Kr Dukure : Denbaya
Mamadu Fuseni Dukure ye yɔrɔ flà Kɛ n'a ka denbaya ye Bamakɔ: a ka badalabugu-sigi an'a ka ʃɔkɔrɔjisigi.
A ye sàn 11 Kɛ Badalabugu Sema la sofuru la ka Se 1978 sàn ma. A Yɛlɛmana pew ʃɔkɔrɔji 1978 sàn.
Dukure ka denbayako la, a muso fɔlɔ Kɛra Mariyam Samakɛ ye. O Dir'a ma furu la k'a To bɔrdosigi la f'a n'o ye o sàn labanw Kɛ ɲɔgɔn fɛ yen. U ye den minnu Sɔrɔ ko Asitan ani Mariyam olu Bangera k'u To Faransi yen 1964 ani 1965 sàn na. O den tɔw ye: Cɛmɔkɔ, Fatumata, Awa, Umu. Muso in ni Dukure ka furu laban ma Se ka Taa ka ɲɔgɔnlabla Dàn. Furusa Dònn'u ni ɲɔgɔn 'cɛ 1978 sàn na. Dukure ye muso wɛrɛ min Tà o 'kɔ o tɔgɔ Kɛra ko Jaka Kaba. O tùn ye anglɛkan karamɔgɔ ye min ni IBK tùn ye 'kàlankɛ-ɲɔgɔnma ye. Den sàba Sɔrɔla o furu la: Sira, Dusu, Hɛndati. Kr Dukure ni o muso in fana ma Лὲ a la. A n'o ye ɲɔgɔn Lablà 1990 sàn na.
Mamadu Dukure Bɔra muso wɛrɛ min 'kɔ o la o Kɛra Fatumata Dukure ye, min bɛ Bɔ ʃɔkɔrɔji kɛrɛfɛkin dɔ la ko Janɛgɛla. A n'o ka den fɔlɔ Sɔrɔla 1985 sàn min tɔgɔ ye ko Sirandu. O muso o min bɛ Weele Payi la, o den flànan Kɛra cὲ ye 1987 sàn na min tɔgɔ Dara ko Mandela, Nɛlsɔnn Mandela ka baaraw kanu kosɔn Dukure fɛ. Den min Dara Mandela kan o ye Kadija ye min baŋena 2001 sàn na. ʃɛk Anta Dara o kan 2008 sàn na. Ale fana ye senegalikaw ka dànkelen tɔgɔma ye ko ʃɛk Anta Jɔp. O ka baaraw lakodɔnni taamaseere y'o tɔgɔ dali sababu ye Dukure fɛ a den in na.
Dukure ye muso wɛrɛ Ladon ka Fàra Payi kan ko Mariyam Samakɛ. A n'o ka furu Sìrira 1989 sàn na. O ye Mariyam wɛrɛ ye min ni a muso fɔlɔ-fɔlɔnin Kɛra tɔgɔmama ni jamukelenma ye.
Blàdon : 2016-06-29 Yɛlɛmako laban : 2017-01-08
