N ka tàbiya Ye n ka bugunnatigɛlan ye
Ne ye n Jɔ̀ Ala ka gòlo kan
Ni kà n kùnkolo Kàlifa a la
A Ko kasike ‘dònkun tɛ tugun
Bawo n'a ma Лὲ ‘cìli ‘kɔ,
Ko ale na a Kùnmabɔ sinin
Ne ye kuma Лini kuma tìgiw fɛ
Ko ni fìli ma Лὲ k'a Bɔr'a la
U ka n To ‘kumadɔnbaliya ye
Bawo kuma Ye ‘tòden ye
N'i ye dɔ Tà, dɔ kɔ bɛ Bɔ
‘Kumakuru kelen tɛ kùn Cì
Nk'a bɛ hakiliw da Yὲlɛn
Ne ye n Jɔ̀ dànbe gòlo kan
Ni kà làadalakow Fèere a dɔnbagaw ma
Bawo màɲumanko ‘jìrakun tɛ dali màsa la
Tàbiyaw nàkan dùgu Jɛra
A' ye Wuli an k'an ka taabolow Kùnkɔrɔta
Fàso dùguw bamaandenw Bɛ min ?
Dùgukolo ferekete yὲlɛmabaaw Bɛ min ?
Segu Лèlenin Cyɛn tàbaaw Bɛ min ?
Daba ni falo, sὲri ni ɲɔ̀si, dànnikoro ni wɔ̀lɔsɔ
A' y'a Fɔ Kùlubali, Jàra, Tangara ani Bwàarɛsiw ye
Ko nìn de Y'an ka bamaanna
Làada, dànbe ani taabolow ye
Ko ni bamananden ye dàbakala ku Blà
Ni kà ‘ku o ku Ta,
Ko o Ye kukala ye i ‘bolo
Yàafa Bɛ kuma kὲrɛ fɛ.
A ye ci Blà sɔ̀mɔnɔw ni bòsow ma
Ko làadalakow fununfùnun Wulila
A B'a fɛ kà bakɔla Sɛgɛrɛ
Bawo ni sɔ̀mɔnɔw Bànna
Ko bòsow y'u kɔ Dòn
Bakɔla sɔ̀rɔli Kɛra an ‘bolo baara ye
Kurun ni jɔ̀, bɔ̀kala ni jùfa,
Saalen ni baman, wùlujɛgɛ ni fɔ̀ɔnɔ
Ni bòsow Bànna,
Cὲ kùrulen tɛ Da zaamɛtulɔ san fɛ tugun
Ni bòsow Bànna,
Nanɔgɔlan tɛ na Munun ni nànkun ye tugun
A' y'a Fɔ màrakamuso Yàkare ye
Ko a ka n Sɔn ‘bàsi la
N ka flamuso ka nɔnɔ Da o kan
Ni kà nàarɛ ni fὲɛnɛ Kɛ kà o layὲlɛn
Ni kà Sɔ̀rɔ kà surakamuso ka te kɛ kà n kan Jan
A' ye weele Blà sɛnɛfɔw ni miɲankaw ma
Ko làadalafɔli kùnkan Bɔra
K'u ka bala Lanà
Ni kà u Cὲ kà Bɔ u jàw ‘kɔrɔ
A' ye dɔ̀gɔnɔw Weele
K'u ka Nà ni buguninfini ye
Walasa kɔ̀rɔbɔrɔw ka takanba dɔ̀ncogo Jìra u la
Làadalakow nàkan dùgu Jɛra
A' ye Wuli an k'an ka làadalakow Kùnkɔrɔta
An kàna Sɔ̀n an ka làadalakow ka Tla an na
Cyὲn Dòn, den bɛ Bìn a tabaga ‘bolo
Ni a dun ma ɲɛ ko a binna,
An dun t'a Tà yanni a yebaga ka Caya dùgu ma
A' y'a to an k'an cɛ Sìri
Bawo ɲɛnamaya tɔ̀ Tora cɛsiribaaw ta ye
N teri sifinnakaw, anw ta tɔ̀ Tora cɛsiri ye
Bawo funakɛninw ɲɛji cὲbaga ye
U ka baara kɛlen tɔ̀nɔ dònni ye
Si jàn, kɛnɛya, labanko ɲuman ani gàrisɛgɛ
O Ye jàbaaru màsa ta ye
An ka to Ala kɔ
Kow bɛɛ bɛ Nɔ̀gɔya ‘don dɔ
ʃɛk Tijann Лantawo, Dàkar 2024 07 13
Blàdon : 2024-11-24 Yɛlɛmako laban : 2024-11-29
