Falatɔnin
Nin kεra dennin dɔ ye min tɔgɔ tùn ye Nandi ye. Nandi tùn ye falatɔ ye. Nandi ba Tora musokεlε de la. O kεlen a Tàra ka Di a ba sinanmuso ma. Nka o tùn ka farin a ma fo ka dɔn. Denmuso kelen tùn bε sinanmuso in ‘bolo fana ko kànja, o tùn kaɲi kosεbε w’a tùn bԑ hinԑ Nandi la. Dòn dɔ la, mansakε denkε ye weele Blà dugudenw bεԑ ma, k’a bε Nà musofuru la. O kԑlen, Kànja ba y’a weele k’a ɲԑ F’a ye. O tuma, dugu denbaw Tora k’u denmusow Labԑn. Ͻ, Kànja fana y’i kant’a ba ma k’a k’a To ale ni Nandi ka Taa kuntigiyɔrɔ la, nka ba in ma Sɔn o ma. A ye mun Kԑ ? A Flԑ ka fini nɔgɔ caman Tà ka Di Nandi ma k’o k’o Ko. Nka Kànja Taatɔ, a ko Nandi ma k’a bε jirifura-bulu Blà sira la ko n’a taatɔ y’o Ye sira min kan k’a ka Taa o fԑ. Nandi tilalen fininɔgɔko la a Taara Kànja ‘kɔ. A Taara Se yɔrɔ dɔ la ka jirifurabulu dɔ dalen ye sira fla kunbԑnyɔrɔ la jaa kànja y’a Da yɔrɔ min na fiɲε y’a Kolonkolon ka Blà sira dɔ in kan. Nandi fana Taar’o fԑ. Jaa jinεkin de b’o sira in kan yen, a Taara fo ka Taa a yԑrԑ Sɔrɔ jinԑw tu la yen. Jinεmuso dɔ ye Nandi Minԑ k’a Siri jiri la k’a b’a Fàga. A b’o la, nɔɔnin jinεkε dɔ Bɔra tu ‘kɔkɔ ka sin ka Nandi Foni hali a ma ɲininkali Kԑ. A ma dan o ma, a Tlala ka o jinԑmuso yԑrԑ Minԑ k’o Siri o jiri kelen in na k’a b’o Fàga. Aa ! o Kԑlen, Nandi y’i kant’a ma k’ale ba tùn b’a F’ale ye ko mɔgɔ ka juguman sara ni ɲuman ye, ka ɲuman sara ni ɲuman ye.
O kεlen jinεw ko, k’olu tùn bε ka kɔrɔbɔli de kε. Ko ni Nandi tùn Sɔnna jinԑmuso fàgali ma k’olu tùn bԑ Nandi Fàga. Ͻ, nin kԑlen sa, Nandi Sinna ka koja jinεw ye fo k’a dɔn min Kԑra. U Nana Nandi Лininka a ka hadamadenya koyanw bԑԑ la. A fana y’a da Dòn a bԑԑ la k’a Tԑrԑmԑ fo ka Se min Sera n’ale ye jinԑkin in na yen. O kԑlen Nandi Hinԑ Dònn’u na. Jinԑmuso ye Nandi kun Digi digiliko cԑɲi na min ɲɔgɔn ma deli ka Digi muso kun na fɔlɔ hadamadenw Fàra jinԑw yԑrԑ kan ni ka Tla ka bololanεgε dɔ D’a ma ko n’a mago bԑ jyԑn ko o ko la k’a k’a Fɔ “jinε sira” ni k’a ka hanmi Da a kan. O kԑlen, a Sɔrɔla ka sira Dòn a ‘kɔrɔ. Masakԑ denkԑ ka furudon selen dugu npogotiginin bԑԑ Bɔra tuma min, Nandi Taar’a Dogo ka sɔrɔ ka Fɔ ko --jinε sira, n b’a fε i ka n Kε npogotigi saraman ye
Aa ! mansakε denkε kԑ ka Nandi Ye a m’a Blà dagagirin da la tùn. A Sinna ka Nandi bolo Minԑ ka Bɔ tɔw cԑla. Nandi kɔɲɔ Bɔra ka Di a ma. O kԑlen o ma se ka tɔ To sinamuso jugu in na f’a Kԑra fa ye a la.
N y’o Tà yɔrɔ min, n y’a Blà yen.
Blàdon : 2017-07-14 Yɛlɛmako laban : 2017-07-14
