Ziirinda > 2016 05 18
Koyan ni Bwatu
Nin Kɛra npogotiginin dɔ ye n'o tɔgɔ tùn ye Koyan ye. Cὲ dɔ tùn Лɛbɔr'a fɛ furu la. O tɔgɔ tùn ye Bwatu ye. Nka Koyan ma Sɔ̀n Bwatu ka furu ma fyew, k'a sɔrɔ bwatuko tùn bɛ Koyan somɔgɔw sɛbɛ ma. Koyan somɔgɔw ye ko sugu bɛɛ Kɛ walasa a bɛ Sɔ̀n Bwatu la, nka a ma Sɔn. Bwatu goyako jugu Koyan ye, a ye lahidu Tà a somɔgɔw ni Bwatu fla bɛɛ ye ko n'ale ye Bwatu tɔgɔ Bɔ a 'da don o don k'a bɛ Sɔ̀n a ka furu ma o don.
O Kɛlen sa, don dɔ, Bwatu Taar'a Лini Koyan 'fà n'a ba fɛ k'a b'a fԑ a ni Koyan ka T'u sènnayaala. Olu ye Koyan Weele k'o kuma Fɔ a ye. A ma Bàn o kɔni ma . O kɛlen, wuladanin dɔ fɛ Bwatu ni Koyan Bɔra. Bajiba dɔ tùn b'u da fɛ, Bwatu y'i Лɛsin ni Koyan ye yen. U selen, Bwatu ye Koyan bolo Minɛ ni k’i Kanto a ma:
- Koyan, i tɛ dɔnkilinin dɔ Da ne Bwatu la?
A bɛ k'o Fɔ nka Koyan bolo b'a 'bolo a bɛ k'o Sama ka Dòn bajiba in na. Koyan fana y'i Kanto:
Un un un un un
N bolo Blà un un
Un un un un un
N k'i ka n bolo Bilà un un
Un un un un unn
N bolo Blà un un
Un un un un un
O Kɛlen, Bwatu y'i Kanto a ma ko un-un tɛ 'mɔ̀gɔ ‘tɔgɔ ye. A Taara n'a ye ji 'kɔnɔ fo ka ji Se u barakɔrɔlaw la. A y'i Kanto tun ko:
- Koyan, i tɛ dɔnkili Da n ye?
O kɛlen Koyan y'i Kanto tun ko:
Un un un un un
N bolo Blà un un
Un un un un un
N k'i ka n bolo Blà un un
Un un un un un
Tɔgɔfɔ tɛ fanga dɛ un un
N bolo Blà un un
Un un un un un
N bolo Blà un un
Aa, o kɛlen, Bwatu y'a Ye ko Koyan t'a fɛ k'ale tɔgɔ Fɔ minkɛ, a y'a bolo Sama ka Taa n'a ye fo ji dùn na tun. U Taara fo ka ji Kԑ k'u Minɛ u kankɔrɔlaw la tuma min, Bwatu y'i Kanto:
- Koyan, kow Sera u dan na bì. Ne Bwatu ka Sa n b'o fɛ ka Sago n baloli kan n'i tɛ n ka furu la. O tuma na i tɛ dɔnkili Da n ye?
O kɛlen a ko tun
Un un un un unn
N bolo Blà un un
Aa! a ye dɔnkili kùntigɛ ni un un un un un ye yɔrɔ min, Bwatu y'a Sama ka Taa 'kɔnɔ tugun. Aa! o min Kɛra sa, a y'a Fàamu ko Bwatu tɛ tlon na, a ko
N bolo Blà
N bolo Blà Bwatu
N bolo Blà
N bolo Blà Bwatu
Un un un un un, Bwatuu
I kana n Faga i fɛ Bwatu
Un un un un un Bwatuu
N k'i k'a Kɛ Ala ye Bwatu
N bolo Blà Bwatu
O kɛlen Bwatu y'a Tà ka D'a kɔ la ni ka Bɔ n'a ye dangada la. U Taara 'so minkɛ, Koyan yɛrɛ Dònna a kow ɲɛ na k'a bɛɛ F'a 'fà n'a 'ba ye. K'ale tùn ye lahidu min Tà k'a ma Se k'a Tiimɛ. A y'i Kanto fà ni ba ma o la k'a bɛ Bwatu ka furu la.
N y'oTà yɔrɔ min, n y'a Blà yen.
Blàdon : 2016-05-19 Yɛlɛmako laban : 2016-07-07
