Ziirinda >
Donso Zan
Zan tùn ye donsoba ye. Wa donsoya tùn Dyar'a la kosɛbɛ. dugumɔgɔw fana ka bonya tùn b'a kan kosɛbɛ. Zan tùn mana sɛnɛ Kɛ a ka sɛnɛfɛnw tùn tɛ ɲɛ hali dɔɔni, k'a sababu Kɛ foro min tùn b'a 'bolo o tùn sɛbɛkɔrɔ salen bɛ. Fɛɛrɛ wɛrɛ dun tùn t'a 'bolo, 'muso t'a 'bolo 'kuma tɛ 'den ma.
Don dɔ de Kɛra yen Zan Taar'a ka kungoyaala dɔ la. A ye sògo caman fàga k'u Dlon a ka bere la ka sosira Minɛ o y'a Sɔrɔ ʃu Sera harabakonjo ma. Zan Taamana ka Taama fo ka na Se yɔrɔ dɔ la sògo fanga y'a Dɛsɛ yen. A ye yɔrɔ dɔ Lajɛ k'i Da tu 'kɔnɔ yen. Aa! Zan bɛ Sɔmi ko la tuma min o y'a Sɔrɔ tasuba dɔ kɛlen bɛ k'a Kooli o bɛ ka Jama ka Nà. Jaa dibɔlaw de Taara dibɔ la yen kabini ʃu daminɛnin na, o tasumamurumuruw de Mugurila fo ka Kɛ baw yen.
Zan Wulila k'a ka cɛyaminɛw Лininka ka Wuli i ko kɔnɔ ka Bɔ tasuma cɛla pew, a n'a ka sògo bɛɛ, ka T'i yɛrɛ Sɔrɔ fo yɔrɔ jan dɔ la, ni k'i Da yen ko kura. Aa! nkà a bɛ Sɔmi ko la tuma min tugun, a Tora, a b'a weelelikan Mɛn tasuma cɛla yen
- Zan!...Zan!...Zanooo!, a Kɛ Ala ye i ka Nà n Dɛmɛ, ee! Zan i t'a K'Ala ye ?
Zan y'o kumakan Mɛn minkɛ a Bòlila ka N'i Jɔn tasumaba in da la tun k'i tlo Mada. Dɔɔni Kɛra klekan Bɔra tun ko
-Zan!...Zan!...Zanooo!, a Kɛ Ala ye i ka Nà n Dɛmɛ, ee! Zan i t'a K'Ala ye ?
O kɛlen Zan ma fla Kɛ, a Sinna k'i Fli ka Dòn tasumaba in tu la ten. A Taar'a Sɔrɔ minyanba dɔ dalen bɛ yen, taayɔrɔ t'a 'bolo. A ko
-E! Zan n'i ma Лɛ ne ma tasuma bɛ na n Fàga dɛ.
O kɛlen, Zan fana ko k'a k'a Meleke ale la. Minyanba in y'a Kɛ o cogo la. Zan y'a Tà ka tasuma cɛ Ci ka Bɔ n'a ye. U Taara Se yɔrɔ dɔ la Zan k'a b'a Jigin, a ko k'u ka Taa ɲɛ fɛ dɔɔni, Zan maa fɔ k'a b'a Jigin a b'o kuma kelen Fɔ. U Tor'o la fo Zan Taara Bɔ n'a ye a yɛrɛ ka foro jaaʃilen in na. A y'i kanto minyanba ma ko nin ye ale ka foro ye. Zan Kɛ k'o Fɔ a ko ko Zan k'ale Jigin yen. Zan y'i Jɔ a fana y'i Yùuru ka Jigin. O kɛlen Zan y'a Лininka k'a y'ale tɔgɔ Dɔn cogo di? A Yɛlɛla, k'i kanto
-Zan, e tɛ ne Dɔn nkà ne b'i Dɔn. Ala de y'a Latigɛ e ka ne Dɔn bì Zan. I tlo da Yɛlɛ i ka n Lamɛn Zan, ne min Flɛ i 'kɔrɔ ne ye jinɛmàsakɛ de ye. Nkà i Bɔra ka ɲumanya min Kɛ ne ye sisan Aa! Zan o Dyara n ye. Ni e tùn tɛ ne bɛ Sa dɛ Zan, bari n ni n ka jinɛmakɛya bɛɛ, Ala m'o dɔnni Di n ma. Zan ne ni e kɛlen ka jɛɲɔgɔnyaw Kàlan o bɛ na belebeleba Fàra ne ka yanga kan n ka dugudenw ɲɛ 'kɔrɔ. Zan i k'a Dɔn nin ko in sababuya la 'siran bɛ Kɛ n 'ɲɛ n bɛ na bonyaw Sɔrɔ, wa jinɛdanna bɛ na Fɔ n kun dɛ, bari ni jinɛ ni hadamaden Sera ka Jɛ ka ko Kɛ o ye koba de ye anw jinɛw 'bolo! Zan i ni ce i ye n Kisi Ala ka n n'i Kisi.
O bɛɛ kɔ fɛ a y'i kanto Zan ma k'a bɛ fɛ ka Zan ka foro K'a sìgiyɔrɔ kura ye. Zan fana Ko k'o tɛ 'baasi ye. Bɛn Kɛr'o kan Zan Taara 'so. Aa! samya Nàna Surunya. Bɛɛ Bɔra forowaabɔ kamà. Zan fana Wulila don dɔ sɔgɔ fɛ ka Taa a ka foro waabɔyɔrɔ. A selen, a y'i Bri ka dabaɲɛ fɔlɔ Da yɔrɔ min na, aa! jinɛw Bɔra ka Zan ka foro waa Kɛ yeko kelen ye. U y'a bɛɛ Fàra ɲɔgɔn kan ka Labɛn k'a Jɛ pasi-pasi. Aa! o kɛlen Zan y'a Dɔn ko nin y'ale terikɛ ka Dɛmɛ ye, a nisɔn Dyara a Taara 'so. Danni tuma Nàna Se, bɛɛ Bɔra. Don min Zan Taara a ka foro danni na, a Sera ka dabaɲɛ fɔlɔ Kɛ yɔrɔ min na jinɛw Bɔrɔ k'a ka foro bɛɛ Dan k'a Ban pew, ɲɛ Tugu n'a Yɛlɛ'cɛ. Zan Tora ten a man'a bolo Dòn fɛn o fɛn na foro la jinɛw bɛ Bɔ k'a Dɛmɛ o la. Zan ka dannifɛnw Nàna ɲɛ kosɛbɛ. Zan ka kow Nàna bɛɛ kabakoya. A Nàna nafolo Sɔrɔ fo k'a caya. Zan Nàna furu Kɛ minkɛ don dɔ a Taar'a ka foro la a terikɛ jinɛmasakɛ Taara Bɔ a ye. Foli kɔ fɛ, a y'i kanto Zan ma ko
-N teri sarati bɛ jyɛn fɛn bɛɛ la.
-N b'i Lamɛn n teri: Zan ko ten
- I ye furu Kɛ sisan, o la n bɛ min Лini i fɛ, ka na Sɔn fyew i muso ka n'a ɲɛ Da i ka foro kan don kelen ʃi. N'i Sera k'o Bɔ a da fɛ n teri, an ka teriya tɔ bɛ Sinsin halisa, nkà n'i ma Se k'o Bɔ a da fɛ o kɔni ye n tnɛn ye.
Zan k'a ma ko
-N 'teri n bɛ n hakili To i tnɛn na. N muso tɛ na hali Mununmunun yan.
Bɛn Kɛr'o kan Zan Taara 'so a nisɔndyalen. A selen 'so a y'a F'a muso ye k'a ka na Taa hali Mununmunun ale ka foro da fɛ don kelen. Muso y'a Лininka a ma Sɔn ka kùn wɛrɛ Fɔ ka D'o kan, fo ko ni muso b'ale ka hɛrɛ fɛ k'a k'ale kumakan Bato. Muso Sɔnna o ma. Zan Tora ten, nafolo b'a 'kùn, w'a Kɛra ɲɔmasa ye. Samya dɔ la Zan ye Kàba Dàn. O kàba Лɛna kosɛbɛ, muso dun ɲɛ b'a la Zan maa Taa foro la a tɛ Tɛmɛ waati kelen kan a bɛ Nà 'so, mɔgɔw dun bɛ ka Kaba a ka kàba ɲɛko la. Aa! Zan ka kàba Nàna Surunya mɔ na nkà a ma Se kosɛbɛ. A hakili sìgilen don dɔ a Wulila sɔgɔmada dɔ la k'a bɛɛ Taa dwaajɔ la. O Fɔ, Muso nisɔndyara. Zan y'a Labɛn ka Taa dwaafyɛ la. Muso fana y'i Labɛn k'a den Tà ka Bàmu ni ka forosira Minɛ ko fɛn min mana K'ale 'cɛ ka foro la n'a tɛ fɛ ale k'o Ye k'o na Dɔn bì, A ye sira Minɛ f'a b'a Teliya. A selen foro la, hali fiɲɛ min tùn bɛ ka kàbafuraw Fiilifaala o bɛɛ Jɔra kɛlɛw. Muso Tora a bɛ Mununmunun k'a Mununmunun foro 'kɔnɔ a nisɔndyalen. A tor'o de la ka na kàbamɔbali kelen Kari, aa! a y'o Kɛ yɔrɔ min na jinɛw Bɔra ka Zan ka kàba mɔbali bɛɛ Kari k'a Fàra ɲɔgɔn kan. Muso y'i Kɛ kasi kan, a bɔtɔ kàbakalaw cɛla a Sinna ka Talon a bìntɔ ye kàbasun dɔ Minɛ o fana Bɔnna ka T'a 'bolo. Aa! o fana kɛlen jinɛw Bɔra tun ka Zan ka kàbasun bɛɛ Bɔ k'a Ton. Muso y'i Sìgi dugu ma a n'a den u bɛ ka Kasi. Den Tora kasi la fo daji Nàn'a Sàran, muso fana y'a Tà k'a Yuguyugu. Jinɛw fana Nàna ka Nà den Minɛ muso la k'a Yugu fo k'a Fàga. Dɔ Fàrala a ka kasi kan. A bɛ o kasi fana na soso dɔ Nàna Bìn a kan k'a Kin a kɔ la, a y'i bolo maanabɔ k'o Bugɔ. O kɛlen, jinɛw Bɔra ka hirri K'a kan tun k'a Cì fo k'a Fàga.
Zan Nàna ka Bɔ sugu la, a y'a Sɔrɔ a muso tɛ 'so a y'i 'sèn Fa ka Taa foro la ka Taa Sɔrɔ a ka foro, a muso a den u bɛɛ tyɛnna. Zan ye ko sugu bɛɛ Kɛ walasa a n'a terikɛ ka ɲɔgɔn Ye. Nkà k'a Tà o don na ka Se bì ma a ni jinɛmasakɛ ma ɲɔgɔn Ye blen. Ɔ, o kɛlen Zan ka nafolo Nàna Ban k'a ka ɲɔ Ban k'a Kɛ bolokɔnin taamasere ye ni ka Laban ka fa Dòn a la.
N y'o Tà yɔrɔ min, ny'a Blà yen.
Blàdon : 2016-06-19 Yɛlɛmako laban : 2017-04-19
