Poyi : Waati Sera tèn sa!
Kodɔn jàmana, ‘dònda kelen, ‘bɔda kelen
Jàmana denw Kumana, jàmanako tɛ ‘tlon ye
Bὲnso ka di, nkà naloma t'o Fàamuya
Tariku Kumana, fosi tɛ kunun ni ‘bì Kɛ ‘kelen ye
Jàma kùntlenna n'a ŋàniya ɲuman bɛ jàmana Yanka
Tàarɛ tàarɛ, yὲrɛma-hɔrɔnya kɔkɔrɔma-donbaaw Kumana
Abada, jàmana kàlikan tɛ Wuli
Bɔyɔrɔdɔn bɛ fàso jɔ̀li baaraw Nɔ̀gɔya
Walifaso-mara Banna, nkà o kɔ̀lɔlɔ juguw Bɛ ‘sèn na
Farafinna ferekeɲagami caman Tɛ jàmanatigi nɔ̀ ye
Waati Sera tèn sa, jàma ka yὲrɛma-hɔrɔnya hakilila Màkaran
Waati Sera tèn sa!
Fàrafinw k'u Yὲrɛdɔn
Fàn bɛɛ, gὲrɛntɛ bɛ kà ɲɛsin fàrafindenw mà
Don bɛɛ n'a tiɲɛ, nkà fàrajɛ ka dɔgɔ o jàmakulu ‘cɛ la
Ni ma dida ni ye, yὲrɛdɔn Y'o fura ye, ni kogo Pɛrɛnna, ɲὲbɛrɛw bɛ Лakari
O fura Ye kùntlenna ye, o suma Ye ɲɔgɔnminɛ ye
Waati Sera tèn sa!
Fàrafinna jàmanatigiw k'u jɔ̀yɔrɔ Mìnɛ ‘jyɛn ‘kobaw kɛnɛ kàn
Mandela ye walifaso-mara sìri Tìgɛ Fàrafinna wòrodugu-yafan fὲ
Jàmana màakɔrɔbaw, a ye denmisɛnw Blàsira
Aw sùnɔgɔtɔ Ko fàso, aw wulitɔ Ko fàso
A’ ka cɛsiri sababu la, ‘bὲnbɛnbɛn caman Tiɲɛna
Wuli k'i Jɔ̀len k'i ka yὲrɛma-hɔrɔnya hakilila Màkaran
Waati Sera tèn sa!
Fàrafindenw k'u Yὲrɛdɔn
Amadu SÒGO
Blàdon : 2020-02-16 Yɛlɛmako laban : 2020-02-24
