Bàba ʃɔdunbali
Nin Kɛra Gànakɛ dɔ ye min tɔgɔ tùn ye Bàba jalo ye. N'a tùn bɛ F'a ma fana ko Bàba ʃɔdunbali
Bàba k'a tε ʃɔ Dun, fo bεε k'a ma ko ʃɔdunbali. Don dɔ Kεra yen, Bàba n'a teriw dalajɛlen, a y'i y'i Kàlen olu ye k'a tɛ ʃɔ Dun màa si ye. O kɛlen, a teriw fana ye ɲɔgɔn Ye ni ka Bɛn ko dɔ kan a kɔ kan. U ye mun Kɛ? U ye Bàba sungurun Weele ni k'o Lasu ka Blà, k'a ka fɛɛrɛ sugu bɛɛ Kɛ waasa Bàba bɛ se ka ʃɔ Dun cogo min na. Ko n'o Sera ka Kɛ k'u bɛ girinman D'a ma.
Bàba sungurun ye ʃu sàba Kε a tε Sunɔgɔ. O min Fɔra, sugurun in fana Tora a bɛ To ka Taa Bàba fɛ yen dòn o dòn ʃu fɛ, f'a bɛ ʃi a fɛ tuma dɔw la. A bε ʃi kà Bàba Fifa, a b'a Digidigi w'a tùn bɛ Bàba tlokɔrɔkuma-kan dumanniw F'a ye fo ka ka dugu Jε. Dennin ye ʃu fla K'o la. A ʃu sàbanan sa, a bɛ deli ka 'fɛn o 'fɛn Kɛ Bàba la ʃu fɛ, a ye dɔ Fàr'o kan. Aaa! jaa! muso ka munumɛnɛniw tɛ tɔ To 'cɛ ʃi la. O ʃu sàbanan in kow Ja kojugu Bàba kùn fɛ. Bàba Flɛ ka layidu Tà dennin ye, k'a bɛ min fɛ k'a k'o Fɔ. O kɛlen, sugunrun y'i kan T'a ma.
-Ee! Ne ninakanu, Ni ne ye 'fɛn Fɔ min tɛ Taa i jimisira fɛ dun?
-Fɛn min bɛ adamaden ni Dimi, o y'a fari fàn dɔ tigɛli ye. Wa n kaletɔ Flɛ n ba ʃu kan i ye, n'i ko n ka 'fɛn o 'fɛn K'i ye n b'a Kɛ hali n'o bɛ Kɛ ne Bàba sata ye. Kuma! Bàba kan bɛ tèn.
O Kɛlen, dennin y'i kan To:
-Ne ninakunu, ikomin i ko tèn. Ne bɛ Fɛ k'a Dɔ n'i bɛ ne fɛ.
-cogo di? Baba ko tèn.
-Jyɛn bɛɛ Ko k'e tɛ ʃɔ Dun. Ɔ, ne kɔni bɛ f'i ka ʃɔ Dun 'bolo n'i bɛ n fɛ.
O kɛlen, Bàba y'i Sìgi k'i kùn Suuli ni k'i Suma sɔn. Ɔ Bàba y'o min Kɛ dennin Sinna k'i Kɛ kasi kan tèn. Bàba bɛ Sɔnmi ko la tuma min na fo dennin ɲɛjisira fla bɛɛ bɛ Jigin.
- E bɛ Kasi mun na? Bàba kan ye tèn.
-N y'a Dɔ bì de ko ne bɛ ka n yɛrɛ Fàga e nɔ fɛ jaa e ka sira tɛ ne na. Ne ma fɛn wɛrɛ ɲini i fɛ ʃɔ dunni 'kɔ ne 'bolo.
- Ka na Kasi sa, Ne hakili la i bɛ na fɛn wɛrɛ Fɔ n ye, nka e ma se ka foyi Sɔrɔ ka Fɔ ko fo ʃɔdun o dabaliban de ye n Minɛ. I ɲɛji Cɛ. N ma jyɛn muso ʃi Kanu iko e, wa k'i To balolen n tɛ na muso wɛrɛ Kanu ka sago i kan. I Labɛn i ka ʃɔ dumannin dɔ Kɛ n ye sinin ʃu fɛ, ŋana sàba taamatuma, o na sininʃurabaro tɔ sankɔrɔ Tà, nka n bɛ 'fɛn kelen min Лini i fɛ i ka n'a kuma Fɔ danfɛnʃi ye.
Aa! O fɔ Bàba fɛ, dennin nisɔn dyara. Dennin Nan'a ka ʃɔ Tobi ka Tla ka kɔnɔbolifɛn dɔw K'a, la, f'a b'i kan To a yɛrɛ ma ko:
-Ɔɔ gundo? màaʃi tɛ Bɔ n'i ye i yɛrɛ 'kɔ.
ʃu Nana Ko tun. U Nan'u ka ʃurabaroninw da Minɛ fo ka Taa se fajirimasurunna na tuma min. dennin ye ʃɔ Sìgi Bàba 'kɔrɔ. Bàba Flɛ k'i kɔnɔkolon Fa o la tete. Aa! tle bɛ Se walaha ma waati min na Bàba kɔnɔ Bòlila. Bàba ye ɲɛgɛda K'a teri ye. Nk'o ʃi ma Kɛ 'baasi ye. Fɔɔnɔ fana Nana Dòn a ko 'sen 'kɔrɔ. Aa! Bàba fɔɔnɔnen, 'màa o màa tun bɛ yen bɛɛ Kabakoyara. U Tora u bɛ ɲɔgɔn Lajɛ sɔn. A maloyalen y'i kan To jàma ma ko:
-N sugurun de ye n Nɛgɛ ka n Blà a La, jaa muso tɛ màa gundofɔɲwaa ye, a y'aw kɔlɔs'u la.
Ɔ, Bàba kɛnɛyalen, denmisɛnninw Tora u b'a F'a ma ko: "boji Baba"
An y'a Tà yɔrɔ min an y'a Blà yen.
Blàdon : 2017-02-27 Yɛlɛmako laban : 2017-02-27
