Tabarakɔ
Dugu yɔrɔfɔli
Tabarakɔ Bɛ Sikaso marabolo fɛ, Sikaso kolomi la, Gɔ̀nkaso galoda la ani Kilela kafoda la. A n’a ka kubedugu cɛ Ye bam 30 ye ni k’a ni galotigi-dugu cɛ Kɛ bam 6 ye. A ni duguba min ka surun o Ye Sikasso ye. A n’o cɛ jànya Ye bam 36 ye.
Dugu minnu kɛlen dòn ka Tabarakɔ Lamini olu Flɛ : De B’a kɔrɔn fɛ, Jànso B’a tlebin fɛ, Siramana B’a ni kɛɲɛka ‘cɛ ni kà Gɔ̀nkaso K’a ni worodugu ‘cɛ.
Dugu tɔgɔko
Kabi Tabarakɔ tu Tigɛra fo ka Nà Blà bì la, a ma Weele tɔgɔ wɛrɛ la. ‘Kùnnafoni fana ma Sɔrɔ a tɔgɔ sɔrɔcogo kan an Bɛ dòn min na i ko bì.
Dugu dugutigiya
Tabarakɔ sìgibaa Bɔra Yanfolila. Laadala-dugutigiko de Bɛ dugu la. Dugutigiya Bɛ kìn kelen ka bolo kan ani a bɛ Nà kɔrɔyakunda. Dugutigi ntanyali dɔrɔn de bɛ Nà ni dugutigi-yɛlɛma ye. Kamanɔn Bangali de Bɛ dugutigiya la bì. Dugutigi kɔrɔ dɔw Ye Kɔncɛ ni Mɛgɛnuru Bangali ye.
Dugu bònya
Tabarakɔ B’a sìgiyɔrɔ fɔlɔ la halibi. An ma fεn Sɔrɔ kà Fɔ a bònya kan.
Dugu siyako
Sεnɛfɔw, flaw, dɔgɔnɔw ani Miɲankaw de Bɛ Tabarakɔ. Jamu min Bɛ yen o Ye Bangali ye. Sinankunya B’o ni Konatε ‘cɛ. Furusira Bɛ Tabarakɔ kìnw ni ɲɔgɔn ‘cɛ a n’a ni dugu wɛrɛw ‘cɛ.
Kanko siratigɛ la, shɛnara, bamanankan ani flakan de bɛ Fɔ Tabarakɔ nka shɛnara de fɔli ka ca.
Dugu baarako
Baarako siratigɛ la, sὲnɛ bɛ Kɛ kosɛbɛ Tabarakɔ ka Tɛmɛ baara bɛɛ kan. Sὲnɛfɛn dɔw Flɛ : kàba, malo, tiga, tiganinkuru, woso, je, bàra, ʃɔ ani kɔɔri. Sὲnɛ kɛrɛ fɛ, nakɔbaara fana bɛ Kɛ. Nakɔjiri dɔw Flɛ : mangoro, lenburu, manje, namasa ani sɔmɔ. Nakɔlafɛn dɔw Ye : tamati, nkɔyɔ, salati, ʃù ani gan.
Ka Fàra sὲnɛ ni nakɔbaara kan, Tabarakɔkaw cɛsirilen dòn baganmara fana na. Bagan marata dɔw Ye misi, bà, saga, fàli, wùlu ani jakuma ye. Kami, tonkɔnɔ, jὲnɛntubanni ani ʃɛ Ye kamanmafɛn marata dɔw ye. Mɔni fana bɛ K’u fɛ kɔ̀ la. O mɔni kɛminɛnw Ye jɔ ni dɔli ye. Baara fɔlen ninnu kɔ fɛ, jago fana bɛ Kɛ Tabarakɔ. A sugu Ye sibiri ye. O Bɛɛ kɔ fɛ, tabarakɔkaw bɛ bololabaara ni donsoya fana Kɛ. Bolalabaara kɛta dɔw ye ŋununda, sìgilandla ani sansaradla ye. Numuyabaaraw la, u bɛ dàba, misidaba ani wotorodla Kɛ.
Dugu fὲɛrɛko
Kungosogow fàgali la, fὲɛrɛ caman Bɛ tabarakɔkaw ‘bolo. Olu dɔw Flɛ : marifa, bese ani waraminɛ-nɛgɛ. Fὲɛrɛ minnu Bɛ yen kungokɔnɔw fàgali la olu Ye: manabɛlɛ, ntɛnfɛrɛ, wɔ̀lɔjuru, furabulu samani ka wɔ̀lɔ Minɛ a fan kan ani buturu. Fɛn minnu bɛ Kɛ sokɔnɔfɛnw minɛni la, olu Flɛ: Jonbori, ka bagan masina nɛgɛn ka Dòn a koronyɔrɔ la walima k’a Gɛn kà Minɛ. Лɛlakegunyako minnu bɛ Kɛ dugu fɛ olu Ye ncankoroda ni fìnisɔgɔ ye.
Dugu yiriwaliko
Yiriwaliko siratigɛ la, nin ko kura kofɔtaw Dònna Tabarakɔ dugu ‘kɔnɔ : pɔnpekɔlɔn, jabaranin, kɔɔrisugu, mɔbili, moto, kuran, jibanbe, kalalikɛ-mansin ani sὲnɛkɛ-mansin. Baɲuman-kɛtɔn min Bɛ yen o Ye « Save the children » ye. Ale ka yiriwalisira Ye kàlanko ye.
Dugu kàlanko
Kàlanko la, Lakɔlikàlanso naani Bɛ Tabarakɔ (forobata fla ani dugu ta fla). Sànkɔnɔtɔn-kàlan de bɛ Kɛ kàlanso fɔlen ninnu bɛɛ la. Lakɔlikàlan kɔ fɛ, balikukàlan fana bɛ Kɛ Tabarakɔ. Ale kɛyɔrɔ kelen de Bɛ yen. Kà fàra nin bɛɛ kan , denmarayɔrɔ kelen fana Bɛ dugu ‘kɔnɔ. Kàlan fɔlen ninnu na, lakɔlikàlan de fɔlɔ Dònna dugu ‘kɔnɔ w’ale fana de fanga ka bòn ka sago tɔw bɛɛ kan.
Lakɔlikàlan ‘sababu la, tabarakɔka dɔw Kɛra jɔyɔrɔ-tigiw ye. Salifu Bangali B’o la. Ale Kɛra galotigiseere « conseiller municipal » ye. O sìgiyɔrɔ Ye Tabarakɔ ye. O kɔ fɛ, Madu Bangali fana Bɛ yen. Ale Kɛra ‘kiiritigɛla ye ni k’a sìgiyɔrɔ Bɛn Tunbutu ma.
Dugu batoko
Silamɛya, Kerecɛnya ani bamananya de Bɛ Tabarakɔ. Silamɛya dònbaa tɔgɔ Ye Isa Tarawele ye. Eglisi kelen ni misiri gansan kelen Bɛ dugu ‘kɔnɔ. ‘Jumamisiri tɛ yen fɔlɔ. Dugu dasiri Ye fàli ye.
Dugu ɲɛnajɛkow
Dugu tlonkɛcogo kɔrɔ dɔ Ye tɛgɛrɛtlon ye. Лɛnajɛlako ninnu bɛ Kɛ tabarakɔkaw fɛ an Bɛ dòn min na i ko bì olu ye: kɔɲɔ, denkundi, seliw, sanyɛlɛmaw, sankunbɛn, laadalkow ani tɔnɲɛnajɛw. Лɛnajɛ fɔlen ninnu fɔliminɛnw Ye : flen , fle, buru, bàra, bala ani dunun.
Farikolo-ɲɛnajɛ minnu bɛ Kɛ yen olu ye ntolatan ni nɛgɛsoboli ye. Dugu ɲɛnajɛw kɛyɔrɔ Ye fὲrɛ de ye,
Dugu kungoko
Kɔ̀ fla Bɛ Tabarakɔ. Jɛgɛ minnu bɛ Minɛ kɔ̀ ninnu na olu dɔw Ye : manɔgɔ, saalen, ntɛbɛn, samu, kɔnkɔn, talaka, dodò ani zeku. Kaana ni koorokaara fana bɛ Sɔrɔ kɔ̀ fla ninnu na.
Tabarakɔ kungojiri dɔw Ye : jala, banan, sanan, genun, nkaba, npeku, zaban, nsira, bumu, ʃì, nɛrɛ, balazan, sunsun, woo, ani zɛkɛnɛ.
Nin kungofɛn kofɔta ninnu bɛ Sɔrɔ Tabarakɔ kungo ‘kɔnɔ: sinɛni, warablèn, miniɲan, dànkalan, duga, kungo kami, wɔ̀lɔ, bunun, tònkanjɔ ani bàla. Dugu kungoda Ye fla ye : disinagan ani sanikɔrɔ.
Dugu kaburudoko
Tabarakɔ kaburudo Ye fla ye. Kelen Ye mɔgɔkɔrɔbaw ta ye, kelen Ye denmisɛnw ta ye. U Bɛ dugu ni kɛɲɛka ‘cɛ.
Dugu waatiko
Waati minnu bɛ Fɔ ɲɔgɔn ‘kɔ Tabarakɔ olu Ye: samiɲɛ, kawulɛ ani tlema.
Dugu kabakoma-yɔrɔko
‘Kabakoma-yɔrɔ tε Tabarakɔ.
Blàdon : 2017-04-17 Yɛlɛmako laban : 2017-04-29
