Mumɛ >
2016 sàn Mali npogotigi sarama: Fatumata Tunkara ye sara fɔlɔ Cὲ
A Kɛra Amadu Anpate Ba tɔgɔlaso la, o bon min tɔgɔ bɛ Bazumanaba la, juma k'a dugu Jɛ sibiri la, 2016 12 16. So falen i ko dakɔnɔɲin tuma min na, ORTM mɔgɔw Sɔrɔla kà ta Blà Mali npogotigi sarama tàli gintanw na 2016 sàn tàko siratigɛ la. Kanbɔbaa 13 de tùn bɛ a ɲinannama la bari Etazuni tungarankew y'u Sèndon a la. Komin Faransi tungarankew ta y'a la 'kɔrɔlenko ye, o kanbɔbaa fla ninnu Fàrala Mali kɔnɔna taw kan k'u seko n'u damajira Jira u ka cὲɲa n'u ka sanga saradali la jama ye. Sani u tɛmɛko fɔlɔ ka Kɛ, fɔlifɔla dɔw ye jama Layuguba fɔlɔ kà 'gɔngɔn Bɔ mɔgɔw la.
Npogotigiw ye tɛmɛko 3 de Kɛ a kuurukàara la. Tɛmɛko fɔlɔ Kɛra bɔli ye ɲɔgɔn fɛ. Tɛmɛko flanan Kɛra kelen-kelenbɔ ye n'u ka laadalamasiriw ye. Bɛɛ Nàna n'i ka marabolo tabiya masiriw ye an'o fɔlisen. Tɛmɛko sabanan fana Kɛra kelen-kelenbɔ dɔ ye min 'sèn fɛ, npogotigiw bɛɛ y'u Dàntigɛ don barodun kan (Muso, bɛn ni yiriwa) fransɛkan na. Nka dɔw y'u yɛrɛ Лɛfɔ an ka kan dɔw la ka Fàra fransɛkan kan. Anglɛkan yɛrɛ Yera a dɔw ta la fana.
A tɛmɛko ninnu ni ɲɔgɔn cɛ, kolabɛnnaw tùn bɛ kà fɔlitigiw Sogin a ko 'sèn na, k'a ɲɛnajɛ tɔ Sankɔrɔta kà T'a fɛ. Jagomajiraw fana tùn b'a la kà Tɛmɛ sɔn.
Tɛmɛkow bɛ Taa Foori waati min na, a ko dyalatigɛlaw Nàn'u ka jaabiw Di. An 'tlo b'a la ko Fatumata Tunkara, alee min tùn Kɛra Bamakɔ damanata sarama dankan ye, k'o Kɛra Mali npogotigi sarama ye 2016 sàn na. Ale ye npogotigi sarama ye, farilajɛ. A jɔbɛrɛ bɛ m 1,70 na. A girinya ye k 45 ye. A yɛrɛ ʃi bɛ sàn 18 na. Fatumata nɔkanda Kɛra Kidal tɔgɔlanpotigi ye, Minatu Kulubali, kaa sɔrɔ k'o fana ta nɔkanda Kɛ Bamakɔ mɔgɔ sabanan ye.
Sarama niyɔrɔ Kɛra dalasi miliyɔn fla ye (d.2 000 000) ani donbolo caman. A nɔkanda ye miliyɔn kelen ni waa kɛmɛ Sɔrɔ (d.1 100 000) ni kà o nɔkanda ta Kɛ miliyɔn kelen ye (d. 1 000 000). Donbolow Dira a mɔgɔ 13 bɛɛ ma. Laadalafini ɲὲ ani kuma ɲὲ jonjonw Dira tumutuka ni Kulukɔrɔka ma.
Blàdon : 2016-12-17 Yɛlɛmako laban : 2016-12-24
