Sama
Dɔw ko sama, dɔw ko ɲintigi, dɔw ko bugu.
Aa, ‘fεnba tε yabi Bɔ
Лintigi ka ‘kὲlε man di
Sasendaba bε sama ɲintigi da la, ‘so ni ‘kungo ‘cε
Sankaso kura bε sama ɲintigi da la,
Ee donsow, ɲintigi ka kὲlε man ɲi
Marifa kura sɔngɔ bε bugu da la, ‘so ni ‘kungo ‘cε
Kɔɲɔmuso-furuwari bε ɲintigi ‘da
Mɔbili kura konɲin bε sama ɲintigi da la
Un, ɲintigi ka kὲlε man ɲi
Bawo minεkabla tε samaɲintigi fε
N’i bε Taa ɲintigi ka kὲlε la,
I ka furumuso Jira u cεntabagaw la
I k’i wolodenw Jira u ladonbagaw la.
N’i bε Taa ɲintigi ka kὲlε la dun
I b’i sèn kelen Da sankanso jɔwari kan
Ka sèn kelen Da kaburu kura da la.
I b’i sèn kelen Da mɔbili kura sɔngɔ kan
Ka sèn kelen Da kaburu kura da la.
N’i bε Taa ɲintigi kὲlεyɔrɔ la,
I b’i sèn kelen Da marifa kura wari kan
Ka tɔ kelen Da kaburu kura kan.
Ee donsow, ɲintigi ka kὲlε man di
Bawo seginsobaliya bε ɲintigi ka kὲlε la
Seku Sangarε, 2014 12 16
_______________________________________________________________________________________________
Dɔ Fàra i ka dɔnta kan
Seku ka poyi wɛrɛw Lasɔrɔ yan
Blàdon : 2016-07-07 Yɛlɛmako laban : 2016-12-01
