Ziirinda > 2016 06 18
Bunteni ni ntori ka fàlatigiyako
Don dɔ la funteni de Ganna bunteni na, o fana Bɔra k'a bɛ Taa fiɲɛminɛ na fàlada la. A selen yen a y'a Sɔrɔ ntori màsayadalen bɛ yen. bunteni kɛlen ka ntori Fo, 'ntori fana y'a Jaabi ni ka Tla k'i kant'a ma ko
-E fɛnnin barikantan in Nàna mun Лini yan?
Bunteni y'a jaabi ko
-Funteni de ye n Tɔɔrɔ o de la n fana Nàna n lafyayɔrɔ-ɲini.
O kɛlen, 'ntori y'a Fɔ a ye k'a ka Taa lafyayɔrɔ wɛrɛ Лini ko n'o tɛ ale n'a tɛ kun yan. O kuma ma se ka kun bunteni fana fɛ o fana ye 'ntori Jaabi ko yala dugukolo ye 'ntori ta ye wa? U Tor'o ɲɔgɔn Sama-sama na sonsannin Nàna jimi na ka n'u Sɔrɔ yen. Ale y'u Лininka u Dònna kuma ɲɛ na k'a F'a ye. O kɛlen sonsannin Ko k'o kɔni ma Se ɲɔgɔn Sama-sama ma. A k'u ma ko kɛnɛ Flɛ so Flɛ, k'u k'a Kɛ cɛkɛlɛ ye ko min maa Se min na ko fàalatigiya na T'o tigi 'bolo. Aa! o kuma Fɔ sonsan fɛ o Dyara 'ntori ye haali. A y'i kant'o la k'o y'a kɛcogo ɲuman ye. Ɔ, 'sɔn kɛlen o ma, sonsannin y'i kanto tun ko a ko ma Kan ka Kɛ olu sàba dama ɲɛ na, k'u ka Jɔ k'a bɛ ci Blà kungokɔnɔfɛn tɔw ma. O kɛlen a y'a ka dununba Tà ko
-Goŋ goŋ goŋ, Ayiwa n balima cɛ ni muso, ni Ala ye kaidon Jira an kɛnɛ na bɛɛ ka ɲɔgɔn Sɔrɔ fàlada la. Cɛkɛlɛ bɛ na Kɛ yen 'ntori ni 'bunteni 'cɛ fàlatigiyaɲini-kɛlɛ dòn. O tuma na, bɛɛ lajɛlen Weelelen dòn, maaʃi ka na To 'kɔ. Bɛɛ ka Bɔ an ka Taa a ko seereya jankɔ 'bìn ka na Kɛ dɔ kan a ko la. O karidon kofɔlen in sɔgɔmajoona fɛ kungokɔnɔfɛn bɛɛ ye ɲɔgɔn Sɔrɔ fàlada la yen. Ɔ, bɛɛ dafalen, jara ye kɛlɛ sariya Sìgi. A y'i kant'u ma k'u kelen bɛɛ bɛ tanniko sàba sàba Kɛ ko ni min Bòlila walima ka Kule k'o tuma na o tigi 'sèn tɛ 'fàlatigiya la tun, k'a bɛ Di dɔ in ma. Ntori hakili sìgilen, a dakojugu a yɛrɛ la, a y'i kan kɔrɔ Tà jàma cɛla ni k'i kanto
- Ne balima kungokɔnɔfɛnw ne 'ntori flɛ ka lahidu Tà Ala ye k'a Tà aw ye fana, ni nin kɛlɛ in da Tora ne na, n y'a Лini Ala fɛ a ka fìyɛn Dòn ne ni n bɔnnaw bɛɛ ka ɲanamaya la.
Ɔ, o kɛlen sa, jara y'i kanto ko ntori ka tanni da Minɛ. 'Ntori fana y'i Labɛn k'i Funnun ka Sin bunteni ma, a selen a ma a y'a Tan ka Fli dugu ma o Wulila k'i Jɔ, a Tlala k'i Funun ka n'a Tan ka Fli. Ntori y'a ka tanniko sàba bɛɛ Kɛ bunteni ma Kule , w'a ma Bòli. O kɛlen sa jara y'i kanto ko 'ntori ka tanniko sàba Dafara, u ko ko tanni da Sera bunteni fana ma, ko 'ntori k'i Labɛn. Ntori y'i funnun k'i Jɔ, bunteni fana ye 'ntori fununnen Lajɛ k'a Wuli a kɔ la ko ŋamaw! Aa! o tanniko fɔlɔ ntori funnun Jiginna ni k'a ɲɛw Blen. Jara y'i kanto ntori ma k'a k'a Jija k'a tɔ Tora tanniko fla ye. Bunteni Taara kɔ fɛ tun k'i Fyɛ ka n'a Da ntori kɔ la tugun ko ŋamaw! Aa! Jɔn k'o Dyara! ntori de Flɛ ka Kule dew! k'i Pan ka sugunɛ Seri ni ka T'i Fli fàlakɔnɔji la. Bɛɛ ko ee! ntori Kulela, ntori Bòlila!!!. Jara ko o la ko tigi wɛrɛ tɛ fàlada la ni bunteni tɛ. Ɔ, nkà ntori pantɔ ye sugunɛ min Kɛ Ala fana y'o Kɛ 'fyɛn ye ntori n'a bɔnnaw ka ɲɛnamaya la. K'a Tà o don ka na Blà bì la sugunɛbakɛ Kɛra 'ntori taalan ye.
N y'o Tà yɔrɔ min, n y'o Blà yen.
Blàdon : 2016-06-18 Yɛlɛmako laban : 2016-07-07
