Mankala Kàmara
Mankala (Màmutu) Kàmara tùn Ye Màli ‘dɔ̀nkilidala ye. A bangera 1960 sàn Kὲɲɛba (Kàyi). A Faatura 2010 sàn sɛtanburukalo tlè 29 Bàmakɔ k’a sababu Kɛ bàna ‘kùntaala surun ye.
Mankala Kàmara tùn Ye jàgokɛla dɔ ‘den ye. A ye dɔ̀nkilida da Mìnɛ kàbini a ka dɔgɔ. Nkà a dɔ̀nkiliko in tùn man di a somɔgɔw ye.
1971 sàn, k’a ʃi To sàn 11 na, a Dònna Kàyi fɔlijɛkulu la. 1992 sàn a y’a ‘sèn Dòn «African Sofa » kulu sìgi la. O baara in Kɛra a fɛ ni ‘màliden wɛrɛ, làginɛka flà, kamerinika kelen ani kapwɛrika dɔ ye.
Salif Keyta y’a Lakodɔn minkɛ, o y’a Lanà a ka « Les ambassadeurs » kulu la. O kulu in na Mankala tùn Ye ‘dùnunfɔla ni ‘korafɔla ye. A y’a ka yaala fɔlɔ Kɛ ni Salif Keyta ye Erɔp 1985 sàn.
O kɔ fɛ a ye « Dɔ̀nkɛ » kulu Sinti ni Alɛn Leckwɛnt ye. 1988 sàn, u ye Dɔ̀nkili fɔlɔ Bɔ k’o tɔgɔ Da ko « Pàri-Bàmakɔ ».
O kὲrɛ fɛ, a ye baara Kɛ Mànden làadalafɔliw kan min Kùncera ni dɔ̀nkili kura dɔ bɔli ye. 1993 sàn.
A tùn labὲnnen Dòn ‘dɔ̀nkili kura bɔli ‘kan ma waati min na 2010 sàn kalo 10nan, a Faatura Gabiriyɛl Ture dɔ̀gɔtɔrɔso la 2010 sàn sɛtanburukalo tlè 29 Bàmakɔ.
A ye dɔ̀nkili minnu Bɔ, olu Ye :
1988 : Pàri-Bàmakɔ (Dɔ̀nkɛ kulu)
1991 : Remix Mande (Dɔ̀nkɛ kulu)
1993 : Complaintes mandingues blues
1999 : Réexpédition
2000 : Satellit Café
2001 : Jèliw ka dɔ̀nkiliw n’u ka fɔliw (Chants et musiques de griots)
2003 : Impala Lounge Compil
2013 - Njenale (Ale de Bɔra a sàlen ‘kɔ)
Blàdon : 2025-01-11 Yɛlɛmako laban : 2025-01-11
