Ziirinda > 2016 05 19
Warablen ni hadamaden ka bɔɲɔgɔnya
Don dɔ de Kɛra, warablen Taar'i Jɔ Maŋala ma k'ale b'a fɛ kà Yɛlɛma kà Kɛ mɔgɔninfin ye. Maŋala Ko a ma k'ale Sɔ̀nna ko nkà yala a bɛ Se kà To so datugulen 'kɔnɔ ka tle kɛmɛ Kɛ wa?
Warablen ye Maŋala Jaabi k'ale bɛ Se k'o Kɛ faasi, ko walayi k'ale bɛ Se. Maŋala ko o tuma na k'o tɛ baasi ye.
O Kɛlen sa, Maŋala fana ma fla Kɛ dɛ, a Sinna kà warablen Minɛ k'a Datugu so 'kɔnɔ i n'a fɔ u Bɛnn'a kan cogo min na. Warablen Tora so 'kɔnɔ fo tle tan o cogo la. Kalo kelen, kalo sàba fo kà Taa Se tle bi kɔnɔntɔn ni kɔnɔntɔn ʃu ma tèn. Warablen Nàn'i kùn Da so in fɔlɔwo dɔ la o ʃu kelen i na. A ye jyɛn dumunifɛn duman bɛɛ dɔ Ye kɛnɛ ma: mangorow, namasaw, fiɲɛ duman, kabanɔgɔw tigɛ-tigɛcogo ɲuman, yeelen bɛ fàn bɛɛ, fiɲɛ duman nɛɛmanin bɛ fàn bɛɛ. Patisankana, warablen ɲɛ Da olu kan, fà Karila a la. A Ko:
- Ee maŋala, aa, o tuma na ne totɔ tɛ yan dɛ!
O fɔ a fɛ o n'a kà da Kari kà Bɔ o ʃi ma Kɔrɔya ʃi ye. A bɔlen a y'i Kɛ jiriw kan kà jiridenw Kari-kari, a b'i Pan fiɲɛ duman nɛɛmanin na. O daamu datɔ a y'a Kanto::
- I m'a Dɔn ko jyɛn ka Di, bɛɛ b'i Dya yan. Ɔɔ, ko ne da tugulen ka To so 'kɔnɔ, n sɛbɛkɔrɔ tɛ!
O kɛlen sa, maŋala fana ye warablen Blà cɛ ma. A ma Kɛ mɔgɔninfin ye blen wa a ma Kɛ 'kungokɔnɔfɛn tɔw ye kosɛbɛ.
N y'a Ta yɔrɔ min n y'a Blà yen.
Blàdon : 2016-05-19 Yɛlɛmako laban : 2016-07-07
