Suleymann Sìse Fatuli
Suleymann Sìse Bangera 1940 sàn Bamakɔ. A y’a ka dùgumakalanw Kε Sὲnεgali jàmana kɔnɔ. 1960 sàn, a Sèginna kà Nà fàso Màli kɔnɔ. Sulemann tùn Ye ɲɔgɔlɔndilana ye. A y’o baara in Kànu kàbini a sìsan tε bεrε Bɔ. 1963 sàn, a Taara kàlan na Mɔsku. O kàlan in Kεra sannakalanso dɔ la yèn min ɲεsinnen dòn ɲɔgɔlɔndila ni ɲɔgɔlɔnbɔ mà. O ka kàlan Kùncεra 1969 sàn. A Sèginna kà Nà fàso Màli kɔnɔ 1970 sàn. A nàlen ye baaraw daminε minisiriso la min ɲεsinnen dòn kùnnafoniko mà.
Suleymann Sìse ye ɲɔgɔlɔn caman Dla wà a ka ɲɔgɔlɔn caman bε bamanankan na.
A ka ɲɔgɔlɔn dɔw Flε: Finyè (Fiɲε), Baara, Yeelen, Waaati …
A ye ŋanaya sɔ̀rɔko caman Kε a ka baara in na. O dɔ ye YENNENGA ye. O ŋanayajala in Dira a mà Burukina Fàso. A Kεra olu ka ɲεnajε dɔ ‘sèn fὲ min ɲεsinnen dòn ɲɔgɔlɔnko mà. O ɲεnajε in bε Weele Ko (FESPACO). A y’a ka filimu min Dajira o yɔrɔ la o tɔgɔ Ye ko Baara. Suleymann Sìse ye dònbolo caman wεrεw Sɔ̀rɔ o kɔ fὲ.
A Kεra 'Jiriba ye Màli ɲɔgɔlɔnko nàsira fὲ.
2025 sàn feburuyekalo tlè 19, Ala ye nìn cὲba in minniji Dɔgɔya k’a sìsan to sàn 84 na.
An b’a Fɔ Ko Ala k’a dayɔrɔ Nεεma.
Blàdon : 2025-02-23 Yɛlɛmako laban : 2025-02-24
