Kr Dukure: ɲɛlakeguya-baara
Ko "hakili ni sɛbɛ de bɛ mɔnɛ Bɔ" Kr Dukure ka kuma dòn. Kr Dukure bɛ nin bɛɛ la, a bɛ ɲɛlakeguya-baara caman Kɛ a 'sèn fɛ. Kosɔgɔbɛ ka d'a ye. A mana ko o ko Dabɔ, i b'a sɔrɔ o ye da kura dɔ ɲɛtigɛtɔ ye a fɛ. Kow ka To u dabolo kɔrɔ ma k'a sɔrɔ mɔgɔ bɛ Se ka yɛlɛma Dòn u la, ale furadama t'o fɛ. Ni gὲlɛya bɛ ko min kɛli la, a bɛ 'lakurayacogo Лini o la sanga ni waati. 'Mɔgɔ bɛ Se k'o jogo in Sɛmɛntiya Kr Dukure ka ko la hali n'a ka gafe sɛbɛnnen dɔw miiriya ye. A ka c'a la, 'mɔgɔ tɛ Miiri ziirin kura labɛnni na an ka kanw na bari mɔgɔw t'a Blà u kùn na ko ziirin ye fɛn labɛnta ye. Bɛɛ 'ɲɛ na, an ye ziirinw Sɔrɔ an bɛnbaw la wa kura tɛ Dla ka Fàra u kan. Nka Kr Dukure ka gafe minnu bɛ yen ko "Miiri de bɛ ɲɔ Kɛ dlɔ ye" (1978) walima ko "Geseba falentan" (1979), o flà bɛɛ ye 'ziirinw ye, minnu hakililaw Labɛnna Kr Dukure yɛrɛ fɛ. Wa a ziirinw kàlanni t'a Jira i la ko ziirin karabalenw dòn. U ka di wa u bɛ mɔgɔ Sɔn 'hakili la i ko an bɛ ziirin minnu Sɔrɔ an ka laadaladali ‘kɔnɔ. Mɔgɔ min ka cɛsiri bɛ Se fo ziirin kura labɛnni ma, n'o Fɛrɛla an ka sìgidaw ka baaraminɛn kɔrɔw ma, o tɛ Dɛsɛ ka fɛɛrɛ Лini olu lakurayali la. Sanko ni mɔgɔ min b'an ka sìgidaw minɛnko kàla ma, minɛn caman b'an 'bolo halibi minnu labɛncogo kura bɛ nafa Ladon ka Sago u cogoya kɔrɔ kan. Sojɔ kɛcogo n'a minɛnw y'o dɔ ye. Sojɔ fὲɛrɛw ka kan ni labɛnko kura ye. O y'a To sojɔ bɛ Kr Dukure ka ɲɛlakeguya-baaraw la. Bangudɔn dɔnniya min b'a la ani a magwankun timinandiya min b'a la, a b'o faamuya Sèndon a ka sojɔ baaraw la. A tɛ sojɔ ko sanko an k'a Jɔ. A b'a Jɔ ni sumani kɛcogo kura daliluw ye. A yɛrɛ laban ye minɛn dɔw Dla a yɛrɛ ye sojɔ kamà. O minɛnw ma Sàn yɔrɔ ʃi, a yɛrɛ y'u Dla a ka gὲlɛya sɔrɔlenw furakɛli kamà sojɔ la ani walasa jamana sojɔlaw ka Se ka Bɔ a nu ma n'o minɛnw nafa bɔli ye. A ye sojɔminɛn caman Dla sojɔ degeli kamà. Kr Dukure yɛrɛ ka so dɔw ma Jɔ mɔgɔ wɛrɛ fɛ a yɛrɛ 'kɔ. A y'o bɛɛ Kɛ n'a ka minɛn dlalenw ye.
2008 sàn na, a ye dibiso dɔ jɔli Dabɔ a ka 'so. So in Dabɔr'a fɛ tobili sugu caman ka Se ka Kɛ a la: buurugosi, sogojeni, kinitobi, natobi, basifin, jikalaya. O bɛɛ bɔlen kɔ yen, a tùn b'a fɛ so in labɛncogo k'a To funteni maralen ka Mɛn a ‘kɔnɔ walasa kà lɔgɔjeni Kɛrɛnkɛrɛn ani ka belebele Bɔ tobili farikolola-baara la. So in Jɔra k'a Ban. A n'a ka denbaya yɛrɛ y'a Kurunbokari. U ye tobiliko damadɔ K'a la. So laban ma Kɛ a yɛrɛ sago ye 'kuma tɛ dukɔnɔ-mɔgɔ tɔw ma. O sugu tɛ Ban ɲininikɛla ni kokurasintila ka baaraw la. O ko ma Taa yɔrɔ jan blen.
2005 sàn na, a ka jateblaw dajirali-minɛnko gὲlɛya y'a Blà ka minɛn kura dɔ Labɛn o kamà. O y'a sɔrɔ latigɛlan ja seriyɔrɔko gὲlɛya b'a Sɔrɔ tùma bɛɛ n'a Taara a ka jateblaw dajirili la jama dɔ la. Dɔw ta bɛ Seri u ka baarayɔrɔ kogo fàn dɔ kan min ja tɛ Ye ka Лɛ. Seriyɔrɔ yɛrɛ tɛ a dɔw la. O gὲlɛya furakɛcogo de tùn ye k'a minɛn Sàn. O dun wari tùn ka ca kojùgu o waatiw la. A ma Лɛ a y'i Kɛ a delinnako kɔrɔ kan, n'o ye minɛnlabɛn ye. O Wolola 'minɛn na, min bɛ nafa caman Kɛ. A yɛrɛ ɲuman na, minɛn kelen nafa seegin. A y'a da Jira damajira kɛnɛ kan 2006 sàn na nka ma jansali Sɔrɔ n'a ye. O minɛn in tabalilama dòn ka bàra kɛsulama dɔ K'a la, ka kolonkolonsen naani Kɛ a dugu ma. Waalanba dɔ b'a sàn fɛ k'o dugumakɛrɛ flà Kɛ waalan fitinin sɛmɛnen flà ye. A tùn bɛ mago minnu ɲɛ olu laban Tɛmɛna a lawulikun fɔlɔ yɛrɛ kan: jaserilan tùn dòn, tabali dòn, minɛnmaralan, sɛbɛnni walima gafekalan-yɔrɔ, gafedalan, wa nin tla bɛɛ kɛyɔrɔ tùn ye flà-flà ye a la. O bɛɛ tɛmɛnen 'kɔ, minɛn in bɛɛ bɛ Walaka k'a Blà i 'kùn ka Taa n'a y'i ɲɛnayɔrɔ la.
2006 sàn fana na, walasa ka dɔ Bɔ musow ka tasuma-daminɛ maɲumatɔko la, Kr Dukure y'i Bololajɛ finfinmugu labɛncogo dɔ la. A ye finfinmugu Лini k'o Daji k'o Mɔ kulukutu ye. A b'a kùruw Blà tle la k'u Ja. O jalen bɛ Tà ka Kɛ tadaminɛnan ye. N'o tùn Sabatir'a 'bolo, fɛn min ye musow ka degun ye ta sɔrɔliko la o tùn bɛ belebele Bɔ o la. Tasuma-daminɛ sisijugu-sama ani a mɛnɛnkasa banbali ka Fàra musakako kan, Kr Dukure ka fὲɛrɛ kura laɲininen ɲὲni tùn bɛ nin bɛɛ Kɛ ko kɔrɔ ye.
Kr Dukure bɛ ninnu n'u ɲɔgɔnnako min Kɛ, 'dàn t'o la. A caman ni sababa tɛ Bɛn a 'bolo. Hali ni minnu ni sababa Bɛnna, a tɛ sira Sɔrɔ n'olu ye kosɛbɛ. O bɛ tàli Kɛ jamana taabolo la. Miiriʃu fanga ka bòn jamana ‘kɔnɔ halibi. Bɛɛ Ko kɔrɔlen. Nka mɔgɔw bɛ Лinɛ yɔrɔ min 'kɔ kɔrɔlenko la, o ye ko hali ni kɔrɔlen ka kan ka Tà, ko kɔrɔlen bɛɛ tɛ tàta ye. Ni minnu bɛ Tà fana, lakurayataw b'olu la. A bɛɛ kuturu tɛ Tà tèn blen bari jyɛnnatigɛ Sera dakun caman ma minnu ni dabali kura ka kan. Ko « Mɔgɔ ka kan k’i bɔminɛn Fa » Kr Dukure.
Blàdon : 2016-06-27 Yɛlɛmako laban : 2017-01-08
