Dɔnniya fòrobayali jὲmukan tàko 24nan
Sannadɔn: kɛnɛfɛtaa somaasama sɔ̀rɔlenw (yeko 3)
1. Somaasamaw bakuurubafɔli : minnu Лɛfɔra tàko tὲmɛnen na
- Kɛnɛyako yiriwali sababuw sɔ̀rɔli kɛnɛfɛtaa fɛ
2. Kuma Bɛ somaasama minnu ɲɛfɔli kan bì tàko la
2.1 Teleko ni nὲgɛjurusirako yiriwali sababuw sɔ̀rɔli kɛnɛfɛtaa fɛ
- Fananlasɔrɔsiraw Bangera kɛnɛfɛtaa ‘sababu la ;
- Telew jà minnu bɛ Flɛ an fɛ jàbaraninw na, olu cili n’u sawuli bɛ Bɔ bololamanton dlonnenw na minnu b’a la kà dùgukolo Lamini ;
- Bololamanton fɔlɔ-fɔlɔnin min Labὲnna ganseliw ‘kan ma, o Kɛra Telstar 1 ye Etazunikaw fɛ 1962 sàn na ;
- Telstar 1 Fìlila kà taa kɛnɛ ‘kɔnɔ dɔrɔn, o tlè danmadɔ ‘kɔnɔ, a ye cikanw ni jàw ganseli daminɛ fo an ye Kenedi ka làseli dɔ sènnamakɛtɔ Lajɛ jàbaraninw na ;
- Bì-bi in na, bololamanton 300 ni ‘kɔ jan b’a la kà dùgukolo Lamini telew jàw ni sènfɛjuruw kumakanw latɛmɛni na ;
- Telesoko Yiriwara fo kà Se teleso 50 000 ɲɔ̀gɔn ma kɛnɛkɔnɔfɛnw tnɔ̀ fɛ ;
2.2 Fogolanko yiriwali sababuw sɔ̀rɔli kɛnɛfɛtaa ‘sababu la
- Fogolanko (bɔ̀lɔlɔko) dàamu dali Nàna Dabɔ 1970 sàn waatiw la kɛnɛfɛtaa ‘sababu la ;
- Fogolan kùnfɔlɔw tɔgɔ tùn ye ko telekopi ani minitel minnu poyili Sɔ̀rɔla làtigɛdɔn yiriwali fɛ ani ganselimantonw bugunni fɛ ;
- Fogolanko tɔ̀ Jiidira ganselijuru dɔ ka kìsɛya fɛ min tɔgɔ ye ko yeelenfu ;
- Yeelenfu ‘sababu la, kùnnafoni kologirinw b’a la kà Ci mɔgɔw ni ɲɔgɔn ‘cɛ jyɛn ‘kɔnɔ, a jàlama Fàra a mànkanma kan ;
- O Nàna ni sènfɛjuruko wàrali ye ani màntonnatelesoko ;
3. Dodaɲɛ kura fɔlenw kùnɲɔgɔnw dili fransɛkan na
bololamanton = satellite artificiel
cili = émission
ganseli = communication / diffusion
ganselijuru = cable
ganselimanton = satellite de communication
kɛnɛfɛtaa = exploration spatiale
kɛnɛkɔnɔfɛn = engin spatial
làtigɛdɔn = informatique
màntonnatele = télévision par satellite
minitel = minitel
sawuli = reception
sènfɛjuru = cellulaire
sènnamakɛtɔ = en direct
somaasama/sugumɔ = retombée
telekopi = télécopie
yeelenfu = fibre optique
Sunkofɔlan
Gouvernement du canada, Retombées de l’exploration spatiale dans le quotidien, https://www.asc-csa.gc.ca/fra/a-propos/retombees-de-l-exploration-spatiale-au-quotidien/, (2023 10 21).
Microsoft Encarta Junior, 2009, l’homme dans l’espace.
Sciences pour tous, Ce que la conquête spatiale a apporté à notre quotidien, https://www.sciencespourtous.org/actu/ce-que-la-conquete-spatiale-a-apporte-a-notre-quotidien/ (2023 10 21).
Blàdon : 2023-12-23 Yɛlɛmako laban : 2023-12-23
