FÀKANDɔnniya fòrobayali jὲmukan tàko 16nan
Làbɛn 3 : Bàngudɔn : Tlè n’a màntonw kisa.
Dakun : Jikuruntolanin n’a kùnkanfaamuyaw (Neptune et ses littératures scientifiques)
1. ‘Sègin kɛli mànton yelenw tɛrɛmɛni kan fo kà Se jikuruntolanin ma
2. Mànton 8 : Jikuruntolanin (Neptune)
2.1 Jikuruntolanin kofɔli (Présentation de Neptune)
- Jikuruntolanin Ye tlè mànton 8nan ye dɔ wɛrɛ ma Ye min kɔ fɛ màntoya la ;
- Jikuruntolanin bɛ Da jikuruntoladankan kan ;
- Sannakolo min bɛ Da a kan, o Ye ntòlanin ye min Sènbɔra tlè màntoya la 2006 sàn ;
- ‘Bɔ Kɛr’a kàla ma ko jikuruntolanin Bɛ yèn jàtetɔn dàliluw fɛ fɔlɔ sàni bolo ka Da a kìsɛ kan sannadɔnna Zohann Gal fɛ 1846 sàn na ;
- An ye jikuruntolanin Kɛ a tɔgɔ ye bamanankan na bàri a Ye jikurumantonw bɛɛ la dɔgɔmannin ye ;
- Fùrancɛ bamɛtrɛ miliyari 4,5 ɲɔgɔn Bɛ jikuruntolanin ni tlè ‘cɛ ;
- Jikuruntolanin tɔgɔlakalow yelen bɛ 8 Bɔ bì-bi in na, a fitinin n’a kùnbaba bɛɛ ;
- A kalow sɛrɛ : Tritɔn, Prote, Nereyid, Nayiyad, Talasa, Dɛspina, Galateya ani Larisa.
2.2 Jikuruntolanin bàrisogoko (Structure de Neptune)
- Jikuruntolanin Ye fɔlɔkɔmanton sabanan ye min yankan bònya tɛ jikuruntoladankan ta Bɔ kosɛbɛ;
- A kòorikɔnɔ bònya Ye bam 49 000 ye a cɛcijala yɔrɔ la ;
- Jikuruntolanin yankan ka bòn ni dùgukolo ta ye fo shɛn 72 ;
- Jikuruntolanin forokofiɲɛ labɔlen dòn jilan na (80%), tlèlan na (15%) ;
- Tòlifɔlɔkɔ mùrumuruninw B’a la fana minnu b’a ɲɛ ka bagaya jù la ;
- Fùntenihakɛ jàteya min Bɛ jikuruntolanin kan o hakɛ bɛ Jìgin fo kà Se nɛnɛ hakɛ jaasilen -220 ma a forokofiɲɛ ‘kɔnɔ.
- A ka waati cogoya la, a bɛ Fɔ ko funun-fùnunko jugumanba B’a kan minnu teliya bɛ Se bam 2000 ma waati kelen ‘kɔnɔ a fàn dɔw fɛ.
- Lamininkɔn 03 ɲɔgɔn ɲὲɛnɛnen dòn jikuruntolanin da fɛ minnu ɲɛ nɔɔrɔ da jìginnen dòn ni jikurunmanton tɔw taw ye.
2.3 Jikuruntolanin ka bɔnnɔnako (Mouvement de Neptune)
- Jikuruntolanin ka tlèlamini kùntaala bɛ Bὲn sàn 165 ma dùgukolo kan ;
- A ka bɔ̀lɔkanmunu-munu kùntaala Ye waati 16 ɲɔgɔn ye, o min Y’a ka tlè kelen ye ;
- A munu-munubɔlɔ kèlekulen dòn a kὲrɛ kan kosɛbɛ.
2.4 Dodaɲɛkura fɔlenw kùnɲɔgɔnw dili fransɛkan na
1. Cɛcijala = équateur
2. Fìri = couche / épaisseur
3. Forokofiɲɛ = atmosphère
4. Fɔ̀lɔkɔ = gaz
5. Fɔ̀lɔkɔmanton = planète gazeuse
6. Hakɛ jaasilen = moins tel degré
7. Jikuru = glace
8. Jikurumanton = planète glacée
9. Jikuruntoladankan = uranus
10. Jikuruntolanin = neptune
11. Jilan = hydrogène
12. Kòorikɔnɔ = diamètre
13. Kùntaala = période/durée
14. Lamininkɔn = anneau
15. Mànfɛn = élément constitutif
16. Mànton = satellite
17. Munu-mununi = rotation
18. Sannakolo = planète
19. Tlèlan = hélium
20. Tòlifɔlɔkɔ = méthane
Sunkofɔlan
Microsoft Encarta Collection, 2009, Neptune (astronomie).
Microsoft Encarta Junior, 2009, Neptune,
Solar system scope, Application android téléchargée de playstore, https://play.google.com/store/apps/details?id=air.com.eu.inove.sss2,
Blàdon : 2023-10-10 Yɛlɛmako laban : 2023-10-14
