Amadu Hanpatε Ba
Amadu Hanpatε Ba Bangera 1900 sàn Banjagara dɔgɔnɔw ka faaba la. A fa ye Hanpatε ye, a ba ye Kadija Pulɔ Patε Jalo ye. Amadu yεrε Bɔra fla du de kɔnɔ. A fà salen kɔ a Lamɔnna a ba cε flannan fε n’o ye Tijann Amadu Ali Cam ye.
A Dònna Cεrnɔ Bokar ka morikalan na fɔlɔ ka Sɔrɔ ka Na lakɔlikalan na Banjagara ni Jεnε.
1915 sàn a Bolila ka Bɔ yen k’a N’a ba nɔ fε Kati. O la a Tεmεna n’a ka kàlan ye yen.
1921 sàn a Banna ka Taa Gore kalanso la. O kosɔn yen kunnasigi-fangatigi y’a Лanŋe ka Sɔrɔ k’a Bla ka Taa Wagadugu.
K’a Ta 1922 sàn na ka Nà 1932 sàn na a ye baara kε Burukina foroba cakεda caman na fo 1942 sàn a ka Sɔrɔ ka Na Bamakɔ.
1933 sàn a ye sεgεnlafiyεnbɔ waati dɔ Sɔrɔ kalo 6 kɔnɔ. A Nana o waati in Kε Cεrnɔ Bokar kεrε fε n’o min y’a karamɔgɔ ye.
1942 sàn a ye siyako ɲininiw Kε IFAN na Dakar. A y’a Лεsin ɲinini ma sàn 15 kɔnɔ, ɲinini min Nana ni a kεli ye ka gafe Bɔ min tɔgɔ ye Empire peul du Macina ye.
1951 sàn a ye kàlanwari Sɔrɔ UNESCO fε min y’a Lase Pari, min fana y’a To a y’a yεrε Sɔrɔ farafinw cε la yen.
1960 sàn Mali ka yεrεmahɔrɔnya sàn a ye adamadenya kàlanso dɔ Dayεlε Bamakɔ. A Kεra jamana ka cεbɔ yeUNESCO ka lajεεrεba kεnε kan.
1962 sàn a Kεra UNESCO ka cεbɔ dɔ ye.
1966 sàn a sen tun bε farafinna kanw sεbεnni kow la. 1970 sàn Bεnna ka baara banni ma UNESCO la.
O kεlen Amadu Hanpatε Ba y’i Лεsin a ka ɲinini ni sεbεnni baaraw ma. A y’a ka ɲεnamaya sàn labanw Kε Abijan a ka sεbεnni kεlenw farafinna tlebinyafan ko kɔrɔw kan farali la ɲɔgɔn kan a ka ɲεnamaya kɔnɔ ani a ka gafe Amkulel l’enfant peul ni Oui mon commendant sεbεnni na. O gafe ninnu Nàna Bɔ 1991 sàn Fransi.
1991 sàn mεkalo la Amadu miniji Dɔgɔyara.
Gafe bɔlenw
- L’empire peul du Macina, 1955 sàn, a bɔko kura 1984 sàn
- Vie et œuvres de Tierno Bokar, le sage de Bandiagara, 1957 sàn, sεbεnko kura 1980 sàn, a Kεra ɲɔgɔlɔn ye Petεr Bruk fε 2003 sàn
- Kaidara, récit initiatique peul, 1969 sàn
- Aspect de la civilisation africaine, 1972 sàn
- L’etranger Destin de Wangrin, 1973 sàn, a ye farafinna jalaba Sɔrɔ 1974 sà
- L’Eclat de la grande étoile, 1974 sàn
- Jésus vu par un musulman, 1976 sàn
- Petit Bodiel, 1976 sàn
- Njeddo Dewal mère de la calamité, 1985 sàn
- Ce que vaut la poussière, 1987 sàn
- Amkoullel l’enfant peul (Mémoires I), 1991 sàn, a ye farafinna tɔgɔla jala Sɔrɔ o sàn kelen
- Oui mon commandant (Mémoires II), 1994 sàn
- Il n’ ya pas de petite querelle, 2000 sàn
- Mémoires, 2012 sàn
Kùnnafoni bɔyɔrɔ
- Tout du Mali
Blàdon : 2017-04-09 Yɛlɛmako laban : 2017-04-10
