Kaloyeta kùnnafoni: kalo jɔtaw tɔgɔw bɛ di bamanankan na
Kalo dɔ bɛ Bɔ kàbakolo la fo mɔgɔw b'a Ye k'a Lasaa ʃu fɛ ka Лɛ. Sàn kelen 'kɔnɔ, a bɛ bɔka-fooriko 12 Kɛ. A bɔkafoori kelen o kelen, tle 30 ɲɔgɔn b'o 'kɔnɔ. A kalo waati jate bɔli tɔgɔ ka ca bamanankan na. Dɔw ko a ma Ko bamanankalo walima fàrafinkalo. Anw Ko a ma ko Kaloyeta. 'Tɔgɔ bɛ a fooriko kelen-kelen bɛɛ la. O tɔgɔko tùn tɛ ko da tlennen ye ka Nà bari kɔnɔna bɛɛ n'i ta tɔgɔ tùn dòn.
A tɔgɔda-cogo min jate ka kɛnɛ bì o fɛnsɛlen Flɛ nin ye. Jatebla min y'a baara Kɛ o ye TDUK ye. O jatebla bɛ ko caman Fɔ donko kan f'a bɛ kaloyeta ninnu jɔdon Di mɔgɔw ma ka Bɛn ni dɔnniyakalo ta donw ye.
- Lasiri fɔlɔ
- Lasiri flanan
- Lasiri sabanan
- Arajaba
- Sunkalo-makɔnɔ
- Sunkalo
- Selincinin-kalo
- Furancɛkalo
- Selibakalo
- Jɔnminɛ
- Dɔnbamakɔnɔ
- Dɔnba
Kalo jɔta ninnu yɛrɛ sàn kalo fɔlɔ ye jɔnminɛ ye. A sàn bɛ Laban selibakalo la. O la, an b'a Ye ko sànw dònnen dòn ɲɔgɔn 'kɔnɔ. 2016 sàn in Jɔra k'a Sɔrɔ kalojɔsan tùn b'a kalo 3nan na, dɔnbakalo kɔnin. Wa kalojɔsan min bɛ 'sèn na o bɛ na Ban ka dɔnniyasan 2016 tɔ To 'sèn na, bari o bɛ na Ban ka Bɛn ni Ɔtɔburukalo tle 2 ye.
Blàdon : 2016-06-16 Yɛlɛmako laban : 2016-12-07
