Poyidaga >
Bureyima Keyita ka poyi dɔw
Kaso
Dibiw la kasaman, kaso.
Yɔrɔ kelen tɔgɔgoma, kaso.
Hami banbali, kaso.
Siyɔrɔbila kadawu, lafiya banna.
Kankelentigi, yɛrɛkɔlɔsi ɲɔgɔn tɛ.
N balimakɛ, n balimamuso jantoyɛrɛla kɔrɔko ka ɲi,
I kisi kaso ma.
Danbetiɲɛ don.
Nafolotigi
Diɲɛ ɲagamibaa, nafolotigi.
Waritigi, i cogo dɔn.
Nafolotigi, i yɛrɛ kɔlɔsi.
Wari b’a tigi coron. Nafolo b’a tigi fili.
Ni wari tɛ fɛn min na, o tɛ dilan.
Jɛjugu labɛnbaa, hakili bila wale ɲɛfɛ.
Janfajugu siribaa, i janto sini na.
I miiri.
Kana walejugu kɔkɔrɔdon.
Tilen.
I tilen balimaw ni ɲɔgɔn cɛ.
Faso sariya bato, jamana sankɔrɔta.
Nafolo fili tɛ fɔ ka ban.
Tɔɲɔni dabila.
Jigi tugu.
I tanga wari balawu ma.
Sɛbɛnbaga Bureima Keyita
Лɛmɔgɔɲuman
Faso ntulonma, ɲɛmɔgɔɲuman
Лɛmɔgɔɲuman, jama mako b’i la.
dankɔrɔba ka n’i jɔyɔrɔ bila.
Nturakelensisanfa, jama b’i kɔ.
Fosi tɛ tilennenya kɔ.
Fosi tɛ dilan tilennenya kɔ.
Fosi tɛ sabati tilennenya kɔ.
Cɛba jɔrɔrɔtigi, kana siran ka tiɲɛ fɔ.
Cɛba tiɲɛfɔla, kana don nanbarakurun kɔnɔ bawɔ
Kɔlɔnjugu jiri bɛ kari a yɛrɛ kɔnɔ.
Kana don janfa la.
I wasadon tiɲɛ na.
Blàdon : 2015-11-22 Yɛlɛmako laban : 2016-12-07
