Bàrosun
Bàro ye yiri ye min bɛ Sɔrɔ Mali kungow 'kɔnɔ. Bamanankan fɔyɔrɔko sababu y'a To a bɛ Weele fana bàdi, bàru, bàri ani dundura la Mali. Bàro ye yiriba ye nka a bonya tɛ nɛrɛ, ʃì, nsira o n'a ɲɔgɔnnaw ta Bɔ. Bari, a mana Kɔrɔya ka Janya cogo o cogo a tɛ mɛtɛrɛ 15 ɲɔgɔn kan w'a ju fana bonya tɛ Tɛmɛ cm 30 walima 40 kan. Kungoda nɛɛmalenw de ka d'a ye kosɛbɛ i n'a fɔ fàladaw, kɔdaw, lɛdaw... N'a Falenna nin yɔrɔ kofɔlen dɔla kelen na a bɛ Barika haali. Bàro den ɲɛ ye blenman ye n'a Mɔna kɔni, mɔgɔw b'a Dun w'a ka di baganw fana ye kosɛbɛ. Bàro den kɔnɔna bɛɛ ye bù ye w'a ji ka timi fana. A dili bɛ Bɔ dɔw fɛ ni k'a Yɛlɛma cogo wɛrɛw la banafuru-kɛ kamà. 'Misali la, dɔw b'a Bɔ ni k'a sanfɛ-fara Syɛn ka B'a la, ka Sɔrɔ k'a Лigin ka waati jan Kɛ i n'a fɔ tle 3 walima dwaakun kelen. N'o Kɛra u bɛ Sɔrɔ ka To k'a dɔɔni-dɔɔnimi, walasa ka kɔnɔnabanaw ni sumaya Kɛlɛ. A dili bɔlen 'kɔ yen, fù fɛgɛmannin nɛrɛmugulaman dɔ bɛ kolo n'a fàraba 'cɛ dɔw b'o Bɔ ni k'a Meleke k'u Ja ka Blà u bolo 'kɔrɔ. Wa hali dɔw fana b'a Kɛ ten ni k'a Jago. fura dòn min bɛ Лigin ka Mi w'a ka Fari kɔnɔnabana minɛnninw ma haali. A lɔgɔ fana ma ka di gadomusow ye kosɛbɛ.
Blàdon : 2016-12-25 Yɛlɛmako laban : 2016-12-25
