Ziirinda >
Fifì ni Antà
Nin Kɛra npogotiginin fla ye, terimaw tùn dòn. Filì ni Antà ka teriya tùn ka di w'a tùn Sinsinnen dòn kosɛbɛ, ʃu tùn t'u Fara tle kɛrɛbɛtɛ. U tùn bɛ fɛn bɛɛ Kɛ ɲɔgɔn fɛ. Don dɔ, u Taara kungo 'kɔnɔ lɔgɔɲini na. U ye lɔgɔ Tigɛ fo ka Sɛgɛ. O kɛlen, u Taar'u Sìgi jiriba dɔ suma 'kɔrɔ. U Tora baro la ka To baro la, Antà Sinna ka n'i Makun sɔn. Filì y'a Лininka k'a dun y'a da Bɔ baro la munna? A Sɔrɔla k'a Fɔ o la k'ale bɛ ka Jɔrɔ fɛn fla de la. Ɔ, Filì K'a ma k'a k'u F'ale ye tan. A Sɔrɔla k'i kant'o la k'ale bɛ ka Hami, w'a bɛ ka Jɔrɔ 'don na ani 'fɛn na min bɛ na olu ka nin teriya duman in Fara. Ɔ, Antà kɛlen k'o Fɔ, Filì fana y'i kanto ko cyɛn dòn, k'ale fana bɛ to ka Hami o la tuma caman na. Ko nkà fɛɛrɛ min b'ale 'bolo k'o de ye n'u kɔɲɔdon Sera k'u ka na Sɔn ka Taa u cɛla la. Ɔ, Anta fana Sɔnn'o ma. 'Bɛn kɛlen o kan, U y'u ka lɔgɔsiriw Tà ka Taa 'so. Ɔ, o Kɛ, a ma Tɛmɛ kalo kelen kan Anta cɛlɛkaw Nàna a Лini a fàw fɛ k'u bɛ fɛ k'a kɔɲɔbɔ. Antà fàw ye Antà ka kɔɲɔ Dɔgɔda. U Tora ten fo don kofɔlen tɔ Nàna To tle kelen ye minkɛ, teriya gasi kamà, Antà Siranna lahidu tyɛn ɲɛ, a Bòlila ka T'i Dogo kungo 'kɔnɔ tu fin dɔ la. U y'a Лini ka Dɛsɛ. Antà dalen Tora o tu in 'kɔnɔ fo ka na Sunɔgɔ. Ɔ, safɔfɔnin dɔ fana dumuni-ɲinibaatɔ Nàna B'a dalen kan yen, k'i fòofo ka Yɛlɛn a kan. Anta kɛlen k'a tɛgɛ Kɛ k'a Pàro jaa fɔnfɔnin tɛ Sɔn o ma. A Fununna ka Da Antà dalen kan k'a Kin. Anta Girinna ka Wuli a ma Taayɔrɔ Ye Ala ni dibikuru sababu la. Sa jugu in y'a Kin fo k'a Dɛsɛ a Лɛnaminina ka Bìn. Aa, sakinda in ma se ka kun a fɛ. Antà Sara tu kɔnɔ ye. O y'a Sɔrɔ Antà somɔgɔw y'a Лini fàn bɛɛ, u m'a Ye fo ka kɔɲɔdon Tɛmɛ, ka na o kunɲɔgɔn Tɛmɛ Antà ma Ye. Aa! a Kɛra kɔnɔnafliko ye. Ɔ, misigɛnna-denmisɛnninw de Tor'o la ka Taa Bɔ Antà ʃu kan tu 'kɔnɔ ye. Olu Bòlila ka n'a Fɔ 'so. Aa! a ko Yɛlɛmana ka Kɛ ɲɛji ye. U Taara Antà Sutura a ka dayɔrɔlaban na. Ɔ, o tɛmɛnen ma kalo sàba Bɔ, Filì fana cɛlakaw Nàna k'u bɛ n'a kɔɲɔbɔ. U ye kɔɲɔdon Dɔgɔda. A don Nàna ka Nà ka Nà... fo ka na Se. U Nàna Filì Lasigi k'a Labɛn kɔɲɔmuso masiriw la. Aa! a Kɛra muso ɲumanko dàn ye. Ɔ, ʃu kolen cɛlakaw Nàna. Filì fàw n'a baw ye dugaw K'a ye. U ye Sira Minɛ u bɛ Taa, muso misɛnninw bɛ ka gita Fɔ, dɔnkili dumanninw bɛ ka Da dɔn bɛ ka Kɛ. U Taara Se yɔrɔ dɔ la, dubannin dɔ Sinna ka T'i Sìgi jalasunba dɔ kan u ɲɛ fɛ ka dɔnkilida da Minɛ. Dɔnkili in na, a tùn bɛ min Fɔ a' y'o Lamɛn. A ko:
Un unn teri un unn
Un unn teri un unn
E yɛrɛ tùn m'a Fɔ wa? un unn
Un unn teri un unn
K'an ka na Taa cɛla la wa? un unn
Un unn teri un unn
Ne ka cɛlakaw nàlen un unn
Ne de Dogola o la o un unn
Fɔnfɔnnin Nàna n Kin yen un unn
Un unn teri un unn
O Kɛra n sata n teri un unn
Un unn teri un unn
Nkà e ka cɛlakaw nàlen un unn
I ye n janfa n teri un unn
Ala ka furu ni ʃi Bɛn n teri un unn
Un unn teri un unn
Ala ka denkɛw D'i ma un unn
Un unn teri un unn
Ala ka demusow D'i ma un unn
Un unn teri un unn
Ne ta Kɛra bɔnɛ ye n teri un unn
Un unn teri un unn
Un unn teri un unn.
Jaa an bɛ ni bɛɛ la, màa wɛrɛ tùn tɛ dɔnkili in Mɛn n'a Bɔra Filì la. A kɛlen ka dubannin ka dɔnkili in Mɛn a Hakili Jiginna a terimuso Antà la. A y'a Dɔn ko nin y'ale terimuso de kɛlen ye dubannin ye ka N'ale ma. Aa, o kɛlen filì ma laafya blen. U mana Taa yɔrɔ o 'yɔrɔ dubannin b'a 'kɔ. kɔɲɔ nana Tɛmɛ, O bɛɛ la dubanni ma Bɔ a 'kɔ. ka n'a tɔ Kɛ Antà yɛrɛ bɛ N'i Jɔ Filì ɲɛ 'kɔrɔ ka dɔnkili kelen in Da, nkà mɔgɔ t'a Ye n'a Bɔra Filì yɛrɛ la. Aa! Filì Nàna Minɛ k'a fasa i n'a fɔ a deli ka dumuni Kɛ. Nkà o bɛɛ la Antà ma Far'a la. Ɔ, an bɛ Sɔnmi ko la tuma min, fà Dònna Filì la, a ye fìni Blà pew don dɔ tlegan deredère fɛ.
An y'o Tà yɔrɔ min, an y'o Blà ye.
Blàdon : 2016-06-19 Yɛlɛmako laban : 2017-07-10
