Mali >
Mali jamanatigiw
Mali jamana marali la, jamanatigi damadɔ Tɛmɛna kàban. Dɔw y'u ka fanga Foori koɲuman, dɔw yɛrɛ ta ma Foori cogo ɲuman na. U bɛ mɔgɔ wolonfla Bɔ bì. Jamanatigi minnu Tɛmɛna Mali 'kùn na kà Nà olu fɔlɔ ye Modibo Keyta ye. Ale ye jamana ka yɛrɛmahɔrɔnya D'a ma 1960 sàn na. Musa Tarawele ye janfa dòn Modibo ma k'o Minɛ 1968 k'i Sìgi jamana 'kùn na. Ale Musa fana Gɛnna ka Bɔ yen 1991 sàn na Amadu Tumani Tuure fɛ. O Amadu in ye tɛmɛsenna-fanga dɔ Sìgi kà fanga Di Alfa Umar Konarɛ ma jɛmuse kàlata dɔ 'sèn fɛ 1992. Alfa ye sàn tan Kɛ jamana 'kùn na kà sɔrɔ k'a Di Amadu Tumani Tuure ma tugun, nka, jɛmuse kàlata dɔ 'sèn fɛ 2002 sàn na. Amadu Tumani fana Gɛnna ka Bɔ fanga la a ka sàn tan kalo dafabali 2012 sàn na. A tɔgɔma Amadu Haya Sanɔgɔ Kɛr'o kotigi ye. Haya ye dɔgɔkun damadɔ Kɛ a tɛmɛsenna-fanga dɔ 'kùn na sani Jɔnkunda Tarawele ka Sìgi sariyabaju 'ɲuman na ka tɛmɛsenna-fanga Foori. 2013 sàn kàlataw ye ɲɛmaa kura Sìgi o min tɔgɔ ye ko Ibrahim Bubakar Keyta. Ale ka fanga b'a tɛmɛko fɔlɔ la. Ibrahim Bubakae Keyta ka fàn tàko fɔlɔ Tὲmɛna, baaʃi ma Bɔ o la. A ye fànga tàko flanan da Mìnɛ 2018 sàn kàlataw jaabi bɔlen kɔ fɛ. O B'a cɛmancɛ la tùma min, baara Cyɛnna ale 'bolo. 2020 sàn utikalo tlè tan, fìnitijɛkulu dɔ Nàna fànga Bɔsi ale la. O y'a Sɔ̀rɔ wulikajɔ tùn Cayara fàsodenw fɛ jàmana fàn bɛɛ. Sɔ̀rɔdasi minnu ye fànga Bɔsi a la, olu ɲɛmɔgɔ Ye Kolonɛl Asimi Gòyita ye. O sɔ̀rɔdasi nìnnu y'u Jɔ̀ ni jàmana ye fo kà tὲmɛnsennafanga ɲɛmɔgɔ Sìgi.O mɔ̀gɔ sugandilen Kɛra Ba Ndaw ye.
Modibo Keyta Musa Tarawele Amadu Tumani Tuure Alfa Umar Konarɛ
Amadu Haya Sanɔgɔ Jɔnkunda Tarawele Ibrahim Bubakar Keyta Ba Ndaw
Blàdon : 2016-07-24 Yɛlɛmako laban : 2020-11-18
