Dɔnniya fòrobayali jὲmukan tàko 47nan
Làbɛn 4 : Nimadɔn
Dakun : Bù sogolocogo (Le système musculaire)
1. Bù kofɔli
- ‘Bù kelen-kelen in de ko Dòn: sògobu
- Bù Ye ‘fàrilafɛn ye min Kɛra kà bagannaka bɛɛ fàrikolo Bàri ;
- Bù bɛ Se ko min na kosɛbɛ fàri la o ye lasamali ye kà Sègin a nɔ̀ na ;
- O kùrukafoni de b’a To fàrikolo bɛ Sɔ̀n lamagacogo caman ma ;
- Fàrikolo sogolobɔgɔw la (kolo, jòli, ji), bù bɛ hakɛ min Tà o ka ca n’a bɛɛ ta ye ;
- O kosɔ̀n, bù dànsigiyɔrɔ hakɛ Fɔra kà Kɛ 600 ye mɔ̀gɔ fàri la ;
- A dɔ Bɛ fàri fàn bɛɛ la : jɔ̀lanw, sɔ̀minanw, sogolominɛnw, kɔnɔbara, kɔ, gòlo ;
- Bu sògo sawura la, a sifa ye sàba de ye : ‘bù nùgumanw, kololabuw ani sɔ̀nbuw.
2. Bù sògow sawura dànfaraw
- Bù bɛ Dan siya 3 nìnnu ye : bù nùguman, kololabu, sɔ̀nbu ;
- Bù nùguman bɛ Ye fàri sokɔnɔfɛnw de la : nùgu, fùru, fìlejòlisiraw, gòlo ;
- Bù nùguman bɛ yὲrɛmabaaraw de Kɛ fàri la : ninakili ni sùmanbayɛlɛma ɲìnɛmabaaraw kɛli;
- Fɛn min Ye kololabu ye sa, ale ye ‘bù ye min kùnw nɔrɔlen Dòn kolo la a ka c’a la;
- Kololabu sawura kosɔ̀n, ale fana bɛ Weele ko ‘bù sirama bàri a bùdenw fù ka jàn pɛrɛlɛ-pɛrɛlɛ ni bù nùguman ta ye kà Tla kà fìlewo Kɛ u ‘kɔnɔ;
- Kololabu de bɛ fàrikolo Blà làmagali làɲinibaara la bàri a ka mɔsɔnkafoni b’o Waleya ;
- Bù suguya sàbanan sa, n’o Ye sɔ̀nbu ye, ‘bu siya tɔ̀ flà ka sàgolakow b’ale ‘bolo ;
- O la, a bɛ Fɔ ko sɔ̀nbu ni kololabu bɛ ‘tàli Kɛ ɲɔgɔn na u fùw jànya sira fɛ ;
- Nkà, a ni bù nùguman fana bɛ ‘tàli Kɛ ɲɔgɔn na ɲìnɛmabaara sira fɛ ;
- Sɔ̀nbu b’a ka baara sɔ̀mi Sɔ̀rɔ kà Bɔ ɲìnɛmasɔmisira de fɛ.
- A ka yὲrɛmabaara sènna ka telin bàri hakilijiginnan/ŋɛɲɛyalan nàli ka telin a la a tùfaw kùrutuguda caya fɛ.
3. Bù sifa 3 yeɲɛna na
- Bùw yeɲɛna la, u sawura bɛ Dan sàba ye : bù kòorilenw, bù pὲtɛlenw, ‘bù kɔnɔmaw ;
- Bù kòorilenw bɛ Sɔ̀rɔ fàrikolo wòmayɔrɔw lamini na : ɲɛda, bòda ;
- Bù pὲtɛlenw bɛ Ye nàgada ni fὲlɛfɛlɛmayɔrɔ dɔw la i n’a fɔ sɔ̀nnabiri ;
- ‘Bù kɔnɔmaw bɛ Sɔ̀rɔ jɔ̀lanw yɔrɔ la ka caya : bolokanbuw ani sènkalalabuw.
4. Bàna minnu bɛ bù Mìnɛ
- Bùlabanaw ka ca;
- U bɛ da Mìnɛ bù galabu dɔgɔya la kà Taa a galabu dànmatɛmɛni na;
- Ni bù galabu man bòn, o gὲlɛya bɛ Weele ko galabuntanya;
- N’a galabu fana bònyana kà Dànsago, o bɛ Weele ko galabuɲama;
- Bùlabanaw fànba Ye cɛnlabanaw de ye ;
- A dɔ bɛ Weele ko lafonibaliya (myotonie), o min ye bù mɔsɔnnen bànni ye kà Foni;
- Dɔ fana bɛ Weele ko lamagabaliya (dystrophie), o min Ye bù bànni ye ŋὲɲɛyali ma.
- Bùlabana sugu min bɛ Kɛ a tìgi sata ye a bɛ Fɔ o ma ko Dukɛnn ka bùlabana.
5. Dodaɲɛ sɔ̀rɔlenw blàli fransɛkan na
bù = muscle
bù kɔnɔma = muscle en fuseau
bù kòorilen = muscle rond
bù nùguman = muscle lisse
bù pὲtɛlen = muscle plat, muscle trapèze
bù sirama = muscle strié
bù sogolocogo = système musculaire
bùlabana = myopathie
cɛnlabana = maladie génétique
Dukɛnn ka bùlabana = myopathie de Duchenne
fìlejòlisira = vaisseau sanguin principal
fìlewo = cylindrique
fù = fibre
galabuɲama = hypertrophie
hakilijiginnan = stimulus
jɔ̀lan = membre
kololabu = muscle squelettique
kùrukafoni = contraction
kùrutuguda = jonction, articulation
lafonibaliya = myotonie
lamagabaliya = dystrophie
làmagali = mouvement
làɲinibaara = mouvement volontaire
lasamali = décontraction
mɔsɔnkafoni = contraction
ɲìnɛmabaara = mouvement involontaire
ɲìnɛmasɔmisira = système nerveux autonome
ŋɛɲɛyalan = stimulus
sàgolako = propriété, caractéristique
sogolominɛn = système, appareil
sɔ̀mi = influs nerveux
sɔ̀minan = organe de sens
sɔ̀nbu = myocarde
yὲrɛmabaara = mouvement involontaire
Sunkofɔlan
Ballo, Issiaka, 2022, Enrichissement lexical du bamanankan : les appariements bamanan des dénominations françaises des concepts de la biologie humaine, Bamako, édis.
Ballo, Issiaka, 2019, Enrichissement lexical du bamanankan : les appariements bamanan des dénominations françaises des concepts de la biologie humaine (Thèse de doctorat, ULSHB - IPU).
Bordes, Gérard et al., 1980, Grande encyclopédie Atlas de la médecine, Bruxelles, Atlas.
Danbele, Mamadu, Sɔngomo, Sanusi, 2004, Dɔnniyakalan sàn 5nan-6nan, Bamakɔ, Edition Donniya.
Microsoft Encarta Collection, 2009, muscle.
Microsoft Encarta Junior, 2009, Les muscles.
Blàdon : 2024-10-28 Yɛlɛmako laban : 2024-10-28
