Daban Kariɲɔgɔnna
K’a Tà 1883 zanwuyekalo tlè 16 kà N’a Blà 2023 sàn zanwuyekalo tlè 16 la, nìn Y’a ‘sàn 140 ye ten cɔy ni bamananw ni walifaso-mara kὲlɛcɛw ye kariɲɔgɔnna dɔ Kɛ min ɲɔgɔn ka dɔgɔ. Kàti sifinw ni Daban ta tùn ye bamananw ka kὲlɛcɛ fànba ye. Nkà o t‘a bɛɛ ye, kὲrɛfɛdugu caman sifinnakaw tùn B’a la. O kὲrɛfɛdugu dɔw Ye : Fàlajɛ, Basabugu, Sonyɛbugu… Naba Tarawele tùn Y’u la ɲɛmɔgɔ ni fransikaw bɛ min Weele « Naba le lion » (Nabawaraba). Naba fana tùn Ye Daban dùgutigi ye o waati kelen na. Walifasomaralaw ka kὲlɛcɛw ɲɛmɔgɔya tùn Bɛ Gustanfu Bɔrɲi ‘bolo. A Wolola Pronfɛns (Provins) 1839 sàn ɔkutɔburukalo tlè 22 kà Fatu 1900 sàn zuluyekalo tlè 18 Hanoyi. Kὲlɛ Gòyara bamananw na nkà u y’u se Kɛ sabula bolola-marifa dlalen tùn B’u ‘bolo. Nkà u y’u kwaa Da jugu kwaa la n’o mìnɛnw ye. Màramafɛn juguw tùn Bɛ jugu ‘bolo i n’a Fɔ shaariw. Ko Gὲlɛyara jugu ‘bolo fo u ye kὲlɛ la dàntɛmɛwalew Kɛ walasa u ka Se bamananw na.
Ala ka ne balima kὲlɛcɛw dayɔrɔ Nɛɛma minnu ni Tora fàso kùnmabɔli kɛnɛ kàn kunun ani bì.
Blàdon : 2023-01-31 Yɛlɛmako laban : 2023-01-31
