Dɔnniya fòrobayali jὲmukan: làbɛn 3nan, tàko 11nan
Bàngudɔn: Tlè n'a màntonw kisa
Dakun: Dùgukolo n'a kùnkanfaamuyaw (La terre et ses littératures scientifiques)
1. ‘Sègin kɛli tlè n’a mànton 9 tɛrɛmɛni kan: welennin, sìgidoolo, dùgukolo, dùgukoloblen, ntòlaba, jikuruntola, jikuruntoladankan, jikuruntolanin, ntòlanin.
2. Mànton 3nan : Dùgukolo (Terre)
2.1 Dùgukolo kofɔli (Présentation)
- Mànton 3nan dòn min bɛ Bòli tlè da fɛ n’i b’i Màbɔ tlè la kà T’a fɛ ;
- Kɔnɔnamanton 4 dɔ dòn minnu bɛ Weele ko bɔ̀gɔkurumàntonw ;
- Tlè mànton kɔ̀nɔntɔnw yankan bònya la, dùgukolo Ye 5nan ye;
- Nimafɛnya bugunnen dòn mànton min kan kà sàgo a tɔ̀ bɛɛ kan dalikɛnɛ/jyɛnkolo ‘kɔnɔ ;
- 'Kalo 1 Bɛ dùgukolo fɛ min b’a lamini tlè 30 ‘kɔnɔ ;
- Лininiw y’a Sɛmɛntiya ko dùgukolo shì bɛ sàn miliyari 4,6 la.
2.2 Dùgukolo ni tlè cɛ jànya (Distance par rapport au soleil)
- Fùrancɛ bam miliyɔn 150 ɲɔgɔn b’a ni tlè ‘cɛ ;
- bam miliyɔn 42 b’a ni sìgidoolo ‘cɛ, o min Y’a dùgumadankan ye ;
- bam miliyɔn 78 ɲɔgɔn b’a ni dùgukoloblen ‘cɛ, o min Y’a sanfɛdankan ye ;
2.3 Dùgukolo bàrisogoko (Structure de la terre)
- Dùgukolo ye fìriba 3 de dònnen ye ɲɔgɔn ‘kɔnɔ : a kolo, a bu an’a ŋɔ̀mɔ;
- A ŋɔ̀mɔ min y’a sanfɛla ye, o kologirinya bɛ bam 1 000 ɲɔgɔn la kà Jìgin ;
- A bu min y’a kolo datugulan ye, o fyὲ bɛ bam 3 000 ɲɔgɔn na kà Jìgin ;
- A kolo min b’a cɛmancɛ la, o tobagalama dòn min bɛ tobi a fùnteni fɛ an bɛ min Weele ko dùgubaga ;
- A dùgubaga fùntenihakɛ bɛ Yὲlɛn kà Se 6,650 hakɛ ma ;
- Bɔ̀gɔ ni ji ani fiɲɛ ye dùgukolo bàrisogo ye ;
- Kùluw ni folonw b’a kan ;
- Dùgukoloyibayiba fanga ka bon a kan minnu bɛ waleya ni dùgukoloyɛrɛyɛrɛ ni dùgukolofɔɔnɔ ye ;
- A bɔ̀gɔ mànfɛnw ye fàra cὲncɛnsunma ye ani nὲgɛ ;
- Dùgukolo kòorikɔnɔw la bèlebele bɛ Bὲn bam 12 756 ma ;
- Dùgukolo bɔ̀gɔ ka sɔsɔlenya bɛ 5,52 hakɛ la, o min ka bòn ni dùgukoloblen ta ye (3,9) nk’a tɛ welennin ta bɔ (6,1) ;
- Kolo min Bɛ dùgukolo cɛmancɛ la, o mànfɛn Ye dùgubaga ye, o min fɔrifɔrili kà Poyi kà kɛnɛmana sɔ̀rɔ o bɛ Weele ko dùgukolofɔɔnɔ.
2.4 Dùgukolo ka bɔnnɔnako (Mouvement de la terre)
- Dùgukolo bɛ tlè lamini tlè 365 ‘kɔnɔ, o min bɛ Weele ko sàn kelen ;
- A taasira kà tlè lamini, o bɛ fùntunci cogo la, shὲfan kòoricogo ;
- A ka munu-mununi kùntaala bɛ Bὲn waati 24 hakɛ ma, a ka don kelen ;
- A munukala jὲngɛli min bɛ Weele ko kèlekuli (nutation), o bɛ sàn waatiw Fàlen-falen ɲɔgɔn ‘kɔ kà Kɛ tlèma ni samiɲɛ ye ani fonɛnɛ ni taratle.
2.5 Dùgukolo kànfuntenihakɛ (Température)
- Dùgukolo kanfunteni la mankanman ye hakɛ 15° ye,
- O fùntenihakɛ in bɛ Se kà Yὲlɛn kà Tὲmɛ 37 hakɛ kan walima kà Jìgin kà Se fo 00 ni dùgumana cɛ ma ‘yɔrɔ ni ‘yɔrɔ la ;
2.6 Dùgukolo forokofiɲɛko (atmosphère terrestre)
- Dùgukolo forokofiɲɛ bɛ bam 10 Sɔ̀rɔ an ‘kùn na ;
- A forokofiɲɛ mànfɛnw na fànbaw Ye ninan ye, ni bàli, sìsan, ani fɔ̀lɔkɔ suguya wɛrɛw ;
2.7 Dodaɲɛ kura fɔlenw n'u kùnɲɔgɔnmaw fransɛkan na
bù = manteau
dalikɛnɛ / jyɛnkolo = univers
dùgubaga = magma
dùgukolofɔɔnɔ = volcan fìri = couche / épaisseur
dùgukoloyibayiba = phénomène géologique
fɔ̀lɔkɔ = gas
fùntenihakɛ = température
kèlekuli = nutation
kolo = noyeau
laminini = révolution
mànton = planète
munu-mununi = rotation
ŋɔ̀mɔ = croute
sɔsɔlenya = densité
Blàdon : 2023-09-22 Yɛlɛmako laban : 2023-10-14
