Furu duman gundo

FURU DUMAN GUNDO

Nin ɲɛfɔli ninnu Tɔmɔna ka Bɔ gafe 'kɔnɔ, min Dlanna Amerikaka dɔ n'a muso fɛ n'olu ye BRUS BRITƐNN ani KAROL ye. A gafe in 'kɔnɔkow bɛɛ bɛ Bòli cɛ ni muso cɛlakow kan furuso ''kɔnɔ. A gafe in tɔgɔ Dara ko FURU NI KAFOЛƆGƆNYA GUNDOW (MARIAGE & ACTES D'AMOUR). Лɛfɔli ninnu Tɔmɔna Musa Danbɛlɛ fɛ k'a Lajԑsɛ aw ye fogo kan yaasa aw fana bɛ se k'aw ka tà ta Sɔrɔ, ka a' n'anw furuɲɔgɔnw cɛlabɛn, ni k'aw ka furuɲɔgɔnya dyabɔ.

Dabɔ: Nin ye Muso dɔ ka ɲɛfɔli ni ɲininkaliw ye ka ɲɛ Sin Brunce ni Carol ma, kà Da gɛlɛya min bɛ a n'a cɛ cɛla.

A ko: Ne bɛ n cɛ fɛ, sabu mɔgɔ ɲuman don, nka tuma kelen-kelenninw na n bɛ to kà Dimi a kɔrɔ. N'a mago Sera n ma dlan na a bɛ n Pòro kà n Munumɛnɛ dɔɔni dɔrɔn, nka a ka Teli o kɛli fɛ kojugu yani n nege ka Wuli a b'a wulu Don n fɛ, ka dɔɔni dɔrɔn kɛ a ka làwaji bɛ Nà. N'o Kɛra a b'i foosi kà Bɔ ni ka t'i Da kà sunɔgɔ ne ɲɛ jolen bɛ To, fo kà se waati kelen ɲɔgɔn ma n nisɔn goyalen.

O y'a To n bɛ to kà Bàn a ka kàfoɲɔgɔnya ma tuma caman na. O kɛlen sisan, a bɛ to k'a Fɔ n ma, ko n man di, ko n tɛ musoya la. Ne dun y'a ye aw ka FURU NI KAFOЛƆGƆNYA GUNDOW gafe in 'kɔnɔ ko cɛ ni muso fla bɛɛ ka kan kà ɲɔgon nege Da tuma bɛɛ kàfoɲɔgɔnya la. anw dun bɛ se kà mun de kɛ walasa an fla bɛɛ bɛ se kà nisɔndya Sɔrɔ dlan kan cogo min na?

Brus ni Karol ka jaabi Flɛ

Cɛ ni muso hali n'aw ko ka Di ɲɔgɔn ye aw ka kan kà faamuya ɲanama ɲini dlanko fɛɛrɛw kan. O fɛɛrɛ ninnu bɛ t'u Jɔ fo fɛɛrɛ dakun duuru la.

1- Dlanko làbɛnw,
2- Dlan-nɔfɛ-tlonkɛninw,
3- Kafoɲɔgɔnya (wulu dònni muso fɛ)
4- nege wulili
5- Lafiya làwaji nàli kɔ fɛ

U kelen kelen walawalali

1- Dlanko làbɛnw

Walasa kàfoɲɔgɔnya ka Dya a ɲɛ bi naani ma, cɛ ni muso bɛɛ ka sewa, fo aw ka a Labɛn de. Nka o labɛn ninnu tɛ Kɛ dlan kan aw dalen dɛ, u bɛ Kɛ k'a Sɔrɔ aw datuma ma Se fɔlɔ. Cɛ ni muso fla bɛɛ ka kan k'u Labɛn kàfoɲɔgɔnya duman kɛli kama ni waleya dɔw ye kabini a tuma ma Se. O waleyaw Flɛ.

1-1-Hàkɛtoɲini ni yàfa-ɲɔgɔma.

Ala yɛrɛ Ko ko ni mɔgɔ fla Dimina ɲɔgɔn kɔrɔ ka tle kuuru Kɛ aw ma Yàfa ɲɔgɔ ma, ko o ye jurumuko ye. O la cɛ ni muso n'aw ka kumaw Bɔra ɲɔgɔn kɔrɔ, aw ka kan k'o Fɔ k'a Ban ni kà tla kà Yàfa ɲɔgɔn ma yani aw ka dlan waati cɛ. Misali la, ni cɛ n'a muso Kὲlɛla tle 'kɔnɔ ni kà Teliya k'o kὲlɛ in Ban k'a Sɔrɔ ʃu ma Ko, o ʃu, u bɛ t'u Da u bɛnnen, wa bɛɛ nisɔndyalen. Nka minnu Taar'u Da ni kὲlɛ ye, a bɛ k'u cɛ furukufuruku ye. O la, hali n'aw ko k’aw bɛ Se ɲɔgɔn ma o tɛ se ka Kɛ ni nisɔndyaba ye cogosi la, bari aw dusukunw furukufurukulen bɛ To ɲɔgɔn kɔrɔ ten.

1-2-Yekoɲuman (masiri).

Muso dɔw bɛ yen, min ka Di u ye, o ye de tuma bɛɛ u cɛw ka to k'u Pari. Furuɲɔgɔnma fla bɛɛ ka kan k'a Kɛ cogo bɛɛ la ka to k'aw Pari ɲɔgɔn ɲɛ kɔrɔ. N'o Kɛra hali ni aw dɔlakelen ye mɔgɔ wɛrɛ pariko-ɲumannin ye kɛnɛ ma o kànu tɛ se kà Girin kà Don i dusukun na ten.

1-3-Soda tuguli.

Muso tɛ Se kà nisɔndya Sɔrɔ kafoɲɔgɔnya la cogosi la k'a to a hakili la ko mɔgɔ wɛrɛ bɛ Se ka Don aw kan. O ɲuman ye min ye i bɛ da de tugu ni k'a Sɔgɔ, ni sɔgɔlan t'i ka da la, dɔ ɲini ka K'a la.

1-4-Finiw bɔli.

Cɛ ni muso ma Kan ka maloya ɲɔgɔn julankolon ma so 'kɔnɔ. A ka di cɛ caman ye u yɛrɛ k'u muso ka fìniw Bɔ a la a munumɛnɛnni sen fɛ, o de fana ka di muso caman fana ye. kàfoɲɔgɔnya 'kɔnɔ fìni bɔtuma ye waati dumanba ye wa negew fana wulituma don yani kà Se wulu donni ma.

2- Dlan-nɔfɛ-tlonkɛninw

Walasa kàfoɲɔgɔnya ka dya ntamatama cɛ ni muso fla bɛɛ bolo, fo aw negew de ka Wuli kosɛbɛ ka Sɔrɔ aw ma Se ɲɔgɔn ma fɔlɔ. O de la aw ka kan kà waati jan Ta kà ɲɔgɔn Munumɛnɛ kosɛbɛ, o tlonkɛnin ninnu de b'aw lafa kaw negelaw sankɔrɔ Ta kosɛbɛ yani ka Se jùkɛli yɛrɛ ma. Muso ni cɛ bɛ se kà ɲɔgɔn nege Wuli ni maga-magaliw, munumɛnɛninw dadon-ɲɔgɔndaw ani ɲɔgɔn-nԑtaw ye. Aw bɛ waati min Kɛ o la, o de ye ko in yɛrɛ dumanmayɔrɔ ye. O de la muso min ye ɲininkali Kɛ a n'a cɛ cɛ gɛlɛya la ye a sɔrɔnin kɔri : A k’a cɛ t’ale Munumɛnɛ kà Se ale negela wulili ma, nin fyɛn bɛ cɛ caman na. N'u mago Sera muso ma u b'u Teliya k'a Kɛ ka Sɔrɔ u ma Tɛmɛ munumɛnɛni ni tlonkɛninw ʃi fɛ. N'o Kɛra muso in tɛ dya foyi ʃi Sɔrɔ o kàfoɲɔgɔnya in na, wa e min fana ye cɛ ye a b’i kùnmasuuli k'a Fɔ k'i ma Se k'i muso Lasewa.

Cyɛn wulibali fla Flɛ i 'bolo ka Лɛsin cɛ ni muso fari fànw ma.

1- Nege-wuliyɔrɔw.

Cɛ nege-wuliyɔrɔw dɔnni man gɛlɛ. Bɛɛ b'a dɔn ko cɛ nege-wuliyɔrɔ ɲuman ye a wulukala ye, ni muso min y'o Minɛ k'o Munumɛnɛ koɲuman o bɛ cɛ Blà a negela dan bɛɛ la.

Nka min ye muso ta ye, o dɔnni ka gɛlɛ dɔɔni. Sabu ale nege-wuliyɔrɔ tɛ a musoya yɛrɛ ye, nka kùnnin dɔ de bɛ musoya in 'kɔnɔ o de ye muso nege-wuliyɔrɔ ye. A kùnnin in bɔlen don musoya in kɛnɛmana na dɔɔni ni cm 4 ɲɔgɔn ye.

Cɛ caman hakili la ko kà bologɔnin Don muso fɛ ko o de ye muso nege wulili fɛɛrɛ ɲuman ye. K'a sɔrɔ a fɛɛrɛ ɲuman ye ka musoya kɛnɛmana in de Munumɛnɛ an'o kùnnin sama-samani ye.

2- Teliya.

Tyɛn ye min ye, o de k'a Fɔ ko cɛ negela ka teli ni muso ta ye. A dan ye dɔrɔn muso k'a cɛ cɛya Minɛ k'a Munumɛnɛ dɔɔni dɔrɔn a bԑ Wuli fo ka Se a dan na, wa o y'a labɛnnen ye kàfoɲɔgɔnya kama. Nka muso ta, fo i ka waati dɔɔni Ta, i n'a Fɔ sanga tan walima sanga mugan ɲɔgɔn k'a Poro, ni k'a Munumɛnɛn kosɛbɛ f'i k'a Dɔn ko a nege Wulila. Nka nin teliya in danfara ma Kan kà Kɛ baasi ye. Bari cɛ k'i jija i yɛrɛ kan k'i sumaya ka bɛn ni muso nege wulituma ye. Ni cɛ min bɛ i muso fɛ i ka kan kà to k’o de Kɛ. Nka cɛ caman ma o yɔrɔnin in Faamu, u b'a Kɛ dɔrɔn ni olu yɛrɛ negela wulila ka ban u b'u Kɛ muso kan ten k'a haraba-haraba, o dun bɛ muso tɔɔrɔ.

2-1-Dlan-nɔfɛ-tlonkɛninw yɛrɛ kɛcogow Flɛ:

Dlan-nɔfɛ-tlonkɛninw na cɛ k'a da Minɛ ka muso Munumɛnɛ k'a Ta a sinsanfɛla la ka Jigin dugumana na. Nka a ka na Kɛ ni teliya ye. Bari cɛ dɔw b'u kɔrɔtɔ k'u ka munumɛnɛni da Minɛ worofurancɛ la, ka Лinɛ disiyanfan in kɔ. Cɛ duman ʃi tɛ kɔrɔtɔ muso tlonkɛli la, o b'i sumaya ka bɛn ni muso ka negela wulili ye. A b'a muso Poro ni k'a Munumɛnɛ, a b'i da Don a da k'a nɛ Ta k'i da bari-bari a kan kɔrɔlaw la ani k'a sinbara fla Minɛ ka to k'o yɛlɛma-yɛlɛma,k'a Don i da 'kɔnɔ k'a Sama-sama. Nka walasa muso ka nege ka teliya ka Nà, a bɛ Se ka cɛ Dɛmɛ k'a Fɔ a ye a fari fan jumɛ munumɛnɛni bɛ a lanege joona. Bari Muso dɔw bԑ yen sinbara-minɛ ma di u ye, bari a b'u dimi, w’a ka jugu u ma kalolabɔ waatiw de la. o la muso ka kan kà a Fɔ a cɛ ye: Maga n na yan, kana Maga n na yan.

Ni cɛ ye muso Munumɛnɛni da Minɛ disiyanfan fɛ, waati bɛ na Se muso yɛrɛ b'a Laɲini cɛ fɛ k'a ka a bolo saalo ka Jigin dugumana na fana na, n'o Kɛra cɛ ka kan k'a dɔ ko muso in nege Wulila dɔɔni, o la i b'i bolo Munumɛnɛ ka Jigin a worofurancɛ la, byɛkùnni min n'an y'a ko fɔ i bɛ sɔrɔ k'o Minɛ k'o Latlonkɛ. Nka ka na Лinɛ, muso in dacogo ɲuman o waati in na o ye k'a Da a kɔ kan ni k'a kunmerekuruw kɔrɔ Ta. i yɛrɛ b'i Da a kinifɛyanfan na ni k'i nunmanfɛbolo Da a kungolo la, ka to ka kinibolo kɛ ka a worofurancɛ fàn bɛɛ Munumɛnɛ. N'o Kɛra i b'a jate Minɛ, ni muso in yɛrɛ ye bolo Da a fari yɔrɔ min na, o kɔrɔ ye b'a Jira ko a bɛ fɛ i k'i bolo maanabɔ k'o yɔrɔ fana Munumɛnɛ. O waati kelen in na muso fana ka kan k'i bolo maga-maga cɛ cɛya la fana ni k'o Munumɛnɛ walasa cɛ fana nege tɔ ka Yɛlɛn. Walasa i k'a dɔn ko muso in nege Wulila ka Se a dan bɛɛ la, ji dɔ bɛ na to ka Bɔ muso in fԑ, n'i ye o ye o kɔrɔ ye ko a negelaw Nana. Nka muso dɔw bɛ yen olu tɛ jibɛrɛ Bɔ, n'i y'a dɔ k'i muso bɛ o cogo la, i bɛ tulu dɔ mùn i bologɔni na k'o Don a musoya 'kɔnɔ ni k'a Munumɛnɛ, nka o Munumɛnɛni fana ye suguya fla ye: k'a sumaya walima k'a teliya, ni fla n'i y’a da Minɛ muso bɛ na a Fɔ i ye min ka di a ye. Nka dɔw fana tɛ bologɔni dònni fɛ, olu muso suguyaw musoya-dawoloni ni byɛkùnnin munumɛnɛni dɔrɔn bɛ olu ta Bɔ.

Min fana nàfa ka bon kàfoɲɔgɔnya la o de ye kuma ye, aw ni ɲɔgɔn cɛ. Ni muso Sera ka to k'a Fɔ a cɛ ye yɔrɔ minnu munumɛnɛnni ka d'a ye o de ka ɲi kosɛbɛ. Misali la: tlonkɛninw senfɛ ni cɛ nege Wulila ka Se 'sɔrɔ la a b'a Fɔ k'a bɛ Bɔn, o la a ka kan k'a Fɔ muso ye k'a ka munumɛnɛni Jɔ dɔɔni. Walasa a kana Bɔn k'a Sɔrɔ kàfoɲɔgɔnya yɛrɛ ma da Minɛ fɔlɔ.

Aw ka n'aw makun ɲɔgɔn na cogosi la. Aw kelen-kelen bɛɛ ka kan k'a Fɔ ɲɔgɔn ye min ka d’i ye walima min man d’i ye o waati.

Taa ni tlonkɛninw ye halisa fo muso in ka 'negela a ɲɛ bi naani ma.

N'i Taara o cogo la n'a ye ten, a ɲɔn bɛ na Minɛ k'a Teliya ni k'a fari Kalaya dɔɔni ani a musoya-dawoloninw bɛ Minɛ ka funun dɔɔni o waati. i ka na salaya nin tlonkɛnin ninnu na fo i k'a dɔn tuma min na ko muso nege Wulila ka Se a dan na.

3- Kafoɲɔgɔnya (wulu dònni muso fɛ).

kun min na cɛ ni muso ka kan kà waati jan Ta tlonkɛninw na, o de ye kà muso negela Wuli kosɛbɛ yani kà Se wulu dònni ma. Ni muso y' a ka negelaw Sɔrɔ ka Se a dan na a fari bɛ Foni kosɛbɛ. Negela in sɔrɔli bɛ da Minɛ byɛkùnin in de la, ni ka sɔrɔ ka Cari a fari fàn tɔ bɛɛ la. Cɛ fana negela mana Wuli ka Se a dan na a b’a dya Ta fo ka Se saga tan ɲɔgɔn na, nka o waati in na jijɛman bɛ se ka Bɔ ale la fo ka Se (cuillԑre) ɲɛ kelen ɲɔgɔn ma. Nka cɛ ka ‘negeda a ɲɛ bi naani ma, o ye a ka lawaji nali ye. Ni lawajiw Nàna kà bàn min ka di cɛ ye, o de ye ka to yɔrɔ kelen hali a tɛ Lamaga yɔrɔ min na fo ka taa Se waati wԑrԑ ma. Tuma caman na i b'a Sɔrɔ cɛ ka lawaji ka Teli nàli fɛ, nka muso ta o ye de fo ni tlonkɛninw kutaala janyanna yani ka Se wulu dònni ma. O de la cɛ bɛɛ ka kan kà tlonkɛnin ninnu kɛ i taabolo ye, i ma waati jan kɛ tlonkɛninw na, o ficiinin ka kɛ saga mugan ye yani i ka Se a ma.

3-1-Wulu bɛ Dòn cogo di

A ka ca a la, ni muso Tlonkɛra ka Se hakɛ dɔ la, a yɛrɛ b'a Fɔ cɛ ye ko k’a Don, nka n'a ma Se k'o Fɔ i b'a Lajɛ k'a byɛdawoloninw Munumɛnɛ n'i y'a Sɔrɔ olu fununnen dòn, o kɔrɔ ye k’i bɛ se k'a Dòn hali n'a ma fɛn Fɔ. N'i ye ninnu bɛɛ ɲɛ Sɔrɔ tuma min i bɛ Sɔrɔ k'i Da a kan, nka i kana i fanga bɛɛ Digi a kan. I b'i sinsin a woroyanfan na ni k'i bolo Don a kamakɔrɔlaw kɔrɔ kana a Minɛ a kùngolo ma. A ca a la fana muso yɛrɛ bԑ cԑ cԑya Minɛ k'a tlen. Kana Grin a dònni na, i bɛ Taa n'a ye dɔɔni dɔɔni fo ka taa Fɔ ko a Sera a dan na.

3-2-Sagan kelen ɲɔgɔn jɔli.

Cԑya dònni kɔ fɛ, ni cɛ m'i kɛcogo Dɔn a bɛ Bɔn ka Sɔrɔ a ma dòn-ka-bɔ da Minɛ, n'o Kɛra muso negedabali bɛ To. O la walasa k'o Bàli, o fura ɲuman ye k'i Jɔ dɔɔni ni sagannin kelen ɲɔgɔn ye (une minute), ni k'i sengɔninw kuru cԑya donni kɔ fɛ. ka Sɔrɔ ka don-ka-bɔ da Minɛ walasa ka nege Lasegin kɔ dɔɔni. O jɔjɔli ninnu bɛ muso Dɛmɛ negedali la ka kɛɲɛ n'a cɛ ye.

4- negelaw wulili (l'orgasme).

Kàfoɲɔgɔnya bɛ se ka kun cɛ cogosuguya saba la. Muso negela ka Da cɛ ɲɛ, walima cɛ negela ka da muso ɲɛ, walima u fla bɛɛ nege ka jɛ kà Da ɲɔgɔn fɛ.

U kelen kelen flɛ.

Muso ka negela dali cɛ ɲɛ: Muso nege dali cɛ ɲɛ o ye kodumanba de ye, o la cɛ yɛrɛ bɛ se k'a Ta a muso ɲɛ kan ko a nisɔndyara; o la cɛ fana ka Tɛmɛ ni don-ka-bɔ ye, fo ka se lawaji nali ma, o taa-ni-ka-segin ninnu tɛ foyi Kɛ muso in na, u tɛ dimi Lase a ma, u tɛ foyi-foyi kɛ, olu yɛrɛ ka di a ye.

Cɛ ni muso negelaw dali ɲɔgɔn fɛ: Nin fana ye kàfoɲɔgɔnya la ko duman dɔ ye, min kafisa hali ni fɔlɔ yɛrɛ ye.

Cɛ ka negela dali muso ɲɛ: Ni cɛ Bɔnna muso ɲɛ ka Sɔrɔ muso in nege ma Da, nisɔndya foyi tɛ o la. Bari ni cɛ Bɔnna ka ban a cɛya bɛ Jigin. O la cɛ tɛ se kà foyi wɛrɛ Kɛ. Walasa a ka se ka dɔ wɛrɛ Kɛ fo a ka Wuli kura ye o dun bɛ Taa fo waati jan na. Yani kà Se o ma, a b’a Sɔrɔ muso nege Dara. Muso negela dun n'a Dara a Wuli man di, a dɔw yɛrɛ bɛ ye u negela tɛ Wuli ble joona. Nka a mana Kɛ cogo o cogo fɛɛrɛ dɔ bɛ Sɔrɔ k'a Lawuli kura ye ni nin y'i Sɔrɔ. O de ye n'i Bɔnna i kana i wulu Sama ka Bɔ, i b'a To muso in 'kɔnɔ yen, ni k'i bolo maanabɔ ka Da a byɛsanfɛla la k'a Munumɛnɛ ka Jigin dugumana byɛbarayanfan na, o bɛ Se ka Nà n'a ye joona. Nka o fana na fo aw ka kumaɲɔgɔnya Don aw ni ɲɔgɔn cɛ. Ni cɛ nege Dara a muso ɲɛ muso bɛ se k'a F'a ye ko: N Munumɛnɛ, walima an ka bì ta To ten. Min kɔni jɛlen dòn ni muso nege ma Da a b'a Tɔɔrɔ kojugu.

4-1-Nin ye taabolo duuru ye cɛ ni muso ka kan ka minnu Лini k'a Dɔn.

Hakilijigin na: Muso min y'a n'a cɛ 'cɛ gɛlɛyaw Fɔ kuma daminɛ na, a ko: yani n nege ka Wuli n cɛ bɛ n Minɛ ka n Sɔgɔbɛ sɔgɔbɛ ni ka Wuli ka Tɛmɛ n kɔrɔ. O kɔrɔ ye ko olu ta in na ko cɛ de nege bɛ Da muso ɲɛ. Wa i ɲɛ bɛ o min na furuɲɔgɔn caman de bɛ nin cogo in na, o la taabolo duuru Flɛ bɛɛ bɛ Se k'a Kɛ walasa cɛ ni muso fla bɛɛ nege bɛ se ka jɛ ka Da ɲɔgɔn fɛ cogo min na walima muso ta bɛ Da cɛ ta ɲɛ cogo min na.

A fɔlɔ: a’ ye Kɛ ɲɔgɔn fɛ.

Kàfoɲɔgɔnya tɛ Se ka dya f'i ka taa a Sɔrɔ cɛ ni muso ko ka di ɲɔgɔn ye kosɛbɛ. O dyanɲɛ in tɛ fɛn wɛrɛ ye: Kà ko To ɲɔgɔn ta la ani ka ɲɔgɔn bonya. Nka o tɛ Kɛ dlan dɔrɔn kan o ye waati bɛɛ de ye. Ka Kɛ ɲɔgɔn fɛ, o ye ka ɲɔgɔn Dɛmɛ tle 'kɔnɔ baaraninw na kɛrɛnkɛrɛnnenya la cɛ. Aw ye barodumanninw Don aw ni ɲɔgɔn cɛ i n'a Fɔ a' n'a teriw b'a Kɛ cogo min na. Furuɲɔgɔnma fla minnu ma ni ʃi Kɛ tle 'kɔnɔ, ni ʃu Kòra hali n'aw Gɛrɛla ɲɔgɔn na ka ɲɔgɔn Munumɛnɛ aw tɛ dya foyi Sɔrɔ o la. Nka n'aw Sɔnna ka Tɛmɛna nin sira ninnu fɛ o munumɛnɛninw de ka di kojugu.

A Flanan: Aw kana kɔrɔtɔ wulu dònni na.

Aw ye waati jan Ta dlankan-tlonkɛninw kɛli la, aw ye munumɛni caman Kɛ ɲɔgɔn na, aw kana Sɔn ka kàfoɲɔgɔnya yɛrɛ da Minɛ k'a Sɔrɔ negelaw ma Wuli ka Se u dan na.

A Sabanan: Sagani kelen ɲɔgɔn jɔli.

I n'a fɔ an y'a Fɔ cogo min na fɔlɔ la, cɛ dɔw ka Teli bɔnni fɛ kojugu wulu dònni kɔ fɛ. Nka walasa k'o bàli i dònnen kɔ fɛ dɔɔni-dɔɔni fo ka Se i dan na, i b'i Jɔ dɔɔni sagani kelen ɲɔgɔn na, ka sɔrɔ ka taa-ka-seginw da Minɛ. O kɛkun ye walasa k'i negela Segin kɔ dɔɔni, o de bɛ se k’i kisi bɔjoona ma. Nka nin sagani kelen-jɔli in fana na, walasa muso in negela kana bin a ka to k'a cɛkisɛ lamaga lamaga, o b'ale Dɛmɛ k'a ka negelaw Mara cɛ ka saga kelen jɔli in 'kɔnɔ. Wa lamaga lamagali minnu flɛ o ye olu tɛ fɛn Kɛ a la, u tԑ cԑ fana Labɔ. Bari taa-ka-segin dɔrɔn de bɛ cɛ Bɔ joona, o la, muso in kana lamaga lamagali ninnu Kɛ taa-ni-ka-segin lamaga lamagaliw ye. Walima fana, a bɛ se ka a byɛpasa Kɛ ka cɛ wulu Dɛrɛ. O wuludɛrɛ n'o lamaga-lamagaliw bɛ muso de lanege nka u tɛ fɛn Kɛ cɛ la.

A naaninan: aw ye kumaninw Blà ɲɔgɔn na kàfoɲɔgɔnya waati.

Anw hadamadenw, an ka kow danfaralen dòn ka Bɔ ɲɔgɔn na, muso dɔw bɛ yen olu bɛ don-ka-bɔ telimanin de fɛ, caman fana bɛ yen olu b'a sumalennin de fɛ, dɔw fana bɛ yen ka wulu Don ka Se f'a dan na o de ka di u ye, wa dɔnw bɛ fɛ wulu dònni janya kana Tɛmɛ cm 10 kan. Nka nin bɛɛ la cɛ b'a Dɔn cogo di ko i muso bɛ min fɛ ninnu bɛɛ la? A fura ɲuman ye ɲɔgɔnkunnafoni de ye. Tumadɔ la a ka di cɛ ye ka muso Yɛlɛma cogo wɛrɛ la, sabu o de bɛ ale Lafya, nka a dɔw la o tɛ Kɛ muso hakilina ye, bari ale fana bɛ yɛlɛmacogo wɛrɛ fɛ laala min ni cɛ ta tɛ kelen ye; aw bɛ o Dɔn aw ni ɲɔgɔn cɛ cogo di? Aw ka kumaɲɔgɔnyaw Dòn aw ni ɲɔgɔn cɛ, ka to ka ɲɔgɔn kùnnafoni. Ni min t’o ɲɛ Dɔn a ɲɛ ɲini i k'a Dòn i taabolow la, n'o Kɛra i bɛ n'a Dɔn ko ɲɔgɔn-kunnafoni kàfoɲɔgɔnya waati, k'o de ka di n'a bɛɛ ye.

A duurunan: A' y'aw nisɔndya kàfoɲɔgɔnya waati.

Nin yɔrɔnin in bɛ musow de kan kosɛbɛ, dlannɔfɛ-tlonkɛninw ani kàfoɲɔgɔnya yɛrɛ waati muso man kan k'i miiri fɛn wɛrɛ la o waati. A ka kan k'i hakili To fɛnkelen min na o de k'a cɛ bɛ na Se a ma.

5- sɛgɛ lafyɛnbɔ lawaji nàli kɔ fɛ (la détente apres l'acte).

Cɛ ni muso kɛcogo tɛ kelen ye lawaji nàli kɔ fɛ.

Ni cɛ ka lawaji Nàna i b'a Sɔrɔ a Sɛgɛlen dòn; foyi ʃi nege tɛ k'a la ble, kuma nege tɛ k'a la, hali k'a muso Poro o ʃi nege tɛ k'a la. Min ka d'a ye o waati, o ye da-ka sunɔgɔ ye. Nka muso ta n'o cɛ ka jan ɲɔgɔn na kosɛbɛ. Bari ni muso nege Dara a cɛ k'a Poro ka waati Kɛ, o de ka d'a ye, ka Fara o kan, a ka to k'a Mɛn cɛ da ko: N b'i fɛ, i ko ka di n ye kojugu. n'o ma Kɛ a bɛ jɔn a yɛrɛ la.

Blàdon : 2015-11-27 Yɛlɛmako laban : 2016-07-08