Musa Tarawele
Musa Tarawele ye finitigi ani politiki mɔgɔ ye Mali la. A Kɛra Mali jamanatigi ye 1968 sàn ni 1991 sàn cɛ. A Bangera 1936 sàn sɛtanbrukalo tle 25 Sebetu Kayi marabolo ma maninkadu dɔ kɔnɔ.
Musa ka kàlanko
Musa ye faransi finitigiw ka sɔrɔdasi kɔrɔ dɔ ye. O siratigɛ la a y'i Sendon o kàlan suguyaw la 1954 sàn. A y'a ka kàlanw Kɛ denmisɛnni-kalanso dɔ la Kati kà Sɔrɔ kà Taa fransi kàlanso finitigikalanso dɔ la ko Frezis 1960 sàn. A tlalen a sɔgɔn ma Kɛ à ka kulu cɛ la.
Musa ka finitigiya
Musa Kɛra sous-lieutenant ye 1961. Sàn fla o kɔ fɛ a Kɛra lieutenant 1963 sàn. A Taara Tanganika n'o bɛ Weele bi ko Tanzani. A tùn ye yen finitigiw kàlanbaa ye. O kɔ fɛ a Nàna Kɛ Mali sɔrɔdasiw kàlanbaa ye Kàti.
Musa ka jamanatigiya
1968 sàn nowanbrukalo tle 19, Musa ye Modibo ka fanga Dafri. A Kɛra CMLN. O kɔ fɛ à Kɛra jamanatigi ye.
Politiki baaraw bɛɛ Jɔra a fɛ. Polisi sɛgɛsɛgɛli dɔ Blara sen kan. Cɛkɔrɔ Bagayɔgɔ tùn b'o ko ɲɛ ma ye. Kùnnafoni ɲininaw tùn bɛ Taa kàlansow walasa kà kàramɔgɔ Lamɛ ko sabu sannakalansow ni kalanso tɔw ye yɔrɔ jugu ye min ni finitigifanga tɛ ɲɔgɔn kan Fɔ. Modibo Keyta ka fanga cogoya Blàra pew.
1972-1973 sànw gɛlɛya juguba dɔ Donna Mali kɔnɔ.Jɛn kèlenyatɔ, ka dɛmɛ Nàna nka o wari bɛɛ uruku-yurukura.
1974 sàn, a ye sariya dɔ Sigi Mali kɔnɔ mun Mali fanga kɛcogo flanan ye.
1977 sàn mɛkalo, jamanatigi fɔlɔ Modibo Sàra à sàn 62.
1978 sàn februyekalo tle 28, Musa ye Cɛkɔrɔ Bagayɔkɔ ni KIsima Dukara Minɛ minnu tùn ye lakana ni basigi setigiw ye. A y'u Minɛ ten k'u b'a fɛ ka bɛnbɛnbɛn dɔ Kɛ ale kɔ fɛ.
A ye politiki koɲɛw Dayɛlɛ min y'a To mɔgɔ kalannen dɔw y'a Kɔkɔrɔmadon i n'a Fɔ Alfa Umar Konarɛ o min Kɛra seko ni dpnko setigi ye sàn damadɔ kɔnɔ.
1979 sàn, a ye jὲkulu dɔw Sigi sen kan i n'a Fɔ UDPM, jamana musow ka jὲkulu ani denmisɛnw ka jὲkulu. Nin jὲkulu ninnu na musow ni denmisɛnw bɛɛ tùn b'a la.
1980 sàn gintanba dɔ Wulila kàlandenw fɛ. O kàlandejɛkulu ɲɛmɔgɔ tùn ye Abdul Karim Kamara (Kabral) ye. O cɛ in Sàra o sen fɛ marisikalo tle 17.
1982 Musa Kɛra Mali finitigi bɛɛ ɲɛmɔgɔba ye.
1990 jὲkulu dɔw Nàna Sigi sen kan. ADEMA Abdramann Baba tùn ye o sinsinbaa ye ani CNID n'o ɲɛmɔgɔ ye Muntaga Tal ye.O jὲkulu fla Fàrala kàlandenw ka jὲkulu kan kà Musa ka fanga Dàfri. Olu de ye parti caman ko Dyagoya jamana kɔnɔ.
1991 sàn gintan
1991 sàn mariikalo tle 22 jamanaden Wulika Musa ka ma. Joli caman Bɔnna.
1991 marisikalo tle 26 finitigiw ye musafanga Dafri. Amadu Tumani Ture de tùn b'olu ɲɛ ma. Musa Datugura kàso la. 1993 a fagaliko kuma tùn Fɔra. Nka Alfa Umar Konarɛ y'o donni Tà kà Bɔ a kan k'a Labla 2002 sàn mɛkalo la.
ʃɛk Modibo Jara min tùn ye kɔsa in na setigi ɲɛmɔgɔ ye o ye Musa denmuso Furu.
Musa Tarawele Faatuli:
Bàla Nàna jyɛn 'kɔnɔ tàratadonya dɔ fɛ 1936 sàn. A ye fànga Tà tàratadonya wɛrɛ fɛ 1968 sàn. Musa Tlara kà fànga Blà 1991 sàn tàratadonya fɛ tugun. Ala ye Bàla minniji Dɔgɔya kà Bὲn tàrata dɔ fana ma 2020 sàn sɛktanburukalo tlè 15. Ala k'a dayɔrɔ Nɛɛma!
Blàdon : 2016-07-24 Yɛlɛmako laban : 2020-11-11
