Kan ni Yiriwa tɔndenw
Fden Isiyaka BAALO
Yɛrɛkofɔ-kan
Fàden Isiyaka BAALO ye 'ɲininikaramɔgɔ ye. Bayɛlɛmanikɛla ani kanbaarala dòn fana (TB mankutusɛbɛn na).
A bɛ ɲininikaramɔgɔya Kɛ Mali sannakalanso dɔ la ko FLSL, Bamakɔ. A ka karamɔgɔya bɛ Kɛ kankalan (anglɛkan ni bamanankan) kan ani kandɔn kan. A bɛ ɲininiw Kɛ bamanankan kan ani Mali tabiya dɔw. O ɲininiw y'a To a Sera ka daɲɛgafe Dla bamanankan na 2008 sàn na a ni Kr Dukure ka jὲɲɔgɔnya 'kɔnɔ.
A bɛ sàn 6 Bɔ bì bayɛlɛmani ni kanlase baaraw la kan sàba ni ɲɔgɔn 'cɛ: bamanankan - anglɛkan - fransɛkan. A ka kanlase fànba Bòlila forobakɛnɛya dakun kan, fὲɛrɛdɔn ni fὲɛrɛminɛn-dɔn kan. A bɛ lamagajaw sènkɔrɔ-kumaw sɛbɛnni n'u bayɛlɛmani Kɛ fana.
Nin ye Kr Baalo sàn 8 ye karamɔgɔya la kandɔn ni kankalan sannakalandenw 'kùn. A bɛ bamanankan ni anglɛkan Kɛ a 'sèn fɛ magotigiw ye u ka 'so walima kanbaarasow la.
Kr BAALO ka kanbaaraw kɔnɔna na, a bɛ baara Kɛ kosɛbɛ Mali kanw bɛ Se ka Blà 'ɲɔgɔn na cogo min na ni latigɛlan fὲɛrɛ ye. A y'o baara caman Kɛ MAKDAS ni bataki.org fogo mɔgɔw ye.
Kabini 2006 sàn na, Kr BAALO tùn bɛ tàkabin na Mali kanw tɔgɔlatɔn dɔ sìgili la 'sen kan. Bì-bi in na, o Kɛra ko latigɛlen ye a ka cɛsiri n'a jὲɲɔgɔnw ta fɛ. Tɔn in tɔgɔdako fɔlɔ ko Kanko (2006-2010) y'a To a ye lapasalikan ni jὲɲɔgɔn ɲumanw Sɔrɔ tɔn na. Tɔn wulili min Kɛra o kɔ fɛ 2010 na, a tɔgɔ Yɛlɛmana ka Kɛ Kan ni Yiriwa ye. O Kan ni Yiriwa tɔn b'a la ka ko caman kɛ bamanankan na bì.
Ka Fàra Kan ni Yiriwa sintinni kan, Kr BAALO ye fogo dɔ Blà 'sen kan fogokɛnɛ kan n'o bɛ Weele ko Fàkan fogo, min fogosira Ye fakan.org ye. N'i Dònna o fogo 'kɔnɔ, i bɛ i 'magolafɛn caman Sɔrɔ yen.
Fden Seku Sangarɛ
Yɛrɛkofɔ-kan
Fàden Seku Sangarɛ ye dànkelen dɔ ye bamanankan lafali baaraw la. Mɔgɔ dòn min ye sìgida yiriwali kàlanw Kε. O kàlanw waleyali siratigε la, a ka baara Sera den balodεsεtɔw ladonni ma. O y’a Blà ka balodɔn faamuya sira Taama. A ye den caman ni Kisi n’a ka balodɔn dɔnniya ye Mali dugumisεnninw na bàɲuman-kεtɔn dɔw la i n’a fɔ Medicine for Mali n’a ɲɔgɔnnaw. A bε den balodεsεtɔw ladoncogo Dɔn k’u fari Lafa n’a ma Kε ni dɔgɔtɔrɔso-lataa ye. A bε denbaw Dege balo nafama dlacogo la ka Di denw ma.
Kr Seku ye siginikalan ni magokalan caman Kε kalandenw ‘kùn. A ka kàlanden kɔrɔ dɔw yεrε bε 'jɔyɔrɔ ɲεnama na dugu dɔw ‘kɔnɔ. A dɔw bε u ka galoda (komini) cakεlaw la bì.
A ye sàn 24 Kε sìgidaw yiriwali baaraw la bamanankan na. A ye forobakεnεya baaraw da Minε SAVE THE CHILDREN na ka Tla k’o dɔw Kε ADRA MALI la. Nin bεε la, Seku Sangarε tùn ye zana ‘dɔnbaajε ye bamanankan na. A yεrε ɲuman na, “mɔgɔ kelen bololatulu tε Se ka sama Mun”. A b’o zana in Da ka jama Suguni ka Kε fàsokanw baarali kan.
Kan ni Yiriwa cɛbɔ tùn dòn. A ye sɛbɛn dɔw Bayɛlɛma ka Bɔ fransɛkan na ka Blà bamanankan na, balodɔn kan. A ka zana sɛbɛnnen fana bɛ bà kelen ni 'kɔ Bɔ. A 'sèn bɛ poyisɛbɛn ni sɛbɛnni sugu caman na bamanankan lafali kama.
Faden Seku Sangarɛ Fatura 2015 sàn kalo 03nan tle 24 ʃu fɛ k'a dugu Jɛ araba la. Kan ni Yiriwa tɔndenw ka dugawu b'a ye. Ala k'a jiginyɔrɔ Лɛ.
Fden Musa Danbɛlɛ
Yɛrɛkofɔ-kan
Fàden Musa S Danbεlε Bangera 1989 sàn kalo 05 tle 09, ‘dugu la, a bε Fɔ min mà ko Лìdugukulu (Sungulaso), Kucala lamini na. A ba tɔgɔ ye ko Sigiɲimε Mariyam Dandεlε nink’a fà tɔgɔ Kε Fungʃa Sanba Danbεlε ye. Musa Danbεlεy’a ka kàlanw da Minε Sungulaso, ka tεmε Molobala fε ka Nà Se Kùcala cεman-kàlanso la (L.K.D.K). Bac sɔrɔlen kɔ fε, a Nàna kankalan bolofara (FLSL) la Bamakɔ sannakalanso la ka anglεkan Kàlan. A Tor’o la a ni Karamɔgɔ Baalo Dònna ɲɔgɔn na 2013 sàn k’a To a ka kàlan sàn sabanan na. K'a Tà o dònw na ka Nà Se bì ma, a ni Kr Baalo ye jὲɲɔgɔnya Sìri fàso kanw baarali kan.
Fden Dramann Keyta
Yɛrɛkofɔ-kan
Ne ye Fàden Dramann KEYTA ye min Bangera Bamakɔ. N ye n ka kàlan kùnfɔlɔ da Minɛ 1990 sàn, Point G, Bamakɔ. 2008 sàn, n ye kàlanden-karamɔgɔya sɛbɛn Sɔrɔ Kangaba. K’a Tà 2008 na ka Taa Blà 2013 sàn na, n tun ye kàlanden-karamɔgɔ ye Lafiyabugu kàlankow cakɛda mara ‘kɔnɔ. Kabini 2013 sàn, n bɛ kàlandenya la sannakalanso la, o bolofara min ɲɛsinnen dòn kandɔn ma. N ye Kan ni Yiriwa tɔnden ye. N ka baara ɲɛsinnen bɛ ɲinini ani kanw bayɛlɛmani ma bamanankan na.
Fden ʃaaka Banba
Yɛrɛkofɔ-kan
Ne tɔgɔ ye ko ʃaaka Banba. Ne ye baɲumankεtɔn ‘baarakεla ye. N y’o baaraw da Minε 2007 sàn na. Ne y’a baara bolodonniw Kε Karamɔgɔ Ndo Sise ‘bolo ka Fàra siginikalan ni balikukalan ɲεdɔnni baaraw kan.
O kɔ fε, n ye baara Kε Amapros la, Лɔnɔ, Segu mara la. N Kεra baarakɔlɔsilila ye yen. O tùn ye bolodali ye min tùn bε mara cεmabɔli kan.
Bì, n bε baara Kε Paji Лεtaa la Zeguwa n’a lamini na, sikasomara la. O baara ɲεsinnen bε denmisεnw kàlanni ma ani k’u Lafaamuya kεnyεrεye baara nafa kan.
Forobaja dɔw
Dɔ Fàra i ka dɔnta kan
Blàdon : 2016-01-14 Yɛlɛmako laban : 2017-01-08
