Mànden kàlikan
Mànden Sìgira bὲn ni kànu de kan, ani hɔrɔnya ni bandenya. O kɔrɔ de ye ko siyawoloma tɛ Mànden tugun. An ka ‘kὲlɛ kɔrɔ dɔ Flɛ nìn ye. O la sa, Sànɛnɛ ni Kɔntɔrɔn denw bɛ Nà u Kanbɔ jyɛn fàntan-ninaani, Mànden bɛɛ lajὲlen ‘tɔgɔ la.
1. Dònsow Ko :
Ko ni bɛɛ Ye ‘ni ye ;
Ko cyɛn kɔ̀ni Dòn ko ni bɛ Bɔ fiyɛn na ni ɲa,
Ko nkà ‘ni man kɔ̀rɔ ‘ni ye,
Ko ‘ni nma fisa ‘ni ye.
2. Dònsow Ko :
Ni bɛɛ Ye ‘ni ye,
Nitɔɔrɔ sàrabalai tɛ .
O la sa,
Ko ‘mɔ̀gɔ si kàna Blà i sìgiɲɔgɔn na
Ko ‘mɔ̀gɔ kàna i mɔ̀gɔɲɔgɔn ni Màtɔɔrɔ
Ko ‘mɔ̀gɔ kàna i mɔ̀gɔɲɔgɔn Làjaaba
3. Dònsow Ko :
Ko bɛɛ k’i Jànto i mɔ̀gɔɲɔgɔnw la
Ko bɛɛ k’ bangebagaw Bàto
Ko bɛɛ k’i denw Lamɔ̀n a ɲɛ ma
Ko bɛɛ k’i ka dumɔgɔw Ladòn
4. Dònsow Ko :
Ko bɛɛ k’i Jànto i fàso la ;
Ko n’i y’a Mɛn ko fàso, n’o Ye jàmana ye,
Ko mɔ̀gɔw ko Dòn
Ko ni mɔ̀gɔ Banna ‘jàmana o jàmana ‘kɔ kan,
Ko o jàmana o dùgukolo yὲrɛ bɛ Лɛnafin.
5. Dònsow Ko :
Ko kɔngɔ ma ɲì
Jɔ̀nya ma ɲì
Ko kɔngɔ ni jɔ̀nya ɲɔ̀gɔn kojugu tɛ,
Jyɛnso yàn.
Ko kà ton ni kala To anw ‘bolo,
Ko kɔngɔ tɛ mɔ̀gɔ Fàga tugun, Mànden,
Ni jya Kɛra nàfɛn ye,
Ko kὲlɛ tɛ dùgu Cì tugun, Mànden,
Ka a jɔn Bɔ ;
Ko nὲgɛ tɛ Dòn ‘mɔ̀gɔ da la tugun, Mànden,
Kà Taa a Fèere ;
Ko ‘mɔgɔ tɛ Bùgɔ tugun, Mànden
Sànko k’a Fàga,
Ko i Ye ‘jɔnden ye.
6. Dònsow Ko :
Ko jɔ̀nya Silasàra ‘bì,
Mànden ‘dὲnɛn n’a ‘dὲnɛn ;
Ko bìnnkanni Dablàra ‘bì, Mànden,
Ko ɲani jugu Banna ‘bì, Mànden.
Kɔngɔ ma ɲi,
‘Màlo tɛ ‘kɔgɔntɔ la ;
Лani ma ɲi,
‘Jɔ̀yɔrɔ tɛ ‘ɲanibaatɔ la ;
‘Dànbɛ tɛ ‘jɔ̀n na
Jyɛn ‘yɔrɔ si.
7. Fɔlɔmɔgɔw Ko
Ko mɔ̀gɔninfin yὲrɛkun,
A kolo n’a bù
A sɛmɛ n’a fàsa,
A gòlo n’a fàrikansi,
Ko olu bɛ Balo s^man ni ji de la ;
Ko nkà k’a ni bɛ Balo ‘fɛn sàba la :
Sàgolamɔgɔ ye,
Sàgolakuma Fɔ,
A ni sàgolako Kɛ ;
Ko ni nìn ‘fɛn sàba dɔ ye ni Màjɛ,
Ko ni bɛɛ Tɔɔrɔ,
Ko ni bɛ Còolo.
O la sa, dònsow Ko :
Ko bɛɛ ‘wàsa Bɛ i yὲrɛ rɔ,
N’a ma Kɛ ni fàso-tanacyɛn ye ;
Ko bɛɛ ‘ta Y i ‘sɔ̀rɔfɛn ye.
Mànden kàlikan Flɛ nìn ye,
K’a Da jyɛn bɛɛ lajὲlen tlo kan.
Bɔyɔrɔ: Mànden kàlikan
Blàdon : 2022-12-03 Yɛlɛmako laban : 2022-12-03
