Didenw ni dòndoliw
Didenw ni dòndoliw Ye ‘fɛnɲɛnɛmaw ye minnu bɔlen don ‘ɲɔgɔn fὲ kosɛbɛ. U flà bɛɛ Bɛ ‘kuluba la, minnu bɛ Weele jolonaani-fɛnɲɛnɛma yelimaw (dùgumɛnɛlakaw B’o fὲ). ‘Tàamaʃyɛn damadɔ bɛ nìn fɛn flà Dànfara kà Bɔ ‘ɲɔgɔn mà :
– dòndoliw bòkun ni u kɔgɔ bɔlen dòn ‘ɲɔgɔn na nin fɛn fitinin dɔ ye; ‘tlaliba Tɛ didenw ta la wa olu fàribu kà bòn kosɛbɛ ;
– ʃi Bɛ diden fàri la k’a Sɔ̀rɔ dòndoli ta nùgulen dòn ;
– didenw sènw pàtarayalen dòn n’i K’u Sùrunya ni dòndoliw ta ye ;
– didenw bɛ jiriden-nɔɔnɔ Bɔ nkà dòndoliw t’o Kɛ ;
– diden tɛ cinni Kɛ syὲn fla : n’a ye cinni Kɛ, a ʃɔ̀n bɛ To fɛnw fàri la. O de bɛ Nà n’a bòbara fàrali ye wa n’o Kɛra a bɛ Sà a tɛ Mɛn. O de y’a To diden tɛ cinni Kɛ ni se ma Kɛ a mà ; k’a Sɔ̀rɔ dòndoli bɛ Se kà cinni Kɛ ‘syὲn hakɛ min ka d’a ye.
Dɔ Fàra i ka dɔnta kàn
→ fɛnɲɛnɛmaw
→ didenw ka ɲɛnɛmaya
Microsoft ® Encarta ® 2009.
Blàdon : 2020-03-06 Yɛlɛmako laban : 2020-03-06
