɛ fana Tɛmɛna ni fɔlisen 2 ye. Cayile Arbi n'a ka dɔnsen kabakomaw Bɔra ka fɔlisen 2 fana Kɛ ka jama Lanisɔndya. Лɔgɔlɔnbɔ minnu Kɛra, ATT Junior tùn b'o la, Amazoni fana tùn b'o la.
Yɛlɛma kura min ye ɲinan ta Bɔ sàn tɔw ta ma o Kɛra fàso kanw damanatɛmɛ ni sèndonni ye taabolo la. Npogotigiw Tɛmɛna ka Kuma u ka kanw na bɛn ni kelenya hakilina kan Mali 'kɔnɔ.
Tɛmɛko fɔlɔ kɛli la, u kelen-kelen Tɛmɛna ka Kuma u ka marabolo kan madɔnnen na. O la, Kayi npogotigi sarama, Bulεl Jum, Kumana xaasongakanŋo na. Kulukɔrɔ ta, Balkisa Ture, Kumana bamanakan na. Sikaso ta, Fatumata Daɲɔkɔ, Kumana shɛnara la. Segu ta, Maselinn Kɔnε, Kumana bamanankan na. Mooti ta, Fatumata Jara, Kumana Fulfulde la. Tumutu ta, Fadimata Ag Ali Sise, y'a ta Fɔ Soŋay la. Gawo ta, Fudugu Franswa Damiɲε, fana Kumana Soŋay la. Kidal ta, Ana S Walεt Mohamεd, y'i ta Fɔ Tamashεk la. Bamakɔ ta muso dilen tùn ye sàba ye minkɛ, o mɔgɔ fɔlɔ, Mariyam Gindo, y'i ta Fɔ dɔgɔsɔ la. Ale tùn ye Bamakɔ sarama dankan flanan ye. Bamakɔ muso flanan, Awa Jawara, Kumana Soninke la. Ale tùn ye Bamakɔ sarama dankan fɔlɔ ye. Bamakɔ muso sabanan, n'o tùn ye Bamakɔ saramaya Ta ko Umu Jakite, y'i ta Fɔ fulfulde la. Mali tunkarankew jɔyɔrɔ fabaa, Jabaatε, Kumana bamanankan na.
Npogotigiw tεmεko 2nan Kɛra ni u kɛli ye k'u Jɔ 'cogo la min b'a To u toncogo ɲɔgɔn 'kɔ o bɛ "PAIX" (bɛn) sɛbɛnni Ladege cogo min na. U y'o bɔli Kɛ k'o Kɛ ŋaniɲɛjira ye ka tàli Kɛ Mali cogoya kan bì. U bɛɛ ka masiri tùn ye fìni ɲɛ kelen ye, dlokiba jɛman.
Npogotigiw tεmεko 3nan Kɛra dugubakɔnɔna masiriw la. Npogotigi tεmεko 4nan, n'o Kɛra u bɔko laban ye, o Kɛra ni u kelen-kelenbɔli ye ka Nà u Sàra jama la fransɛkan na. O kɔrɔfɔ bɛɛ Bòlila bɛn ni kelenya sabatili kan jamana 'kɔnɔ.
Sàn kɔrɔ dɔw muso cɛ ɲiw tùn bɛ kɛnɛ kan. Komin tàko tɛmɛnen laban muso nàli ye wajibi ye, ka Fàra ale kan, 2008 ni 2009 sàn muso cɛ ɲiw Jirala jama la.
Dyalatigɛlaw Nàna nin bɛɛ tɛmɛnen 'kɔ. U ye jansali da Minɛ bɛn ni kelenya sabatili fɔko ɲuman kɛbaa la. Tumutu npogotigi sugandilen Wulila n'o dɔrɔmɛ 50 000 jansalan ye. Laadalamasiri kɛcogo ɲuman fana Jansara. Sikaso npogotigi Taara n'o jansalan ye. Melekuya jansalan Dira Kayi npogotigi ma. A Jirala k'a Fɔ ko ale ka kuma fɔcogo ka Da ɲɔgɔn kan k'o ye maaw nimisi Wasa.
Sungurun cɛ ɲi dankan flanan jɔyɔrɔ Sɔrɔla Walεt Mohamεd fɛ, Kidal npogotigi sugandilen. Dankan fɔlɔ jɔyɔrɔ Tàra Umu Jakite fɛ, Bamakɔ npogotigi dɔ. Saraba yɛrɛ cὲbaa, n'o ye Mali 2015 sàn npogotigi sarama ye, o kùnnawolo Kɛra an balimamuso Awa Jawara ye, sàn 19, kilo 48, mɛtrɛ 1,76, ka Bɔ Bamakɔ.
Npogotigi sarama sàba ninnu ka jansalanw ka ca wa u dakunw ka girin. Npogotigi sarama bɛ miliyɔn 2 ni latigɛlan kelen Sɔrɔ ka Bɔ Malitel ani Bɛn ni kelenya sabatili setigida mɔgɔw 'bolo. Dankan fɔlɔ ni flanan fla bɛɛ bɛ miliyɔn 1-1 Sɔrɔ. Wari ninnu bɛ ka Fɔ sefa la. Jansalan sugu caman Dira nka ninnu y'a la kùnbabaw ye. Npogotigi tɔ 9 minnu ma saramaya Sɔrɔ olu fana bolo lankolon ma Bɔ a ko la. Jansalikɛla dɔ ye d. 2000 Di olu kelen-kelen ma.
Komin ɲɛnajɛ ma Kɔn ka da Minɛ ana fana mɛnni 'sèn na y'a To ɲɛnajɛw Taara Kùncɛ fo 3:30.
Blàdon : 2016-01-02 Yɛlɛmako laban : 2016-12-07
