Dɔnniya fòrobayali jὲmukan tàko 42nan
Làbɛn 4 : Nimadɔn
Dakun : Kolo sogolocogo
1. Kolo sogolocogo kofɔli
- Kolo sogolocogo ye kolow kɛcogo ye kà ɲɔgɔn Mìnɛ k’u Jɔ̀ ni fàrikolo mùmɛ ye ;
- Kolojasa Bɛ fàrikolo mìnɛnw bɛɛ sinsinni jɔ̀yɔrɔ Fà ;
- Kolojasa ‘sèndonyɔrɔ fana Bɛ bùw blàli la baara la ;
- O la, koloden 200 min bɛ fàrikolo la, olu bɛɛ lajɛlen bɛ Weele ko fàrikolo kolojalan walima a kolojasa ;
- Baliku fàrikolo la, kolojasa yὲrɛ girinya bɛ kilo 6 ɲɔgɔn Bɔ ;
- Kolo sugu ye flà ye kà ‘tàli Kɛ u kologɛlɛya kan : kolo jàlen ani màgaman ;
- Kolo dònyɔrɔko siratigɛ fɛ fàrikolo la, danfɛnw tlalen Dòn suguba 2 ye : Kolomafɛnw ani kolontanfɛnw ;
- Kolomafɛnw kolo bɛ Kɛ u fàri ‘kɔnɔ kà bù Da a san fɛ : mɔ̀gɔ, sà, mìsi ;
- Nkà, kolontanfɛnw kolo bɛ Kɛ ‘fàra gɛlɛn ye ù ‘da la : kɔ̀tɛ, kaako…
- O la, kolomafɛnw kolojasa bɛ Weele ko kɔnɔkolojasa ni kà kolontanfɛnw ta Weele ko kɔkankolojasa.
- Kolo sugu ye 3 ye kà mìnɛ Kɛ u kùndanma ma : ‘kolo jan, ‘kolo surun, ‘kolo pὲtɛlen ;
- Kolo flà bὲnyɔrɔ bɛ Weele ko kùrutuguda.
2. Fàrikolo kolojasa tlayɔrɔw
- Kɔkolo : ale ye koloden 26 de ye, kà Bɔ kan na fo ku gèn. ‘Kolo surunw Dòn ;
- Kùnkoloflen : ale ye koloden 8 ye. ‘Kolo pὲtɛlen y’a fànba ye ;
- Kankolo : ale ye koloden 1 ye. ‘Kolo surun dɔ Dòn ;
- Лɛdakolo : ale ye koloden 14 ye dagɛlɛkɛw Bɛ minnu na.
- Galakakolo : ale ye koloden 25 de ye minnu ye galakadenw ni disiflennin ye ;
- Sanfɛɲɔsɔnkolo : Bolokolow de ‘ko Dòn. Koloden 64 de B’a la minnu fànba ye ‘kolo janw ye ;
- Dùgumaɲɔsɔnkolo : sènkolow de ‘ko Dòn. Koloden 62 Dòn minnu dɔw ye ‘kolo janw ye.
3. Kololabanaw
- Kolo ni kùrutugudaw nɔ̀fɛbanaw bɛ Tla 2 ye : sɛɛlɛtaw ani kùrutugudadimi taw ;
- Sɛɛlɛta dɔw ye : kolokariw, kolobɔkojuguya ani kolodimi wɛrɛw ;
- Kùrutugudadimi (rhumatologie) ta dɔw ye : kolowobonya (ostéoporose), kùrutugudadɛsɛ (arthrose), kolomagaya (ostéomalacie), ani serebana (rachitisme).
4. Dodaɲɛ sɔ̀rɔlenw blàli fransɛkan na
disiflennin = sternum
dùgumaɲɔsɔnkolo = os des membres inférieurs
galakaden = cote
galakakolo = thorax
kankolo = os hyoïde
kɔkankolojasa = exosquelette
kɔkolo = colonne vertébrale
kɔnɔkolojasa = endosquelette
kolo = os
kolo jan = os long
kolo pὲtɛlen = os plat
kolo sogolocogo = système squelettique
kolo surun = os court
koloden = vertèbre
kolojalan = squelette
kolojasa = squelette
kolomafɛn = vertébré
kolomagaya = ostéomalacie
kolontanfɛn = invertebré
kolowobonya = ostéoporose
kùnkoloflen = crane
kùrutuguda = articulation
kùrutugudadɛsɛ = arthrose
kùrutugudadimi = rhumatologie
ɲɛdakolo = os facial
sanfɛɲɔsɔnkolo = os des membres supérieurs
serebana = rachitisme
sɛɛlɛli = chirurgie
sogolocogo = système, appareil
tùfa = cellule
Sunkofɔlan
Ballo, Issiaka, 2022, Enrichissement lexical du bamanankan : les appariements bamanan des dénominations françaises des concepts de la biologie humaine, Bamako, édis.
Ballo, Issiaka, 2019, Enrichissement lexical du bamanankan : les appariements bamanan des dénominations françaises des concepts de la biologie humaine (Thèse de doctorat, ULSHB - IPU).
Bordes, Gérard, 1978, Grande encyclopédie Atlas de la médecine, volume 1, Paris, Edition Atlas.
Microsoft Encarta Collection, 2009, corps humain.
Blàdon : 2024-08-09 Yɛlɛmako laban : 2024-08-23
