Kr Dukure: Bangudɔn karamɔgɔ
Mamadu Fuseni Dukure ye bangudɔn sannajala Sɔrɔ Faransi. A Nàna Mali la n'o ye ka Nà o karamɔgɔya da Minɛ ENI na 1965-1966 kàlansan na. A y'a ka karamɔgɔya daminɛ sàn 4 Kɛ ETP la o min Nàna Kɛ ENI ye. US-RDA ye jama kàlanni Boloda politiki siratigɛ la, o hukumu na, a tùn b'o kàlan Kɛ kelenw 'kùn na fu. A ma Mɛn ENI la. U y'a Blà ka Taa Badalabugu cɛmakalanso la 1971 sàn. A y'a ka karamɔgɔya tla bɛɛ Kɛ yen kulu san fɛ.
Kr Dukure tùn bɛ bangudɔn Kàlan a ka kàlandenw 'kun. A tùn b'a Kɛ ni karamɔgɔfɛɛrɛ minnu ye o sugu tùn ka ca. A ka kàlanbolo min tɔgɔ ye ko lamagadɔn, bangudɔn bolofara min bɛ sannakolow munu-munucogo daliluw kan, a tùn bɛ misali caman Di o kan jὲkafɔw 'sèn fɛ. A tùn bɛ kalo ni dugukolo ani tle ka lamagali sìricogo ɲɔgɔn na Лɛfɔ kosɛbɛ.
A bɛ mɔgɔ gansanw Bɔ fili la ni sannafɛnw lahala jirali ye u la.
A tùn b'a ka kàlansenw Kɛ gafe ye ni kàlanso ka dɛmɛ ye ka nin kàlandenw na. Sibiri ni Kari fɛ sɔn, a tùn bɛ kàlandenw Dɛmɛ u ka kàlan durusili la fu. Лɔgɔndan mana surunya fana, a bɛ kàlandenw Fàra ɲɔgɔn kan kà degeli K'u 'kun durusili la.
1974 sàn waatiw la, Kr Dukure ka kàlanden Bìnna ka kumanin dɔ Ja a 'kùn na ko Vzero. Lamagadɔn kàlansenw na, ni fɛn bɛ Bɔ a nɔ na ni teliya min ye a daminɛ, o bɛ Weele ko Vzero. O Vzero fɔli caya kàlansenw ɲɛfɔtɔ de Nàna ni Vzero jali ye a 'kùn.
Mɔgɔw y'a Tà kàlandenw 'kɔ o cogo la. A laban Nàna Kɛ sa, o tɔgɔ yɛrɛ Nàna Kr Dukure fɔli Datugu. "Vzero" Kɛr'a forobatɔgɔ ye.
Bangudɔn ye dɔnniyaw la belebele ye. Fɛn o fɛn bɛ doolow n'u mantonw 'kùn kan, a bɛ dɔ Fɔ o bɛɛ kan. Tle-nɔɔrɔminɛw ni kalo-nɔɔrɔminɛw kɛcogo bɛ Лɛfɔ a dɔnniya in fɛ. Komin bangudɔn misaliw bɛ mɔgɔ Blàsira ka Лɛ hali bakuurudɔn kàlanw na, Kr Dukure tɔɲɔgɔn-karamɔgɔ dɔw tùn b'a Weele a ka N'a yɔrɔ dɔw Latɛmɛ u ka bakuurudɔn kàlan kɛwaati la kàlandenw 'kùn.
A daliluw laban Nàna Kɛ sababu ye kà Kr Dukure Dòn latigɛdɔn baaraw la. A ka karamɔgɔya 'senkɔrɔ, a ye jatebla caman Dla ni bangudɔn daliluw ye donko kan.
Badalabugu cɛmakalanso bɔlen 'kɔ yen, Kr Dukure ye sàn kelen Kɛ Marakala cɛmakalanso la bangudɔn karamɔgɔya la. A y'o Kɛ 1988-1989 kàlansan na a bɔlen 'kɔ DNAFLA la. U y'a Yɛlɛma ka Bɔ Marakala kà Nà n'a ye a nɔ kɔrɔ la cɛmakalanso Badala la.
Blàdon : 2016-06-27 Yɛlɛmako laban : 2017-01-08
