Dɔnniya fòrobayali jὲmukan tàko 46nan
Làbɛn 4 : Nimadɔn
Dakun : Лɔnni mìnɛn
1. Лɔnni kofɔli
- Лɔnni Ye fiɲɛ sàmani ye nimafɛnw fɛ k’a ninan Fòron kà Dòn u ‘kɔnɔ k’u fàrikolo màgo Лὲ n’o ye ;
- A ‘sèn fɛ, waleya flà bɛ Fàlen ɲɔgɔn na minnu ye ɲɔgɔn sìna ye : ninakili sàmani kà Dòn ani ninakili blàli kà Bɔ ;
- Лɔnni bɛ ninakili min Sàma kà Dòn fàri la, o bɛ Weele ko ninan ;
- A bɛ min Blà kà Bɔ o nɔ̀ kan, o Ye sìsan ye ;
- Nimafɛn bɛɛ bɛ ɲɔnni Kɛ walasa u ka To ‘balo la: baganw, jiriw, nfyenaw, ani tùfaw;
- Bagan ka ɲɔnni bɛ Kɛ ni fogonfògon ye walima gòlo;
- Olu bɛ Weele ko fogonfogonfɛɲɔnni walima gòlofɛɲɔnni;
- Jiriw ta bɛ Kɛ ni yeelenbayɛlɛma fὲɛrɛ ye;
- Tùfaw ka ɲɔnni bɛ Weele ko tùfaɲɔn;
- Nkà, an màgo bɛ adamaden ka ɲɔnni ɲɛfɔli la yàn.
2. Adamaden ka ɲɔnni mìnɛn fànw
- Mɔ̀gɔ ka ɲɔnni mìnɛn sun Ye fogonfògon ni nun ye ;
- Лɔnni na, nun dònyɔrɔ ye ninan sàmani ye kà Jìgin fogonfògon ‘kɔnɔ ani sìsan blàli ye kà Bɔ a ‘kɔnɔ;
- Fiɲɛ ka bɔkadon ‘kɔnɔ fogonfògon ni nun ‘cɛ, a bɛ Tὲmɛ kanflè fana fɛ ;
- Ninan sàmanen mana Se fogonfògonbolo flà ‘kɔnɔ, a bɛ Tὲmɛ fiɲɛsiraw fɛ kà Jìgin fogonfògon waaw ‘kɔnɔ;
3. Fɔ̀lɔkɔw labaarali kɛcogo fogonfògon ‘kɔnɔ
- Ninan man’i yὲrɛ Sɔ̀rɔ fogonfògon waaw ‘kɔnɔ kàban, fɔ̀lɔkɔlabaara bɛ da Mìnɛ ;
- Jòli wòyotɔ bɛ Taa ni ninan ye fàri fɛ kà fàri Lahinɛ;
- Ninan dònnen kɔrɔ min ye fàri Lahinɛ kàban, o sìsanlama bɛ Sègin kà Nà waaw ‘kɔnɔ;
- Ninakili blàli bɛ Bɔ ni o sìsan de ye fàrikolo la ;
- Лɔnni kɛcogo Flɛ kà fàrikolo Lahinɛ.
4. Gὲlɛya minnu bɛ ɲɔnni nɔ̀ fɛ adamaden na
- Лɔnni nɔ̀fɛdegun sugu ka ca minnu dɔw tɔgɔ Flɛ : galakanɔrɔ (pneumonie), sìsanbana, forokojifunu (pleurésie), fogonfogonbolofunu (bronchite), kannabagànin (angine), ɲɔnminɛ, nkɔ̀ɔnɔdimi (laryngite), waatɔn (emphysème), dàmanɲama (silicose), fàlakabana (croup), muragɛlɛn (grippe) ;
- Лɔnni nɔ̀fɛbanaw bɛ Furakɛ koɲùman ;
- I dàn ye kà Se ni a bànabaatɔ ye dɔgɔtɔrɔla walasa u k’a furakɛli Blà ‘sèn kan.
5. Dodaɲɛ sɔ̀rɔlenw blàli fransɛkan na
balo = vie, survie
dàmanɲama = silicose
fàlakabana = croup
fàrikolo = corps
fiɲɛ = air
fiɲɛsira = bronchiole
fogonfògon = poumon
fogonfogonbolofunu = bronchite
fogonfogonfɛɲɔnni = respiration pulmonaire
forokojifunu = pleurésie
fòron = inspirer, inhaler
fɔ̀lɔkɔlabaara = échange gazeux
galakanɔrɔ = pneumonie
gòlofɛɲɔnni = respiration cutanée
kanflè = trachée artère
kannabagànin = angine
muragɛlɛn = grippe
nfyena = champignon
ninakili = respiration
ninan = oxygène
nkɔ̀ɔnɔdimi = laryngite
nun = nez
ɲɔnminɛ = asphyxie
ɲɔnni = respiration
ɲɔnni mìnɛn = appareil respiratoire
sàmani = inspiration
sìsanbana = asthme
tùfa = cellule
tùfaɲɔn = respiration cellulaire
waa = alvéole
waatɔn = emphysème
yeelenbayɛlɛma = photosynthèse
Sunkofɔlan
Ballo, Issiaka, 2022, Enrichissement lexical du bamanankan : les appariements bamanan des dénominations françaises des concepts de la biologie humaine, Bamako, édis.
Ballo, Issiaka, 2019, Enrichissement lexical du bamanankan : les appariements bamanan des dénominations françaises des concepts de la biologie humaine (Thèse de doctorat, ULSHB - IPU).
Bordes, Gérard et al., 1980, Grande encyclopédie Atlas de la médecine, Bruxelles, Atlas.
Danbele, Mamadu, Sɔngomo, Sanusi, 2004, Dɔnniyakalan sàn 5nan-6nan, Bamakɔ, Edition Donniya.
Microsoft Encarta Collection, 2009, urinaire, appareil.
Blàdon : 2024-08-23 Yɛlɛmako laban : 2024-08-23
