Salifu Keyita Domɛngo
Salifu Keyita Bangera 1946 sàn desanburukalo tlè 06 Bamakɔ. Salifu tùn Ye ‘ntòlatanna madɔnnen ye jyɛn bɛɛ fὲ. A fàso Ye Mali ye. Salifu ka ntòlatan-tɔgɔ tùn Ye Domɛngo ye. 1970 sàn, Domɛngo ye fàrafinna ntòlatannaw ka ŋànaya dònnbolo min bɛ Weele Ko sanuntola (balon d’or) tàko fɔlɔ Kɛ. Salifu y’a ka ntòlatan ɲɛtaakun da Mìnɛ Bamakɔ AS Reyal (AS Real de Bamako) ntòlatankulu ‘kɔnɔ. K’a T’o kulu in ‘kɔnɔ, u ye Mali jàmana tɔgɔla-kupu tàko sàba Kɛ. A Yὲlɛmana Sitadi maliyɛn (Stade malien) na o kɔ fὲ. Kà Domɛngo sì To ‘sàn 23 la, a Taara Faransi ntòlatan-kulu dɔ la min bɛ Weele ko Sɛn Etiyɛnn (Saint-Etienne). O kulu in ‘kɔnɔ, Salifu jàtelen tùn Dòn kà Kɛ ntòlatan tloma dɔ ye. O ntòlatan-kulu in ye Faransi ntòlatan ŋànakɛnɛ (championnat de France) ŋànaya tàko sàba ani Faransi jàmana tɔgɔla-kupu tàko flà Kɛ ka Salifu To yèn. Domɛngo ye ntòla Tan kulu caman wɛrɛw fὲ i n’a Fɔ : Olɛnpik Marsɛyi (Olympique de Marseille), Nfalansi CF (Valence CF), Spɔrtinŋ Klɔb Pɔrtugal (Sporting Clube de Portugal). Spɔrtinŋ ye Pɔrtugal jàmana tɔgɔla-kupu Tà kà Salifu To u ka kulu ‘kɔnɔ. Domɛngo Taara a ka ntòlatan Laban Etazuni (Etats-unis) olu ka ntòlatan-kulu min bɛ Weele Ko Niwu Ingland Ti Mɛnn (New England Tea Men) la.
Kà Domɛngo To ntòlatan na, a ye ntòla Cì Mali jàmana tɔgɔla-ntòlatankulu ye. O hukumu ‘kɔnɔ, a ye weeleko 13 Kɛ jàmana tɔgɔla-ntòlatankulu fὲ. Salifu ye cèlu 11 Dòn Màli jàmana ye. Salifu ye taako flà Kɛ ni Màli jàmana tɔgɔla-ntòlatankulu ye ntòlatan kùncɛkɛnɛ(finale) kàn. Fɔlɔ Kɛra 1965 sàn, flanan Kɛra Yawunde (Kamerunn) 1972 sàn nkà a gàrijɛgɛ ma Dòn kupu la.
2023 sàn sɛtanburukalo tlè 02, Domɛngo mìnniji Dɔgɔyara k’a To Bamakɔ.
An b’a Fɔ ko Ala ka ŋàna dayɔrɔ Nɛɛma.
Blàdon : 2023-09-09 Yɛlɛmako laban : 2023-09-09
