Kòmo
Aa, dajεw Bεnbacε,
Kòmo saraman kan jan
Kòmo julagε ni Kòmo dalagε,
Kòmo nàkan konbo-kanba,
A bòlikan krobro-krabra
A ju lakurulen i ko ‘finikan-wɔlɔsɔ
A dabara jεlen i ko nɔnɔminna dabara
K’a ɲεkɔrɔla fla fin i ko musobadyatɔ ɲεkɔrɔla.
Kale bε ‘mɔgɔ ɲεkɔrɔ, kale bε Kòmo ɲεkɔrɔ,
Kòmo tε kalebarasɔngɔ Dɔn
Sènkuruw caco, ‘nkalamacaco
Ee Kòmo, wulabarɔ socε kirikentan,
A kɔ kurulen i ko kirike dayɔrɔ
Aa, dɔ ye dajε fàga, Kòmo fàgabaga man ca
Densafura bε kòmo ‘bolo, filiyajala bε Kòmo 'bolo ‘so ni ‘kunko ‘cε
Mɔgɔ kana kòmo Kὲlε n’i tε woroba 'kɔrɔ
N’i ye Kòmo Kὲlε ni 'karamɔgɔ ɲuman t’i la,
A b’i Blà dìbi la, mɔkɔlɔn
N’i ye kòmo Kὲlε ni ɲamalakari t’i ‘bolo,
A b’i Sɔn bagi la, ‘denɲumanlakari,
Jyεn bε Лugun i la.
N’i ye kòmo Kὲlε ni kutigε-fura t’i ‘bolo,
Kòmo b’i Sɔn kaya la, ‘jitadun
Aa kabako, jaga kòmokεlε man di nalonma la.
Seku Sangarε, 2014 12 16
_______________________________________________________________________________________________
Dɔ Fàra i ka dɔnta kan
Seku ka poyi wɛrɛw Lasɔrɔ yan
Blàdon : 2016-07-07 Yɛlɛmako laban : 2020-03-26
