Dɔnniya fòrobayali jὲmukan tàko 41nan
Làbɛn 4 : Nimadɔn
Dakun : Fàrikolo sogolominɛnw
1. Hakililajigin adamaden fàrikolo bàrisogoko kan
- Fàrikolo sɔ̀minanw Bɛ yèn : yeli, mɛnni, nɛnɛni, màganna ani kasa ta ;
- Fàrikolo sogolominɛnw fana Bɛ yèn : sumanbayɛlɛma ta, jòliwoyo ta, fàrisɛnsɛn ta, ɲɔnni ta, bangeli ta, kolo sogolocogo ta, bù sogolocogo ta, sɔ̀misira sogolocogo ta, tàngalisira sogolocogo, namaji fàrilabɔcogo ;
- An ye fàrikolo sɔ̀minanw Ye tàko tὲmɛnenw na kàban ;
- Bìta da Bɛ fàrikolo sogolominɛnw kisa wolomali la.
2. Adamaden fàrikolo yὲrɛ ye mùn ye ?
- Adamaden fàrikolo ye mìnɛnw fàra-faralen ye ɲɔgɔn kan kà Jὲ kà mɔ̀gɔ fàrikolo sawura D’a ma ;
- Fàrikolo sogolobɔgɔ bɛɛ la fitinin ye tùfa de ye, o min caman jὲɛrɛlen bɛ bùsiri Di, kà Laban kà sɔ̀minanw Di ;
- Fàrikolo birifini ye gòlo y’a kan k’a sinsinnan Kɛ kolow sogololen ye min hakɛ bɛ den 200 Bɔ baliku fàri la ;
- Fàrikolo sogolominɛnw tlalen Dòn kà Kɛ kuluba 11 ɲɔgɔn ye.
3. Fàrikolo sogolominɛnw kofɔli
- Sumanbayɛlɛma mìnɛn : an ye dɔ Fɔ o kan kàban kabi jὲmukan tàko 30nan ni 32nan ;
- Jòliwoyo mìnɛn : ale ka baara ye jòli wòyoli sàbatili ye kà fàrikolo Lahinɛ ;
- Fàrisɛnsɛn mìnɛn : ale ka baara ye kà fàrikolo jinɔgɔw Sɛnsɛn kà Bɔ n’u ye ;
- Лɔnni mìnɛn : ale ka baara ye fàrikolo lahinɛli ye ninakiliko sira fɛ ;
- Bangeli mìnɛn : ale ka baara ye bɔnnaw sɔ̀rɔli waleyaw ye fàrikolo la ;
- Kolo sogolocogo (fàrilabɔcogo) : ale ka baara ye jɔ̀li ye ni fàrikolo mìnɛn tɔ̀ bɛɛ ye ;
- Bù sogolocogo : ale ka baara ye bɔnnɔna sàbatili ye fàrikolo fɛ ;
- Sɔ̀misira fàrilabɔcogo : ale ka baaraw la fànba ye sɔ̀mi dili ye fàrikolo la ;
- Tàngalisira fàrilabɔcogo : ale ka baara ye fàrikolo tàngaliwalew blàli ye ‘sèn kan ;
- Namajiko fàrilabɔcogo : ale ka baara ye fàrikolo jikunaw/namajiw màjɛɛrɛli ye ;
- Gòlo fàrilabɔcogo : an ye dɔ Fɔ o kan jὲmukan tàko 37nan na.
4. Dodaɲɛ sɔ̀rɔlenw blàli fransɛkan na
bangeli mìnɛn = appareil reproducteur
bù sogolocogo = système musculaire
bùsiri = tissu
fàrilabɔcogo = système, appareil
fàrisɛnsɛn = excrétion de déchet
fàrisɛnsɛn mìnɛn = appareil urinaire, appareil excréteur
gòlo fàrilabɔcogo = appareil protecteur
jòliwoyo = circulation sanguine
jòliwoyo mìnɛn = appareil circulatoire
kolo = os
kolo sogolocogo = système squelettique
mìnɛn = appareil, système
namajiko fàrilabɔcogo = système endocrinien
ɲɔnni = respiration
ɲɔnni mìnɛn = appareil respiratoire
sɔ̀minan = organe
sɔ̀misira = nerf
sɔ̀misira fàrilabɔcogo = système nerveux
sogolobɔgɔ = élément constitutif
sogolominɛn = système, appareil
sùmanbayɛlɛma = digestion
sùmanbayɛlɛma mìnɛn = appareil digestif
tàngalisira fàrilabɔcogo = système immunitaire
tùfa = cellule
Sunkofɔlan
Ballo, Issiaka, 2022, Enrichissement lexical du bamanankan : les appariements bamanan des dénominations françaises des concepts de la biologie humaine, Bamako, édis.
Ballo, Issiaka, 2019, Enrichissement lexical du bamanankan : les appariements bamanan des dénominations françaises des concepts de la biologie humaine (Thèse de doctorat, ULSHB - IPU).
Bordes, Gérard, 1978, Grande encyclopédie Atlas de la médecine, volume 1, Paris, Edition Atlas.
Microsoft Encarta Collection, 2009, corps humain.
Blàdon : 2024-08-09 Yɛlɛmako laban : 2024-08-09
