Baganw ka sìgiyɛlɛma
‘Bagan caman bɛ taanikasegin Kɛ yɔrɔw ni ‘ɲɔgɔn ‘cɛ ‘sàn o ‘sàn. Dɔw ta Ye kɛko kelen ye u ʃì ‘kɔnɔ. A bɛ Fɔ o mà ko sìgiyɛlɛma. Yɔrɔw dɔw y’u ka waatitɛmɛ-yɔrɔ ye, dɔw Y’u bugunyɔrɔ ye. U ka taamaw kɛcogo tɛ kelen ye: dɔw tɛ Tὲmɛ bm 10 caman kàn, dɔw ta bɛ bm ‘ba caman Bɔ. U bɛ sìgiyɛlɛma in Kɛ yɔrɔ n’a cogoya kosɔ̀n.
Bagan bɛɛ bɛ sìgiyɛlɛma Kɛ. ‘Fɛnɲɛnɛma-kunda firifirininw ni ntɔ̀nw de bɛ Se kà Ta ‘yɔrɔ jan. ‘Kɔ̀gɔji-jɛgɛ caman b’a sìgiyɔrɔ Yὲlɛma waati n’a cogoya kosɔ̀n. Dɔw ta bɛ Kɛ bugunni ‘kan ma. Fòofofɛnw na, kɔ̀gɔji-lasòraw de Ye sìgiyɛlɛmanaw ye kosɛbɛ. Kɔ̀nɔw ta ka jugu a ko la kɔsɛbɛ. Dɔw bɛ Bɔ jyɛn kùn kelen na nɛnɛma-yɔrɔw kà Taa fùntenima-yɔrɔw la. Erɔp taw bɛ Yὲlɛma Fàrafinna, Amerik kɔ̀gɔdugu taw bɛ Taa a wòrodugu fὲ. Kɔ̀nɔ fɛnɲɛnama-dunnaw de b’o Kɛ ‘kɛrɛnkɛrɛnnenya la sabu u tɛ ‘fɛn Sɔ̀rɔ u kɛyɔrɔ kɔrɔw la. Dɔw fana bɛ Bɔ u nɔ̀ na jà siranɲɛ fɛ.
Fɛnw ka sìgiyɛlemaw bɛ kɛ ‘kulu ni ‘kulu kà Caya wà u bɛ ‘sira kɛrɛnkɛrɛnnen Mìnɛ. ‘Лɛfɔli caman B’u kùntlena-ko la: tlè cogoya; dòolow ni kalo cogoya; dɔw bɛ Taa kasa nɔ̀ fὲ, dɔw ta Ye yeli ye, dɔw fana ta Ye mànkan ye.
‘Bagan caman b’o jàteminɛ sugu ni Kɛ.
Dɔ Fàra i ka dɔnta kan
→ fɛnɲɛnɛmaw
→ jɛgɛw
→ sòraw
→ kɔ̀nɔw
→ sindilaw
→ baganw ka ɲɛnamaya
Bɔyɔrɔ : Microsoft Encarta 2009
Blàdon : 2021-10-23 Yɛlɛmako laban : 2021-10-31
