Kr Dukure: kàlannadon
Kr Dukure Dònna kàlan na 1944 sàn na. O y'a Sɔrɔ a masaw bɛ Segukura, Kɔlɔn 'kɔnɔ. Yen lamini kubedugu tùn ye Kokri ye o waati la nka kàlanso tùn bɛ dugu wɛre la ko Madina.
Kr Dukure ye 'sànnaani-kalan Kɛ o dugu la yen. Komin yen kàlan Banna, a tùn ka kan kà Taa dugu wɛrɛ la a ka kàlan tɔ kamà. O y'a sɔrɔ a fànin ncinin dɔ bɛ mɔgɔ dɔ Dɔn Segu a bɛ Se ka Jigin min fɛ yen ka Kɛ a jatigila ye.
U ye Kr Dukure Blà kà Taa Segu kàlan na. A Taara Jigin makajilakaw kan, a fànin ncinin ka mɔgɔ dɔnnen ninnu ka du kɔni. A bɛ To k'olu Koladɔn a ka kumaw 'kɔnɔ kosɛbɛ. A k'olu Kɛra ale ma jatigi ɲuman ye f'a ye Segu kàlan fana Foori.
Kr Dukure ka kàlanko tùn bɛ na Dàn Segu ta ma gɛlɛya dɔ sababu la. A ka wolosɛbɛnko tùn Лagamina 1953 sàn, sàn kelen min yɛrɛ la a tùn ka kan ka kàlan dakkun dɔ sagoli sɛbɛnw Dòn ni wolosɛbɛn ni sɛbɛn wɛrɛw ye kà Fàra sɛgɛsɛgɛli wɛrɛw kan. A ba, Mariyam Dukure, de Kɛr'a ma 'fura ye ka Wuli k'i Jɔ i sèn flà kan a ka wolosɛbɛnko la. Wolosɛbɛn sɔrɔcogo wɛrɛ tùn tɛ kuradla 'kɔ. Wa o tùn tɛ Sɔrɔ Segu yen. Wolosɛbɛn kura tùn bɛ Sɔrɔ yɔrɔ min na o tùn ye Fo Kulukɔrɔ ye. A ba Wulila k'i Da o yɔrɔ janba in kan a sèn na kà Bɔ fo Segu kà Nà Kulukɔrɔ. O Sera ka wolosɛbɛn dɔ Sɔrɔ a ye. Kr Dukure Sera k'a ka sɛgɛsɛgɛliw Tɛmɛ o la. Sɛgɛsɛgɛliw tɛmɛnen, u y'a ni kàlanden wɛrɛw Blà ka Taa Sɛnluwi, Senegali.
Blàdon : 2016-06-27 Yɛlɛmako laban : 2017-01-08
