Ŋana
Ŋana, i ni sunaa
Kotigi, i ni sunaa
Sunaa kununbali
Dantanw kumada, i ni sunaa
Datigiw kumada, i ni sunaa
Sunaa kununbali
Ŋana, ko bɛɛ n’a ‘tuma
Kotigi, ko bɛɛ n’a ‘waati
Kalimutigi, bì, e dalen Bɛ
Kalimukala ma Da
Ŋana, a Fɔ nin de Ye jyɛn ye:
Ka kɔlɔn Sèn k’i Kɔdon a ji la
Ka jiri Turu k’i Kɔdon a mɔ la ?
Ŋana, baara ɲuman ‘tɔnɔntan tɛ
Ŋana, i n’i ‘ɲɔgɔnna caman
Ka kalimukala Kɛ dunuya kɛlɛkɛ-bere ye
Ka kalimukala Kɛ dunuya lanpanyelen ye
Ŋana, i ni sunaa
Suna kununbali
Ka kalikan Kɛ, ko bɔkolo ka Labato
Ko ‘kɔflɛ ka Kɛ kɔrɔlenw na
Ko tabiyaw kana Tunun
Ko sekow ni dɔnkow ka Jɛnsɛn
Karamɔgɔba, i ni sunaa
Sunaa kununbali
Karamɔgɔba, kɔlɔn min Sènna anw ye, a ji bɛ Sɛnsɛn
Karamɔgɔba, jiri min Turula anw ye a bolofara Bɛ Jɛnsɛn
Ŋana, kalikanw bɛ Labato
Ŋana, kɛlɛkɛkanw bɛ Jiidi
Kotigi, laɲiniw bɛ Sabati
Bada-bada dali, karamɔgɔ, Ala k’a Nɔgɔya
Ala ka Hinɛ aw n’anw bɛɛ lajɛlen na
Sɛgɛn tɛ Kɛ fu ye.
Dramann Keyta
2014 12 08
Blàdon : 2015-01-11 Yɛlɛmako laban : 2015-01-11
