Sɛnɛkɛla >
Siginikalan ye nɔ min Da CMDT ka marabolow 'kɔnɔ
CMDT tùn coronnen dòn gὲlεyaw ‘kɔnɔ sani 1990 sànw ka Se. O gὲlεyaw tùn sababu bε Bɔ sὲnεkεlaw ka kodɔnbaliya la sὲnε fὲεrε ni taabolo kuraw kan. CMDT ka fura sɔrɔlen fɔlɔ Kεra kà cὲbɔ caman Tà baara la minnu bε Yεrεkε duguw fε kà T’a kà sὲnε fὲεrε kuraw Dòn mɔgɔw ‘kɔrɔ. CMDT yεrε fε, o tùn bε Kε sababu ye kà faamuya kuraw Lase sὲnεkεlaw ma. O la, i tùn bε a ka lasigiden Ye dugu bεε ‘kɔnɔ. I yεrε tùn bε 2 ɲɔgɔn Sɔrɔ dugu dɔw ‘kɔnɔ minnu foroda ka ca.
O ʃi m’a To gὲlεyaw Banna. Siginikalan Nàna bì kà sὲnεkεla caman Jo fὲεrεw la minkὲ, CMDT y’a Ye ko sὲnεkεlaw yεrε kàlanni de ɲɔgɔn tε walasa u ka sὲnε taafan kuraw Faamu joona. Siginikalan gintan tɔ̀ Bònyana kà T’a fε. Siginikalan-den nàlen Caya sa, CMDT Nàna dɔ Jigin kà Bɔ a yεrε doni na n’o ye lasigiden caman tàli ye baara la. Sani a k’a Kε lasigiden kelen dugu kelen ye blen, a ye dugu caman Kafo ɲɔgɔn kan kà lasigiden kelen Sìgi olu bεε ‘tɔgɔ la.
Siginikalan-denw cayali Nàna ni sεnεkεla caman kεli ye kà sεnε fεεrε kuraw ɲεdɔn bεrεbεrε. Lasigiden sigikun tùn y’o gὲlεya furakεli ye minkὲ, CMDT y’i doni Kε kɔɔrimugu ye dɔɔnin-dɔɔnin lasigidenw tàli la. A tɔ̀ Kεra kà dɔnniyaw Di sὲnεkεlaw yεrε ma u kà baaraw Kε n’o fὲεrεw ye.
Dɔnniyaw ni fὲεrεw Dira sὲnεkεlaw ma u ka forow ‘kɔnɔ. Baara ni fὲεrεɲεdɔn wàralen sa, feeresεnε ni balosεnε Nàna Yiriwa fo sὲnεkεlaw bε sɔrɔba Kε sàn o sàn 1990 sànw waati la. Sὲnε fεεrε kɔrɔw blàli ni kà kuramanw Tà olu nɔ na, o y’a To forokεnεw Bònyana kà sɔrɔ tɔ̀ Wàra.
Gafe min tɔgɔ ye Evolution culture cotonnière au Mali de 1960 à nos jours”, an y’a Kàlan o ‘kɔnɔ ko 1996-97 sàn na, ko kɔɔri tɔni 430.074 Sɔrɔla CMDT fε taari 397 201 ‘kɔnɔ. Kɔɔri tɔni 593 126 Sɔrɔ la fana taari 515 943 ‘kɔnɔ 2003-04 sàn na CMDT fε.
N’an ye 1996-97 sàn sɔrɔ ni sàn tan (10) ta Sanga ɲɔgɔn ma min Tεmεna, (1986-87 sàn), an b’a Ye ko belebele Fàrala sɔrɔ kan 1996-97 sàn na. CMDT tùn ye tɔni 194 763 de Kε taari 145 747 de ‘kɔnɔ kɔɔri la 1986-87 sàn na. An ‘ɲε b’a la sa ko 1996-97 sàn ye 1986-87 sàn Dàn ʃyεn caman.
O sababu fɔlɔ bε Bɔ sὲnε fὲεrεw ɲεdɔnni na sὲnεkεla fànba fε. 90 sànw kɔnɔna na kà sago 80 sànw ta kan. O fὲεrεw dun sɔrɔli teliya Bɔra kàlan kεli bamanankan na fε. Ko wεrε ‘don bε sɔrɔ jiidili la jaati nka fὲεrεw dili sὲnεkεlaw yεrε ma o y’a fànba ye.
Fὲεrεw laseli sὲnεkεlaw ma o de y’a To sàn o sàn dɔ tùn bε Fàra forokεnεw bònya kan walasa sɔrɔta bε Caya. Foro nɔgɔdon fὲεrε ɲεdɔnni de tùn b’a To sɔrɔ kεta foro kelen ‘kɔnɔ o bε Bugun. Kɔɔri furakε-cogo bεε ɲεdɔnni ‘sèn b’a la.
Blàdon : 2016-06-06 Yɛlɛmako laban : 2017-01-08
