Dɔnniya fòrobayali jὲmukan tàko 50nan
Làbɛn 4 : Nimadɔn
Dakun : Bangeli mìnɛn : Cὲ ta (L’appareil reproducteur male)
1. Bangli kofɔli
- N’an ko bangeli mìnɛn, adamaden ta de ko Dòn;
- Bangeli mìnɛn ye fàrikolo yɔrɔ minnu ‘sèn bɛ Ye bange sàbatili la;
- O la, adamaden cὲman ka bangeli mìnɛn Bɛ yèn, a mùsoman ta Bɛ yèn fana;
- Bangeli mìnɛnw bɛ Tla flà ye u ɲὲci kosɔ̀n: kàfoɲɔgɔnya tὲmɛnanw cὲ ni mùso ‘cɛ ani bangeli tùfaw sintilanw;
- Bangeli tùfaw sintilanw bɛ Weele ko denkisɛlanw.
- Kàfoɲɔgɔnya tὲmɛnanw tɛ dɔ wɛrɛ Ye cὲ ni mùso dògoyɔrɔw ‘kɔ ;
- Bì tàko bɛ Kuma cὲ bangeli mìnɛnw kan.
2. Cὲ bangeli mìnɛn kisa
- Bangeli mìnɛn minnu bɛ cὲ la o fànba Ye ‘kɛnɛkanfɛn ye, u tɛ fàri so ‘kɔnɔ;
- A bɛ da Mìnɛ fɔrɔkala la, kiliforoko, kɔkiliw fo kà Se làwakuru ma;
- Fɔrɔkala ye cὲ ka cὲnimusoya kɛlan ye min jànya n’a kùnbaya bɛ nàmasa ta Bɔ;
- ‘Fɛn funukajiginta Dòn k’a sababu Kɛ a sògo labɛncogo ye ni wò-wo ye ani fù;
- Bàri, a nègewuliko mana Kɛ, jòli caman bɛ Nà Kɛ k’a wò-wow Fà-fa;
- O bɛ Nà n’a wulili ye cὲnimusoya ‘kan ma.
- Sugunɛbɔsira B’a kàla cɛ ma kà Jìgin f’o bɛ na Laban a kùn na ni kɔ̀lɔ ye;
- A kɔ̀lɔ datugulen Bɛ fɔrɔdaburu la n’a y’a Sɔ̀rɔ o ma Tìgɛ bolokoli fɛ;
- Kiliforoko, ni dɔw ko kàyabara, Ye kɔkili 2 màralan ye;
- Ale jìginnen Dòn k’a Bɔ fàrikolo tɔ̀ ma ‘kɔrɔ Bɛ min na;
- Kiliforoko Màbɔra fàrikolo tɔ̀ la k’a sababu Kɛ ale màgo bɛ nɛma dɔɔnin na walasa kɔkiliw k’u ka baara Kɛ kà Лὲ;
- Kɔkiliw de bɛ làwakisɛ ni cὲjogolan Dla ;
- Làwakisɛ dlali bɛ Dabɔ cὲmannin na a kamalenyatuma fɛ, wa a tɛ Kɔtigɛ blen ;
- A dlali kɔ̀ni bɛ Sènnasumaya ni cὲ Sùrunyara sàn 70 na ;
- Làwakuru Ye ‘bàranin ye min bàrilen Dòn sugunɛbara dùgu ma ni fɔrɔkala bɛ Dabɔ a jùkɔrɔ ;
- Ale ka baara ye kà làwaji Dila k’o Wòyo làwakisɛw bɔtɔ ‘kɔrɔ olu bɛ Balo min na ;
- Làwaji bɔlen na, làwakisɛ miliyɔn 100 bɛ Sɔ̀rɔ a militiri kelen ‘kɔnɔ.
3. Fàrankanminɛn minnu Bɛ bangeli mìnɛnw na
- Mìnɛn wɛrɛ minnu bɛ Fàra cὲ bangeli mìnɛn fɔlen nìnnu kan olu caman ye ‘mìnɛnw ye minnu bàralama Dòn ;
- O dɔw Ye làwadafakuru (vésicule séminale) ni làwaɲɛblabara (glande de Cowper) ye;
- Làwadafakuru nɔrɔlen Bɛ sugunɛbara tɔ̀nkɔrɔla la;
- Kɔkiliw mana làwakisɛ Dila, làwadafakuru ka baara Ye k’olu Màra sɔ̀n ;
- A b’u Labɔ k’u Kolonso làwaji la o bɔtuma fɛ ;
- Làwaɲɛblabara ye kùrunin flà ye minnu nɔrɔlen Dòn sugunɛbɔsira dùgumabu kan ;
- U ka baara ye ‘ji salasala kologiriman dɔ bɔli ye kà sugunɛbɔsira Jo kà Blà làwaji nàtɔ ‘ɲɛ.
4. Bàna minnu bɛ bangeli mìnɛnw Sɔ̀rɔ
- Bàna minnu Bɛ cὲw Mìnɛ u bangeli mìnɛnw na o dɔw ye: denkisɛlandɛsɛ (hypogonadisme), kɔkililabon, ani sugunɛkodegun (trouble de la miction) ;
- Denkisɛlandɛsɛ bɛ Se kà Waleya ni làwakisɛntanya (azoospermie) ye walima kɔkilinabaliya (cryptorchidie);
- Sugunɛkodegun bɛ Se kà Wolo sugunɛgɛlɛya (dysurie) ni sugunɛnpereku (pollakiurie) la.
5. Dodaɲɛ sɔ̀rɔlenw blàli fransɛkan na
bangeli mìnɛn = appareil reproducteur
bàranin = glande
bolokoli = circoncision
cὲjogolan = testostérone
cὲnimusoya = rapport sexuel
denkisɛlan = gonade
denkisɛlandɛsɛ = hypogonadisme
fàrikolo = corps
fɔrɔdaburu = prépuce
fɔrɔkala = pénis
kàfoɲɔgɔnya = rapport sexuel
kàyabara =scrotum, bourse
kiliforoko = bourse, scrotum
kɔkili = testicule
kɔkililabon = cancer du testicule
kɔ̀lɔ = gland
làwadafakuru = vésicule séminale
làwakisɛ = spermatozoïde
làwakuru = prostate
làwaɲɛblabara = glande de Cowper
mìnɛn = appareil
ɲὲci = fonction, rôle
sugunɛbara = vessie
sugunɛbɔsira =urètre
sugunɛgɛlɛya = dysurie
sugunɛnpereku = pollakiurie
tùfa = cellule
wulili = érection
Sunkofɔlan
Ballo, Issiaka, 2022, Enrichissement lexical du bamanankan : les appariements bamanan des dénominations françaises des concepts de la biologie humaine, Bamako, édis.
Ballo, Issiaka, 2019, Enrichissement lexical du bamanankan : les appariements bamanan des dénominations françaises des concepts de la biologie humaine (Thèse de doctorat, ULSHB - IPU).
Bordes, Gérard et al., 1980, Grande encyclopédie Atlas de la médecine, Bruxelles, Atlas.
Danbele, Mamadu, Sɔngomo, Sanusi, 2004, Dɔnniyakalan sàn 5nan-6nan, Bamakɔ, Edition Donniya.
Microsoft Encarta Collection, 2009, reproducteur, appareil.
Microsoft Encarta Junior, 2009, Les organes génitaux et l’appareil reproducteur.
Blàdon : 2024-10-31 Yɛlɛmako laban : 2024-10-31
