juguya sara
Nin Kɛra cε dɔ ye, min tɔgɔ tùn ye kelennako ye. Ala tùn y’a Ladiya, ka nafolo caman d'a ma. Bà, misi, saga, fali, ninnu bɛɛ dɔ tùn b'a 'bolo. Balo caman tùn b'a ka jiginɛw 'nkɔnɔ, hali a tùn t'a dɔn a b'o Kɛ kεcogo min na.
Balimamuso kelen pe de tùn b'a 'bolo. O tùn furulen bɛ dugu wɛrɛ la. O dugu tùn bɛ Weele ko ɲanibugu. Sεgεba tùn bε ale n'a cɛ la, hali u tùn tε dumuni sɔrɔ ka a di u denw ma don dɔw la.
Don dɔ Kɛra yen, kelennako balimamuso bɔra ɲanibugu, ka na Bɔ a ye. A selen, a y'a Fɔ a ye ko balimakɛ ka 'ɲɔnin Di a ma a bɛ se ka a denw ninahinɛ n'o ye tleflanin na cogo min na. U tun bɛ ʃu caman kε u tε foyi Sɔrɔ ka dun.
Lafili, o min y'a balimamuso in ye, sera a kɔrɔkε kelennako ma. Foliw kεlen kɔ, Lafili y'i dan tigε a kɔrɔkε ye, a k'o ma :
-N kɔrɔ kelennako, ne sera i fε yan bì. Hεra tε dɛ, sabula ne tε n diya. Foyi tε an 'bolo ka Di hali an denw ma tun. Ɔ, maakɔrɔbaw ɲumanna dɔgɔ sɔrɔla o, a ma sɔrɔ o, a ɲiniyɔrɔ kɔni ye kungo kɔnɔna ye. Wa ko n'i ye ɲεkili ye yɔlɔkɔ-yɔlɔkɔ la, a bε k’a dɔnbaga de ɲini. O cogo kelen na, ko mɔgɔ nugu ka ɲi i dɔnbagamisi biyεn na dɛ. Ne kɔni Nan'i Ala kanma an ka balimaya kanma i ka seriɲɔnin di n ma.
O kɛlen, Kelennako ɲε sinna ka bilen cori i n’a fɔ joli. A y' i kanto :
-Lafili, i Nàna i nàkun na. Nka Ne yεrε min flε, ne tε se ka n ta ɲεfɔ. Hali sumankisε den kelen, o tε ne fε yan. Hali ʃu min Tεmεna, ne ka mɔgɔw ma dumuni kε fana. 'Cyɛnna 'fɛn tɛ ne yɛrɛ 'bolo ka Di i ma. Hali i kana nin Kɛ sìgili jan ye tun. Wuli, i ka taga i ka Taa yanni ʃu ka ko i la.
Lafili dusukasibagatɔ Wulila, ka Taa tèn.
O kεra tuma min na, kelennako Wulila ka Yεlε, ka Yεlε, f'a ɲεji bɔra. A Taar'a ka ɲɔjiginɛ kεrε fε,ni k'i kan To:
-Ee! ne kelennako! Ala ye ne Ladiya koyi ! e ka ne ka jiginɛw falenw Lajɛ, kelen, fila, sàba, naani, duuru… Ee ! A bεε tε se ka Dan! A bεε falen dòn ɲɔkisε la. Mɔgɔ wεrε ta t'a ye dɛ! Ne kelennako halala dòn! A bε yan, a tε Ban! Ne dɔgɔmuso Nàna ko ɲɔ, N k'a ma ko 'fɛn tε yan fana, i m’a dɔn ko n Fεrεla a ma? A bɛ Fɔ nin de ma ko cɛfarinya, ka juguya kε mɔgɔ la kɔni. ɛɛ! n’i fana b’a fε ka juguya kε, i b'a sεbεkɔrɔ Kε i yεrε badenw na. N’o kεra, tɔw ta kεcogo tε i Kɔnɔgan. O de y'a To maakɔrɔbaw tùn b'a Fɔ ko ni maa min b’a fε ɲεnamaw ka Siran i ɲε, k' i bε tεgε Saba ʃu tlo 'kɔrɔ u ɲε na.
Kelennako Dònna a kajiginɛw tu la, a bε ka Yεlε.
Sɔɔni, cɛmancɛ diminin dɔ Cunna a kan sɔn. A kεra i n’a fɔ fεn dɔ bε k'a fari Sama-sama. O yɔrɔnin bεε, a y’a kɔlɔsi k'a ye a sen bε ka bulu Bɔ. A ma se k'o dimi muɲu minkɛ, a kulela dew!
Klokan Bɔra tuma min na, a ka sokɔnɔmɔgɔw Bòlila ka na. Nka u bɛ Se tuma min, u y'a Sɔrɔ Kelennako Yεlεmana ka kε sa belebeleba dɔ ye, nk'a kunkolo ma Yεlεma fyew.
O kɛlen, A y'i kanto a ka denbaya ma:
-A' ye n Tà ka Blà n ka cεso 'kɔnɔ. Aw ka n'a To n fadenw k’a Dɔn ko n laban Kɛra nin ye. Ee! Mun ye nin Se ne ma? aw si ka na Sɔn juguya ma, foyi ma nin Lase ne ma n'o tɛ.
An yɔrɔ min an y'a Blà ye.
Blàdon : 2017-03-15 Yɛlɛmako laban : 2024-09-13
