Jankola kita

Dugu yɔrɔfɔli

Jankola kita fana ye 'dugu ye min bɛ Kayi marabolo fɛ. A ka galotigidugu ye "Bɛnkadi Fuɲa" ye. A bɛ kita kolomi de fɛ. A ni Kita cɛ jànya ye bam 25 ye. Nk'a ni galotigidugu ta ye bam 9 ye. Kita de fana ye duguba ye yenJankola kita ni min ka surun. Kodokonin bɛ Jankola Kita ni kɔrɔn 'cɛ ni bam 5 ɲɔgɔn ye. A tlebinyanfan na Ba bɛ yen ni Bam 5 ye. Bɛrɛda b'a ni kɛɲɛka 'cɛ ni bam 9. Wòroduguyanfan fɛ sa, Ba bɛ yen ni 5 yen.

Dugu tɔgɔko

Tɔgɔ fla tɛ Jankola kita la, nkà weelecogo fla kɔni b'a la. A bɛ Weele "Jankola kita" walima "Kita jankola". Kùnnafoni kɛrɛnkɛrɛnnen min Sɔrɔla dugu in tɔgɔko la o de ye ko a tɔgɔ Dara a tu tigɛbaa de la n'o ye "Sidiba janko Tunkara" ye.

Dugu marabaako

Laadala-dugutigiya de bɛ yenkaw fɛ yen. Yen dugutigiya bɛ Nà kɔrɔyakunda nkà o fana na den de bɛ Sìgi fà nɔ na. O b'a Jira ko a ko bɛɛ tolen bɛ kìn kelen ni du kelen ka bolo de kàn. Yen dugutigi tɛ Bɔ dugutigiya la foyi kama fo n'a Kɛra saya ye. Ni yen dugutigi Banna u bɛ sàn kelen de Kɛ ka sɔrɔ ka kura Sìgi a nɔ na. Sidiba jankola Tunkara tùn ye tùn ye donso ye. A fana Nàna yen nɔ o sababu in de la ni ka sɔrɔ ka na sɛnɛ Fàra a 'boloda la. Màsakɛya waatiw la, jankola kita tùn bɛ Mara Kita màsakɛw fɛ. Mɔgɔ min bɛ Jankola kita 'kùn na dugutigiya la bì, o ye Sekuba Tunkara ye. Wasamankanjan Tunkara, Kabinɛ Tunkara, ɲamankan Fofana ye yen dugutigi kɔrɔw ye.

Dugu bònya

jankola kita tɛ duguba ye. Yen mɔgɔw tɛ Tɛmɛ 1000 kàn.

Dugu siyako

Màrakaw ni kàkɔlɔw ni màninkaw ni fulaw ye yen siyaw ye. Yen jàmuw ye Tunkara, Fofana, Keyita, Tarawele, Kulubali ani Sise ye. Sinankunya bɛ Tɛmɛ yen Tunkaraw ni lamini Kamaralaka bɛɛ 'cɛ. Furu bɛ Tɛmɛ bɛɛ ni ɲɔgɔn 'cɛ yen. Bamanankan ni maninkakan ani fulfulde de bɛ Fɔ yen. Nka min bɛ Fɔ 'fòrobaya la o ye maninkakan ye.

Dugu baarako

Sɛnɛ bɛ Kɛ yen kosɛbɛ. O siratigɛ la, u bɛ keninke, saɲɔn, kàba, malo, tiga, tiganinkuru, ɲimikala, gajaba, bananku, woso, je, bàra, galama, ʃɔ, zɛrɛ, kurubaa, danan, bɛnɛ, dà, kɔɔri, mangoro, sɔmɔ, fòroto, jaba, tamati, nkɔyɔ, gan, nanaye ʃù, ɲugu ani melɔn Sɛnɛ. O kɔ fɛ, u bɛ baganmara fana Kɛ. Yen bagan marata dɔw ye: Bà, misi, saga, fàli, wùlu, jakuma, ʃɛ, kami, tonkɔnɔ ani jɛnɛntubannin ye. Jɛgɛmara fana bɛ Kɛ yen. O mɔnikɛminɛw ye jɔ ye. Jago siratigɛ la yenkaw bɛ sɛnɛfɛn-feerew ni baganfeere ani bololafɛndlata-feere ye. Bololafɛndla dɔw bɛ Kɛ yen. olu la, kalakadla ni ŋununda ni segereda ni dabadla ni kurundla ni bɔgɔdagadla ani kolondla. O bɛɛ tɛmɛnen 'kɔ donsoya fana bɛ sɛbɛkɔrɔ Kɛ yen.

Dugu fɛɛrɛko

Jankola kitakaw ka kungosogo fàlifɛɛrɛ ye: Marifa, fɛlɛbɔ, basaminɛ-nɛgɛ, jakumaminɛ-nɛgɛ ani wosen ye. Nkà u bɛ manabɛlɛ, ntɛnfɛrɛ, wɔlɔjuru, dingɛ tigɛli ka wɔlɔfan Blà o la buturu ani bafe Tà u ka kɔnɔw minɛni na. U bɛ misiden Dabɔ ni ncɔlɔ ye. U b'u ka misi murutilenw Minɛ ni jonbori walima a Nɛgɛni ni dumunifɛn ye walima k'a bagan masina Koron ka Dòn yɔrɔnin dɔ la.

Dugu yiriwaliko

Лɔʃimansin, pɔnpekɔlɔn, jabaranin, kɔɔrisugu, moto, kalalikɛmansin, tlebarika-walan, sɛnɛkɛmansin ani kɛneyaso ye jankola kitakaw ka ko kura nàlenw ye. CMDT fana bɛ yen. A ka ɲɛtaa ɲɛsinnen bɛ sɛnɛ ni sannifeere ma.

Dugu kàlanko

Kàlanko la, duguman-dakunfan fɔlɔ dɔrɔn de bɛ yen ani denmarayɔrɔ 2. O Dabɔra 2015 sàn. Yen lakɔlikalan da minɛni ni sisan 'cɛ a bɛ sàn wɔɔrɔ Bɔ. Morikalan de Dònna jankola kita nkà an bɛ bì min na lakɔlikalan de fanga ka bòn yen bì.

Dugu batoko

Silamɛya de yenkaw ka diinɛ fangaman ye. Misiri kelen de b'u fɛ yen. Yen silamɛya dònbaa ye Mamadu Keyita ye. O ni bì 'cɛ bɛ sàn 130 ɲɔgɔn Bɔ. Nkà an bɛ bì min na, kerecyɛnya Binna ka Dòn u fɛ sisan. Jankola kitakaw tnɛ ye soɲani ni kɛlɛ ye. Yen dugu dasiri ye kuruson ye.

Dugu ɲεnajεko

Yenkaw ka ɲɛnajɛlakow ye kɔɲɔw ni seliw ni sanyɛlɛmaw ni denkundiw ni tɔnɲɛnajɛw ni sankunbɛnw ani laadalakow ye. U ka fɔlifɛnw ye jenbe ni gita ani bàra. O kɔ fɛ, ntolantan fana bɛ Kɛ yen. U ka ɲɛnajɛw kɛyɔrɔ ye "Bara" ye.

Dugu kungoko

Dàla, ba, fàla ni jɛ bɛ yen. O Jisigiyɔrɔ yɔrɔ ninnu na, manɔgɔ, ntɛbɛn, saalen, samu, kɔnkɔn, zeku, zara, wùlujɛgɛ, sajɛgɛ, nàna, baman, ntigin, bilinkìtin, dodò, kalaka, bàma, kaana, kooro, koorokaara, mali ani tawu bɛ Sɔrɔ yen. Yen jiri suguya ka Ca yen kungo 'kɔnɔ i n'a fɔ jala, sanan, genun, nkaba, npeku, zaban, gele, nsira, bumu, ʃì, nɛrɛ, sebe, toro, ntɔngɛ, zɛrɛninjɛ, nkalama, sunsun. Kungosogo minnu ka Teli ka Sɔrɔ yen olu ye: Dànkala, nkorongo, kungo-kami, minɛn, nkolonin, warabilen, miniɲan, tentannin, wɔlɔ, baninkɔnɔ ani tonkajɔ ye.Yen kungodaw Flɛ: Kɔninfara, banbafara, An bara bugudanin ani kaɲakuru. Kuluba kelen b'u fɛ yen ko "kaɲakuru".

Dugu Kaburudoko

Kaburudon sàba de bɛ Jankola kitakaw fɛ yen.Nkà kɔrɔ wɛrɛ t'a la yɔrɔjanyako 'kɔ.

Dugu waatiko

Yen waatiw fàlen-fàlen cogo Flɛ: ni samiɲɛ Bɔra yen kawulɛ bɛ Nà, n'o Bɔra yen, tlema bɛ sɔrɔ ka Nà. Yen funtenin hakɛ sanandan ye 35 ye ni k'a nɛnɛ hakɛ dugumandan Kɛ 15.