Poyidaga >
Yɛrɛkanmɛn kὲlɛkɛbagaw
Aw ni ce !
Aw ni ce yɛrɛye-baara la
Fàcɛn lafasabagaw
Aw ni ce cɛsiri la
Aw kulekan in ka Di
Yɛrɛkan ka Bɔ dìbi la
Yɛrɛkan ka Kɛ taaɲɛ kàlamɛnɛn ye
Aw kὲlɛkɛkan in ka Di
Aw y’aw Jija
Yɛrɛkan k’a Cooko
Duw ka Taa ‘ɲɛ
Sìgida ka Taa ‘ɲɛ
Kabilaw ka Taa ‘ɲɛ
Jamana yɛrɛ ka Taa ‘ɲɛ
Aw ka laɲini in ka Di
Yɛrɛkan ka Lafasa
Yɛrɛkan ka Labaara
Yɛrɛkan ka Cooko
Aw ka seereya tɛ Wuli
Yɛrɛkan de Ye taaɲɛ sinsinbere ye
Yɛrɛkan de Ye ɲɛtaa dungaren ye
Fòli banbali B’aw ye
Aw ka sɛgɛn tɛ Kɛ fu ye
Tariku b’o Seereya
Dramann Keyta 2014 10 30
Blàdon : 2016-07-07 Yɛlɛmako laban : 2016-12-07
