Baganw sokɔnɔ-marali
Bì adamadenw ni ‘bagan caman Bɛ ‘ɲɔgɔn kan. Baganw sokɔnɔ-marali da Mìnɛna kàbi fɔlɔfɔlɔ sàn 11 000 sani Yesu Krista ka Bange nk’a yiriwali da Mìnɛna sàn 8000 sani Yesu bangeni ‘cɛ kàbi màaw ye basigili da Mìnɛ. Fɔlɔmaaw tùn bɛ dònsoya, mɔni ani jiridenɲini Kɛ. U tùn bɛ Nà n’u ka fɛn mìnɛnnen dɔw ye ‘so màrali walima lafali ‘kan ma. O la baganw màrali so ‘kɔnɔ tɛ ‘ko dennin ye.
Wùlu de Kɛra màa teri fɔlɔ ye. Kungo wùlu de Yὲlɛmana kà Kɛ ‘sokɔnɔ-fɛn ye dònsoya ‘kan mà ni kà Tla k’a Kɛ bagankɔlɔsila ye. U màracogo màaw fὲ y’a Kɛ u ʃi bɛ 400 Bɔ bì. Màaw basigilen ‘kɔ, bindunnaw sògo n’u gòlo de y’a To u b’u Fyɛrɛbɔ ni k’u Dumuni. A Dabɔra Mezopotami (Irak). Yèn sὲnɛkɛla fɔlɔw de ye kungobagan dɔw Ladòn nɔnɔko, sògoko ani sὲnɛko ‘kan ma. O ‘kɔ mìsi ni lὲ Lamàrala màaw fὲ fo kà Se sò ma.
Bagan fitinin minnu Lamàrala u sògow ‘kan ma, olu Ye sonsàn, lὲ, ani kàmanmafɛnw.
Bagan fàngamaw (fàliw, mìsiw, sòw o n’a ‘ɲɔ̀gɔnna caman) Tlara kà Nà Kɛ taamakɛlanw ni baaragɛlɛn-kɛlaw ye. Azigun sàma ta Kɛra kὲlɛ kɛli kosɔ̀n.
Bagan sògodunnaw dɔw (jàkumaw) fana Lamàrala sokɔnɔfɛn-misɛnninw (ɲinɛ, sà, tòto) mìnɛni ‘kan ma. Màaw Labanna kà fɛnɲɛnɛmanin dɔw (firifirininw) Kɛ ‘sofɛnw ye. U ka fὲɛrɛ Sera kà diden Màra ŋunun na diko nàfan kosɔ̀n.
Dɔ Fàra i ka dɔnta kan
→ màaw basìgili
→ wὲrɛla-baganw
→ sokɔnɔ-baganw
→ sokɔnɔ-wulu
→ sojakuma
Bɔyɔrɔ: Microsoft Encarta 2009
Blàdon : 2021-06-16 Yɛlɛmako laban : 2021-10-23
