Màsakɛ n'a ka jɔnkɛ
Nin Kεra màsakε dɔ ye. A musow tùn ka Ca kosεbε. Jɔnw fana tùn ka Ca a 'bolo, nka bεε n’i ka baara tùn dòn. Dɔw tùn bε sow Ko, dɔw bε musow Kɔlɔsi, dɔw ta tùn ye yɔrɔ lasanuyali ye. O hukumu 'kɔnɔ, jɔn dɔ nana Jarabi a muso ncinin na. O Tor'o la fo ka muso in Kunmayɛlɛma. O kɛlen u ye bòli fari Da. Muso ye kangari kelen Da a ye,
-N dyaɲɛbaa, n bε Sɔn i ka furu ma, nka hali n'i ye muso kεmε furu ka Fàra n kan n b’a Лini i fε, muso wɛrɛ den kana Blà n taw san fε. Wa i k’u Kanu i n’a fɔ i nunkɔnɔsi.
-N ye n kan D'i ma. cɛ kan bɛ tèn
Taamasira kan, u ye muso dɔ n’a den sɔrɔ bada la yɔrɔ dɔ la. O dòn kama, o yɔrɔ ba tigεli tùn ka gεlεn kosεbε, bawo mɔgɔ si tùn tε ba fàn dɔ in Lasɔrɔ f’i ka mɔgɔ kelen Saraka ba jinεw ye. Jɔnkε n’a muso Hanmina ka Jɔrɔ o ko in na, sabu bamananw ko tèn ko "dugutigiden-bugɔ ni sìgi tε Bεn, jango ka màsakεmuso-ntaraki". Jɔnkε n’a ka saraman bε k'u Sɛnsɛn màa si t’a Ye n’i m’a kanu n'i yɛrɛ ye. Aa! jaa jarabi ka Kɔrɔ n’a tigi ye. Musodenba-tigi in Flε ka Jarabi jɔnkε la o yɔrɔ kelen in na. O de Flɛ k'a den Di jinεw ma batigεsaraka ye. O kɛlen o fana y'i Kanto a ma,
-N dyaɲɛbaa, n bε Furu i ma, nka hali n'i ye muso kεmε furu ka Fàra n kan n b’a Лini i fε, muso wɛrɛ den kana Blà n taw san fε. Wa i k’u Kanu i n’a fɔ i nunkɔnɔsi.
-N ye n kan D'i ma yanni saya cɛ. jɔnkɛ ko tèn
Ba tigɛlen 'kɔ u sàba y’u Kunda jàmanaba dɔ kan. nka o dòn kama, mɔgɔ si tε Dòn o jàmana in kɔnɔ n’u m’i sεgεsεgε. Tuma min na jɔnkε n’a musow kùn Bɔra dugu dɔ sokεnε kan, u ni o yɔrɔ in masakε denmuso Bεnna. O fana jarabikojugu jɔnkɛ la, a Flɛ ka dugu gundo bɛɛ F'a ye. O kɛlen, O fana nan'i Kant'a ma,
-N dyaɲɛbaa, n bε Furu i ma, nka hali n'i ye muso kεmε furu ka Fàra n kan n b’a Лini i fε, muso wɛrɛ den kana Blà n taw san fε. Wa i k’u Kanu i n’a fɔ i nunkɔnɔsi.
-N ye kan D'i ma yanni saya 'cɛ. a ko tèn
U dònnen, màsakɛ y'i Kanto a ma,
-Dunnankɛ, n bɛ na ɲinikali damadɔ Sεmε i la n'i Sera k’u jaabi, i bε Sìgi n nɔ na, o y’an ka yɔrɔ laada ye san wolonfla o san wolonfla o laada tɛ na Wuli ne fɛ. Nka n’i ma Se k'u Jaabi an b’i Fàga.
- N y'a Mɛn n 'fà. jɔnkɛ kan bɛ tèn.
O kɛlen, a y’i Kanto jɔnkε ma;
An ka jamana mugubon bε min ?
A kεlεkε minεw bε mara min ?
A màsakɛ bε ʃi min ?
O kɛlen, jɔnkɛ ye ɲininkali ninnu Tà kelen kelen hali a ma Sigisigi u jaabitɔ. Kabini o Kɛra, màsakɛ y'i kant'a ma ko,
- Dunnankε, e tε mɔgɔlakolon ye. K'a Tà bì la, an ka jamanatigiya b'i 'bolo. Ne ka fanga Sera a dàn na. N bɛ barika Da ʃukɔrɔw ye. N den a ko b'i 'bolo sa dɛ.
Jɔnkɛ Flɛ ka màsakɛya Sɔrɔ. Nka hunn! Muso sàba ninnu ka furudonkan in dɛ!
N y'a Tà yɔrɔ min na, n y'a Blà yen.
Blàdon : 2017-07-14 Yɛlɛmako laban : 2017-07-14
